“Ongo, Kakauongo, ao Mutiakinna,” Ibukin Kakorakoraia Kairake, Tianuare. 2021, 32.
Ni Katoa Namwakaina Ibukin Kakorakoraia Kairake Te Rongorongo, Tianuare 2021
Ongo, Kakauongo, Mutiakinna
Tamnei iroun Guev Design
Te moan taeka raoi n Reirei ao Berita aika Tabu bon kakauongo (taraa Reirei ao Berita aika Tabu 1:1). Nanona “bwa ko na ongora ma nanom n ongotaeka.” Te ongora nanona te “Ongo Irouna”—te ongo ni bwaai ake e taekin te Tia Kamaiu ao ngkanne ko na mutiakina Ana reirei. N taeka aika uoua—“Ongo Irouna”—E anganiira te Atua te banna ibukin te kabwaia, te kukurei, ao te kimwareirei n te maiu aei. Ti na ongo ana taeka te Uea, ongora raoi nakoia, ao ni mutiakin bwaai ake E tuangiira!
Ti na nakea bwa ti aonga n ongo Irouna?
Ti kona n nakon booki aika tabu. Ti kona naba n ongo Irouna inanon te tembora. Ti ongo Irouna n ae mataata riki ngkana ti katamaroa ara konabwai ni kina ana wirikiriki te Tamnei ae Raoiroi. Ao te kabanea, ti na ongo Irouna ngkana ti mutiakini aia taeka burabeti, taan mamata, ao taan karekei kaotioti.
Tera ae e na riki ngkana ko kabanea nanom n ongo, kakauongo raoi, mutiakin baike e taekin te Tia Kamaiu ao are e taekin ngkai rinanoia ana burabeti? I berita bwa ko na kakabwaiaki ma te mwaaka ae raka riki ni buakana te karirii, korakai, ao te mamara. I berita bwa a na riki kakai n ami reitaki inanon ami utu ao ami mwakuri ni katoa bong. Ao I berita bwa ami konabwai n namakina te kukurei e na rikirake e ngae ngke e rikirake te mangaongao inanon maium.
© 2020 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, January 2021. Kiribati. 17463 859