?Olsem wanem mi save save se mi harem voes blong Lod long laef blong mi?

Pikja

yang man i stap ridim ol skripja

Presiden Russell M. Nelson i invaetem yumi blong “tingting dip mo oltaem” abaot olsem wanem blong harem Jisas Kraes mo blong “tekem ol step blong harem Hem moa gud mo plante taem” (“‘?Olsem Wanem Nao Yu #HaremHem?’ Wan Spesel Invitesen,” 26. Feb, 2020 blog.ChurchofJesusChrist.org.

Yumi save harem Hem tru long ol skripja mo ol toktok blong ol profet. Be i no blong harem o ridim nomo ol toktok ia we i ki. Tru long Profet Josef Smit, Lod i eksplenem:

“From voes blong mi nao i talem [ol toktok ia] long yufala; from Spirit blong mi i givim long yufala … ;

“Taswe, yufala i save testifae se yufala i bin harem voes blong mi” (Doktrin mo Ol Kavenan 18:35–36).

Antap long hemia, blong stap lukaotem blong harem Hem i no wan samting we yumi mekem kwiktaem. Presiden Nelson i bin talem, “I minim se yumi hadwok wetem tingting, oltaem” (“Lisin gud long Hem,” Epr. 2020 jeneral konfrens (Ensign o Liahona, Mei 2020, 89).

Taem yu stadi, prea, wosip, givim seves, mo obei ol komanmen blong Lod, bae Hem i blesem yu wetem Spirit blong Hem mo, tru long Atonmen blong Jisas Kraes, bae i jenisim yu. Afta, yu save save se yu bin harem voes blong Hem.