Ishwartav Kya Hai?

Swarg ke Pita, Ishu Masih, aur Pawitr Aatma teen alag jiu hai ek lakshye ke saath.

Tasveer

Pehla Drishti

First Vision se jaankaari Jon McNaughton dwara

Ek akhbaar ke sampaadak ek dafa Prophet Joseph Smith se puchis Ishu Masih ka Girjaghar Antim-dino ke Santo ka kya maante hai. Uske jawaab me, Prophet 13 lekh likhis vishwaas pe jiske hum log Vishwaas ke Vishye kehta hai. Pehla lekh kehta hai, “Hum Pitah Parmeshwar me, Anant Pita, aur Unke Putr Ishu Masih mei aur Pavitr Aatma mei vishwaas karte hai” (Articles of Faith 1:1). In teeno se Ishwartav pura hota hai.

Parmeshwar, Anant Pita

Parmeshwar ke paas maas aur haddi ka punarjiwit shareer hai. Woh hum-log ke aatmaaon ka Pita hai. Woh Apan sab bachcho se sahi tarike se pyaar karta hai. Parmeshwar perfect hai, uske paas sab shakti hai, aur sab jaanta hai. Unme nyaaye, daya, aur kripa hai. Hum-log aatma ke rup me Parmeshwar ke saathe rehte the paeda hone se pehle. Usne hum logon ko dharti pe seekhne aur aage badhne ke liye bheja. Parmeshwar ke sabse bada ichcha hai ki Uske har ek bachcha mrityu ke baad phir se Uske saath rehne ke liye waapas jaae. Parmeshwar hum log ke sikhaawe hai ki Parmeshwar ke upasthiti me laute ke liye Ishu Masih ka anusaran karna chahiye.

Tasveer

Ishu Masih Aatma ke Duniya me Prachaar Karta Hua

Christ Preaching in the Spirit World, Robert T. Barrett dwara

Ishu Masih

Ishu Masih ke paas bhi maas aur haddi ka punarjiwit shareer hai. Woh Parmeshwar ka pehla janma Putra hai. Hum log ke paeda howe se pehle, Parmeshwar Uske chunis raha hum log ke Rakshak bane ke. Iska matlab hai Ishu dharti pe aais hum log ke liye ek uddhaaran rahe ke liye, Apan susamachaar sikhaawe, hum log ke paapon ke praeshchit kare, aur hum log ke mrityu se bachaawe. Ishu Masih ke kaaran, hamein apne paapon se chama milti hai jab hum pashchataap karte hai. Ishu Masih ne bhi kayi kasht sahe taaki Woh hamein samajh paae aur hamari madad kar paae. Ishu Masih mare aur phir se ji uthe, sab ke liye mumkin kiya phir se uth paana.

Tasveer

Masih ka dafan

Chitran Getty Images se

Pavitr Aatma

Pavitr Aatma Ishwartav ka woh ek sadasye hai jiske paas ek sharirik deh nahi hai. Woh ek aatma hai. Pavitr Aatma sidha hamare aatmaaon se baat kar sakta hai. Woh hamein gawahi deta hai ki Parmeshwar sachcha hai aur ki Ishu Masih hamare Rakshak hai. Pavitr Aatma Parmeshwar ke sandeshak ke rakam hum log ke pyaar, maargdarshan, ya sahanubhuti ke ehsaas dewe hai. Jab hum ne baptisma liya aur confirm huwe, hamein Pavitr Aatma ke uphaar mile. Hum log ke baptisma ke baad, Pavitr Aatma sake hamesha hum log ke saathe rahe jab hum log Parmeshwar ke aagya maanega.

Tasveer

Pehla Drishti

First Vision, Walter Rane dwara

Joseph Smith ka Pehla Drishti

Itne saalo se logon ko Ishwartav kya hai theek se samajh me nahi aa raha tha. Log asehmat the Parmeshwar, Ishu Masih, aur Pavitr Aatma kaun hai ko lekar. Yahi kaaran hai ki Joseph Smith ka Pehla Drishti kaae itna mahatwapurn raha. Usne dekha tha ki Swarg ke Pita aur Ishu Masih ke paas sharir(deh) hai aur woh do alag praani hai.

Tasveer

Sunna

Listening, Michael Jarvis Nelson dwara

Alag par Ek Jut

Dharamshaastr aur aaj ke prophets hamein sikhaate hai ki Parmeshwar, Ishu Masih, aur Pavitr Aatma alag praaniyaan hai ek lakshye ke saath: hamara amartaa aur anant jiwan (dekhiye Moses 1:39). Ek hi team ke sadasyon ke rakam, Uh-log hum log ke madad kare ke liye ek saathe kaam kare hai. Hum log sakta Uh-log ke kareeb mehsoos kare jab hum log apan paap ke pashchataap karega aur sahi chunega.

Ishwartav ke baare me Dharamshaastr

Swarg ke Pita aur Ishu Masih ka lakshye ek hai (dekhiye John 10:30).
Swarg ke Pita Apan Putr se baat karis (dekhiye Matthew 3:16–17).
Ishu Masih Apan Pita se baat karis (dekhiye John 11:41).
Ishu Masih praathna karis ki kisi din hum log ek jut ho jaaenge (dekhiye John 17:11).
Joseph Smith Swarg ke Pita aur Ishu Masih ke dekhis raha (dekhiye Joseph Smith—History 1:17).
Pavitr Aatma bayaan kare ki Ishu Masih hum log ke Rakshak hai (dekhiye John 15:26).