“Bujen ko rej Koneeke Kōj n̄an Anij,” Liaona, Pāpode 2022
Kajjojo Allōn̄ Liaona Ennaan, Pāpode 2022
Bujen ko rej Koneeke Kōj n̄an Anij
Kōjparok bujen ko ej bōktok kōjeram̧m̧an ko.
Kōmeļeļeiki bwe bujen eo ej juon kallim̧ur ikōtaan Jemedwōj Ilan̄ im ro Nejin. Ej karōki tok jekjek ko kōn bujen ko jej kōm̧m̧ani Ippān. N̄e jej kōm̧m̧ane ta eo Ej ba, jej bōk elōn̄ kōjeraam̧m̧an ko. Im jejjab baj wōt būki kōjeraam̧m̧an ko an laļin—n̄e jej kōm̧m̧an im kōjparok bujen ko, jenaaj jepļaak im mour ippān Anij im baam̧le ko ad ilo lan̄ juon raan.
Bujen ko im Kain̄i ko
Jej kōm̧m̧ani bujen ko ilo jet iaan kain̄i ko. Jej aikuj būki kain̄i kein im pokake bujen ko n̄an maron̄ jepļaak im mour ippān Anij. Kain̄i ko rej kōm̧m̧an jān mālim eo an priesthood. Kain̄i kein ekoba peptaij im kapen, bōk Priesthood eo an Melkisedek (n̄an em̧m̧aan ro), im kain̄i ko jej būki ilo tampeļ eo. Ilo iien kwojkwoj, membōr ro an Kabun̄ in rej kōkāāl kallim̧ur ko rekar kōm̧m̧ani ippān Anij (lale Katak im Bujen Ko 20:77, 79).
Bujen ko rej Jipan̄ Kōj Mour Jim̧we
Ilo iien peptaij, jej kallim̧ur n̄an ļoor Jisōs Kraist, keememej E iien otemjej, im kōjparok kien ko (lale Katak im Bujen Ko 20:37). Anij ej kallim̧ur bwe Jetōb Kwojarjar emaron̄ pād ippād iien otemjej.
N̄e em̧m̧aan ro rej bōk priesthood eo, rej kallim̧ur n̄an mour erreeo kōn kajoor in priesthood eo an Anij. Anij ekar kallim̧ur n̄an kōjeraam̧m̧an er. (Lale Katak im Bujen Ko 84:33–40.)
Kōmeļeļe kōn Recife BrazilTemple jān Jemes Porter
Bujen ko Jej Kōm̧m̧ani ilo Tampeļ eo
N̄e membōr ro an Kabun̄ in rej būki menin letok kwojarjar eo aer ilo tampeļ, rej kallim̧ur n̄an mour jim̧we im wūjjlepļo̧k n̄an gospel in. Kar kallim̧uri er kōn kajoor eo an Anij (lale Katak im Bujen Ko 38:32; 109:22).
IIo iien liāp ilo tampeļ, ļeo im lieo pālele rej m̧are indeeo im kallim̧ur n̄an m̧ool n̄an doon im n̄an Anij. Kallim̧ur ko an Anij remaron̄ jepļaak n̄an Ippān im mour āinwōt baam̧le indeeo. (Lale Katak im Bujen Ko 132:19–20.)
Jej Armej in Bujen
Ro rej kobatok n̄an Kabun̄ eo an Jisōs Kraist im Armej Ro Rekwojarjar Ilo Raan Ko Āliktata rej erom̧ armej in bujen ro an Anij. Rej bar jolete kōjeraam̧m̧an ko im eddo ko an bujen eo an Ebream (lale Galatia 3:27–29). N̄an erom̧ m̧ōttan armej in bujen ro an Anij meļeļein jej jipan̄ doon ilo ad epaakeļo̧k Kraist. Ej bar meļeļein jej jerbal n̄an kōkajoorļo̧k Kabun̄ eo an Anij ioon laļin. Ilo ad kōjparok bujen ko ad, jemaron̄ bōk kajoor im peran jān Anij.
© 2022 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin pelle: 6/19. Kōmālim ukook eo: 6/19. Ukook eo an Monthly Liahona Message, February 2022. Marshallese. 18313 874