E Katauraoa te Ibuobuoki ao te Buoka te Ekaretia
Inanon taain kanganga ao n taabo nako n te aonnaba are e kainnanoa te ibuobuoki, te Ekaretia e teimatoa n karaoa are e kona n anga te ibuobuoki ao te buoka ao man reitaki ma bootaki n ibuobuoki ao ai bootaki ake tiaki man te tautaeka. Inanon te onoua n namwakaina ae nako, Latter-day Saints Charities ao anganibain te Ekaretia are e tabe ma buoka nakoia botanaoma e a tia ni katauraoi buoka n aron aikai:
-
Karikirakea teuana te bootaki ae tabe ma buokaia aomata bwa e na katea taabo n ran ni karokoaki nakon mweenga n taabo ake a tuai raoi rikirake n te Navajo Nation i New Mexico, Arizona ao Utah, USA.
-
E kabutaki te mwaiti n iti ibukin te COVID -19 ae 2 billion nakoia 121 aaba n taabo ake e korakora rootakina n te aoraki aio.
-
E katauraoi buoka nakoia taan birinako mai Ethiopia ake a maeka ngkai i Sudan ao nakon kaawa ake a rootaki n te ieka iaon naba Sudan. Te buoka naba anne e buokia taan ununiki ake a rootaki n te ieka bwa a na manga kona n tei iaon waeia ao n buokia tabemwaang ao e buokiia naba utu bwa a na kona n bon katan iaan baia man karikirake.
-
E buokia 9,000 taan birinako ma taan eweati rinanon ae kaania 190 taian bootaki n ibuobuoki iaon te United States man anga te buoka ae mwaitina U.S $5 te mirion
-
E reitinakoa te reirei ni kataneiai man katauraoi kombiuta ibukia mataki i French Polynesia.
-
E reitaki ma aro nako ao bootaki ni komiunite ibukin buokaia utu ake a eweati n teuana te tabo ni kamwaingiing i Houston, Texas, USA.
-
E tararuai 20 te mwakuri n ibuobuoki ibukin te aoraki ae butinako aio i Paraguay.
-
E nikiri buoka nako Haiti imwin oreana ni mwaeiein te aba, ao a kabonganaaki ana kateitei te Ekaretia bwa taabo n katantan ao te Ekaretia e katauraoa te amwarake, te mooi ao ai bwaai tabeua riki ake a kainnanoaki.
-
E karekei kainnanoia taan birininako mai Afghan ake a maeka i Qatar, Europe ao n te United States.
Te Ekaretia e angaanga naba ana ibuobuoki nakon te Carribean Islands i Saint Vincent ao te Grenadines n tain rotakina n rebwen ana warekeno, e bootia taan anganano bwa a na ibuobuoki n kaitiaki ao n kamaiu ngke e rotaki n te angibuaka te Gulf Coast ao Louisiana, USA; ao e ibuobuoki naba n mwakoron nako Tiaman, Belgium, te Netherlands, Luxemburg ao Switzerland ake a rootaki n ana urubwai te ieka.