“Petriak Ro: Wōn Er im Etke Raorōk,” N̄an Kōkajoorļo̧k Jodikdik Ro, Pāp. 2022.
Kajjojo Allōn̄ N̄an Kōkajoorļo̧k Jodikdik ro Ennaan, Pāpode 2022
Petriak Ro
Wōn Er im Etke Raorōk
Bōlen kwaar ron̄ kōn Ebream, Aisek, im Jekab. Emakijkij ad riit kōn er ilo Bok in Mormon im kwonaaj ron̄ eļapļo̧k kōn er ilo am ekkatak kōn Kallim̧ur M̧okta ilo iiō in. Kōnke eļap ad ekkatak kōn er, ejim̧we ke relukkuun in, aorōk? Ak kwomaron̄ in kajjitōkin eok make, “Etke em̧m̧aan rein jilu raar mour taujin iiō ko remootļo̧k raorōk rainin?” Ekwe, uwaak eo eped ilo bujen ko indeeo im kōjeraam̧m̧an ko kar kallim̧ur kaki me Anij ekar leļo̧k n̄an er.
Ebream
Kōmeļeļe ko jān Jarom Vogel
Ebream ekar juon rikanaan. E ekar wānōk im pokake kien ko an Anij.
E ekar peptaij, kar bōk priesthood eo, im kar liāp n̄an kōrā eo ippān Sara n̄an indeeo.
Anij ekar kōm̧m̧ane juon kallim̧ur ippān Ebream bwe ineen enaaj bwij ļap im bōk ejja kōjeraam̧m̧an ko ekar būki.
Renaaj bōk tarlep in gospel eo an Jisōs Kraist n̄an aolepen laļin.
Aisek
Aisek ej ļaddik eo nejin Ebream im Sara.
Anij ekar jiron̄ Ebream bwe en katok kōn Aisek. Ebream ekar iakwe Aisek ak ekar kālet bwe en pokake Anij. Iien eo Ebream ej tin katok kōn Aisek, enjeļ eo ekar ba n̄an Ebream bwe en bōjrak. Ebream im Aisek raar kōņaan pokake Anij eo ej kōkaļļein Pinmuur eo an eo Nejin Anij Emake Wōt.
Aisek ekar kallim̧ur kōn ejja kōjeraam̧m̧an ko āinwōt kar Ebream.
Jekab
Āinwōt jemen im jim̧m̧an, Jekab ekar tiljek n̄an Anij.
Kōn an tiljek, Irooj ekar ukōt etan Jekab n̄an Israel, eo ej meļeļein “juon eo ej anjo̧ ippān Anij” ak “Anij en anjo̧” (lale Bible Dictionary, “Israel”).
Jekab ekar wōr 12 nejin ļaddik. ļaddik rein im baam̧le ko aer raar erom ro bwijin Israel.
Bujen eo Anij ekar kōm̧m̧ane ippān Ebream ekar bar kōkāāle ippān Jekab im ro nejin.
Petriak ro im Kwe
Āinwōt juon membōr in Kabun̄ in, kwoj m̧ōttan ro bwijjin Ebream, Aisek, im Jekab. Bujen in rekar kōm̧m̧ane ippān Anij ej bar jerbal n̄an kwe!
Ewōr ippām̧ kōjeraam̧m̧an im eddo in n̄an kwaļo̧k naan in kam̧ool eo am̧ kōn Rilo̧mo̧o̧r n̄an kwaļo̧k gospel in.
Kar kūr eok n̄an karuwaineneiktok aolep n̄an kōm̧m̧an im kōjparok bujen ko im būki kain̄i ko an priesthood. Būreejtōn Russell M. Nelson ekar ba bwe en̄in ej m̧ōttan eo n̄an aiintok Israel, eo me “ej men eo eaorōktata ej bōk jikin ioon laļin rainin” (“Hope of Israel,” [worldwide youth devotional, June 3, 2018], 8, ChurchofJesusChrist.org).
© 2022 jen Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin pelle: 6/19. Kōmālim ukook eo: 6/19. Ukook eo an Monthly For the Strength of Youth Message, February 2022. Marshallese. 18344 874