Fare Fithingan e Galasia Rok

Galasia—ba ulung i girdiʼ nib michuwanʼraed nga taʼab banan ma yaed ma liyoer u taʼabang. Biney e Galasia rok Yesus Kristus. Ke tabab nag. Ir e gaʼ riy. Ir e tirok.

Yesus Kristus e ke yoeg ngodaed ko nʼen ni baʼadag ni nge pining e girdiʼ ko Galasia Rok. Ere iraram e nʼen ni ngan pining ngay—nge rogon fithingan ni ngan noeg ko girdiʼ ni nge pining. Biney e fithingan e yib rok Yesus Kristus.

Fapi tin tomur e rran—fapi rran ni gadaed bay riy e chiney; fare ngiyalʼ u mʼon fare bin Lʼagruw e Wub rok Yesus Kristus. Yesus Kristus e fulweg bayay e Galasia rok nga fayleng ni iraray e yaen tomur riy. Ra ayuweg nge falʼag rogon e fayleng ko fare bin Migid e Wub rok.

(Mu guy ko “galasia rog.”) Iraray e gin sommʼon ko fare fithingan ni piʼ fare Tathapeg ko Galasia Rok. Ke pining fithingan ni “Fare Galasia” bachan Ir e yarmiy rogon. Ma ke tay fithingan nga dakean.

(Mu guy ko “tin tomur e rran.”) Ireray e bin ni migid ko fare fithingan fare Galasia. Nibe dag ni iraray fare Galasia ni fulweg biyay ko tin tomur e rran, ni gathi bin baʼaram ni tabab nag ni kab kakrom.

Gidii’en Got—bugithin nibe yip fan e “girdiʼ nib thothup.” Ireray e gin ni tomur ko fare fithingan fare Galasia. Be yip fan fare chonggin e Galasia. Yesus Kristus e rayag ni nge beʼech me poloʼ nag daed. Ma ke piʼ ngodaed fare Kan ni Thothup ninge gel nag daed ma gadaed be gay rogon ni ngan rrinʼ nike motochiyel nag. Faʼanra bay e mich ngak ma gadaed be gay rogon, Ma ra poloʼ nag daed. Gadaedra mang pi Gidiiʼen.