Kakaongoraan te ka 191 ni Maungatabu ni Kabuta te Kauatai n te Ririki

Ti na bitaki ngkana ti maiuakini taian koaua n te euangkerio ake ti reiakin. Beretitenti Russell M. Nelson e tibwaua te rongorongo ae bebete man nano ni kauka ao man kaina te maungatabu ni kabuta.

E taekina n ana maroro n kaukuki bwa “Ana reirei ae itiaki Kristo e mwaaka.” “E bitii maiuia naake a mataata nako iai ao n ukoria ni karaoia inanon maiuia.” Te bong are imwina, n ana maroro n kainiin e kangai bwa: “Ti a bane n tia n reireinaki raoi. … Ngkai, te titiraki, tina kanga ni bitaki ibukin bwaai ake ti a tia n ongo ao n namakini?”

Ibuakon nako reirei aika a bati man kakawaki are ti reiakinaki n tain te maungatabu ni kabuta aio:

Ti reiakina ae ai te tai aio n karaoi mwakuri n kakorakorai oin aan tamneira (taraa Beretitenti Nelson iaon iteraniba 93).
Ti reiakina kakawakin te riki bwa Ana reirei ao ai bebetena (nora Beretitenti M. Russell Ballard n iteraniba 51, Unimwaane Dieter F. Uchtdorf n iteraniba 77 ao Unimwaane Gary E. Stevenson n iteraniba 47).
Ti reiakinna bwa bukin tera ngkai tina kainnanoa te Ekaretia ao baika a bati ae ti kona n karaoia ibukin kakabwaiaia tabeman ngkana ti ikarekebai ni mwakuri (taraa Beretitenti Dallin H. Oaks n iteraniba 24, Bitiobi L. Todd Budge n iteraniba 100, Bonnie H. Cordon n iteraniba 10, ao Sharon Eubank n iteraniba 53).
Ti reiakinna ae Te Atua ae tatangira e na buokira n tokanikai riaon te kakaokoroaki are e na tukira man te katiteuanaki (taraa Unimwaane Jeffrey R. Holland n iteraniba 8, Unimwaane D. Todd Christofferson n iteraniba 16, ao Unimwaane Dale G. Renlund n iteraniba 83).
Ti reiakinna ae ti kona n karekei kaotioti inano maiura ngkana ti kananorinanoira nakon ana babaire te Uea ao e riai te titiraki ngkana akea kaekana bon iroura (nora Beretitenti Henry B. Eyring n iteraniba 74, Camille N. Johnson n iteraniba 80 ao Susan H. Porter n iteraniba 33).

“Tera ae ko ongo? “Tera ae ko namakinna? Kona kanga n maiuakina te koaua ae itiaki, te reirei ae itiaki, ao te kaotioti ae itiaki are ko na karekea ngkana ko teimatoa n kamatebwai rongorongo man te maungatabu ni kabuta?