Purohiti Parmeshwar ke Shakti Hai

Parmeshwar hum log ke purohiti ke shakti ke zariye ashirwaad deta hai. Purohiti ke ashirwaadein sab ke liye uplabdh hai.

Purohiti Parmeshwar ke shakti hai. Woh ih shakti ke istemaal kare hai Apan sabhi bachchon ke ashirwaad dewe ke aur uh log ke laot ke Uske saathe rahe ke madad kare me. Parmeshwar dharti pe Apan bachchon ke purohiti ke shakti dees hai. Ih shakti se, purohiti leader log sake Girjaghar ke aguwaai kare, aur purohiti rakkhe la log sake pawitr dharamvidhiyon ke pura kare, jaise baptisma, jon hum log ke madad kare Parmeshwar ke nazdeek aawe ke. Sab aadmi aur aurat jon purohiti dharamvidhiyon ke yogye rup se paawe aur vachano(pawitr vaado) ke nibhaawe hai Parmeshwar ke shakti tak pahunche sake.

Tasveer

prabhubhoj

Purohiti ke Shakti Joseph Smith ke Dewa Ge Raha

Jab Ishu Masih dharti pe raha, Usne Apan Girjaghar ke aguwaai purohiti ke shakti se kiya. Usne yeh shakti Apne Devduton ko bhi diya. Uh log ke mare ke sadiyon baad, dher sadasye log Girjaghar se door hoi ge raha. Uh log susamachaar aur kaise Girjaghar ke sanchaalan howe ke galat tarika se badal dees raha. Parmeshwar ke purohiti ab dharti pe nahi bacha raha. 1829 me, Ishu Baptisma kare la John aur Devdut Peter, James, aur John ke bhejis Joseph Smith ke purohiti dewe ke liye. Ishu Masih Ka Girjaghar Antim-dino ke Santo Ka dharti pe ekmaatr sanstha hai jiske paas Parmeshwar se ih adhikaar hai.

Tasveer

Melchizedek Purohiti ka Punahsthaapna

The Voice of Peter, James, and John(Peter, James, aur John ke Awaaz), Linda Curley Christensen aur Michael T. Malm ke dwara

Purohiti ki Chaabiyaan

Purohiti ki chaabiyaan uh adhikaar hai jisse purohiti ke istemaal tay kara jaawe hai, jaise dharamvidhiyon ke pura kare ke swikriti dena. Ishu Masih purohiti ke sab chaabiyon ke rakkhe hai. Girjaghar ke President hi uh ek insaan hai jon dharti pe sake pura Girjaghar me purohiti ke chaabiyon ke istemaal ke swikriti dewe. Uske aguwaai me, aur sab koi sake Parmeshwar ke kaam kare ke kuch chaabiyon ke istemaal kare. Leaders jaise bishops aur stake presidents purohiti ke chaabiyon ke istemaal kare hai apan wards aur stakes me aguwaai kare ke liye. Kaae ki sewa kare la callings inhi leaders se mile hai jon purohiti ke chaabiyon ke rakkhe, admi aur aurat jiske callings me sewa kare ke rahe purohiti ke adhikaar se apan kartavvye pura kare hai.

Melchizedek Purohiti aur Aaronic Purohiti

Purohiti ke dui bhaag hai: Melchizedek Purohiti aur the Aaronic Purohiti. Girjaghar ke leaders, Melchizedek Purohiti ke zariye Girjaghar ke sab dhaarmik kaam ke aguwaai kare hai, jaise prachaar aur mandir kaarye. Aaronic Purohiti Melchizedek Purohiti ke adhikaar se kartavvye pura kare hai. Iske istemaal kara jaawe baptisma aur prabhubhoj jaisan dharamvidhiyon ke pura kare ke.

Tasveer

baptisma

Purohit Ke Aashirwaad

Vachano aur dharamvidhiyon se, Parmeshwar Apan sab bachchon ke liye purohiti ke ashirwaadon ke uplabdh kare hai. Ih ashirwaadon me shaamil hai baptisma, Pawitr Aatma ka uphaar, prabhubhoj, aur mandir ki dharamvidhiyaan. Jon purushon aur mahilaaon ka endowment mandir me ho jaata hai unhe Parmeshwar ke purohiti shakti ka uphaar milta hai unke vachano ke zariye. Hum log ke bhi sake changaai, aaraam, aur maargdarshan ke purohiti ashirwaad mile.

Tasveer

mandir pe naye-viwaahit dampati

Dharamshaastr Purohiti ke Baare Me Konchi Bole Hai?

Jon purohiti pracheen samay me tha wahi abhi maujood hai (dekhiye Moses 6:7).

Purohiti ki chaabiyaan yeh dekhte hai ki hum Prabhu ke kaarye ko ek aayojit dhang se karein (dekhiye Doctrine and Covenants 42:11).

Jon purush log ke paas purohiti rahe hai “khali dhaarmikta ke siddhaanton pe” sake uske istemaal kare (Doctrine and Covenants 121:36).

Purohiti rakkhe la log ke kuch kartavvye Doctrine and Covenants 20:38–67 me diya gaya hai.