« ពាក្យសម្ដីនៃប្រាជ្ញាវាងវៃ » ប្រិយមិត្ត ខែ សីហា ឆ្នាំ ២០២១ ។
សារលិខិតទស្សនាវដ្តី ប្រិយមិត្ត ប្រចាំខែ សីហា ឆ្នាំ ២០២១
ពាក្យសម្ដីនៃប្រាជ្ញាវាងវៃ
យ៉ូសែប ស៊្មីធ បានធ្វើការប្រជុំដើម្បីបង្រៀនមនុស្សទូទៅអំពីដំណឹងល្អ ។ ពេលខ្លះ ពួកប្រុសៗបានជក់បារី និងបៀមថ្នាំជក់ ។
ការណ៍នេះបានធ្វើឲ្យ អិមម៉ា ស្ម៊ីធ ព្រួយចិត្ត ។ ផ្សែងបារី និងថ្នាំជក់បានធ្វើឲ្យរំខានយ៉ាងខ្លាំង ហើយធ្វើឲ្យមានអារម្មណ៍ថា វាមិនត្រឹមត្រូវចំពោះទង្វើបែបនេះសោះ ។ អិមម៉ា និងយ៉ូសែប បានពិចារណាពីរបៀបដែលព្រះទ្រង់មានព្រះទ័យអំពីរឿងនេះ ។
យ៉ូសែប បានអធិស្ឋាន ហើយព្រះអម្ចាស់បានមានបន្ទូលឆ្លើយតប ។ ព្រះអម្ចាស់បានព្រមានសមាជិកសាសនាចក្រអំពីការជក់បារី និងថ្នាំជក់ ។ ទ្រង់បានមានបន្ទូលថា វាមិនល្អសម្រាប់រាងកាយយើងទេ ។ ទ្រង់ក៏បានព្រមានពួកគេអំពីការផឹកតែ កាហ្វេ និងស្រាផងដែរ ។
ព្រះបានមានបន្ទូលឲ្យបរិភោគផ្លែឈើ បន្លែ និងអាហារសុខភាពផ្សេងទៀត ។ យើងហៅការបង្រៀនទាំងនេះថាពាក្យសម្តីនៃប្រាជ្ញាវាងវៃ ។
ខ្ញុំអាចរស់នៅតាមពាក្យសម្ដីនៃប្រាជ្ញាវាងវៃបាន ។ ព្រះវរបិតាសួគ៌នឹងប្រទានពរដល់ខ្ញុំ ពេលខ្ញុំមើលថែដល់រាងកាយរបស់ខ្ញុំ ។
ទំព័រផាត់ពណ៌
ខ្ញុំអាចមើលថែរាងកាយរបស់ខ្ញុំបាន
តើប្អូនៗធ្វើអ្វីខ្លះ ដើម្បីមើលថែដល់រាងកាយរបស់ប្អូន ?
សូមចុចលើរូបភាពនេះដើម្បីទាញយក ។
រចនារូបភាពដោយ អាបរីល ស្តុត
© 2021 by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly Friend Message, August 2021 ។ Cambodian. 17471 258