Rinea

Ara konabwai n rinerine ao ni mwakuri e aranaki bwa te inaomata n rinerine. Bon te mwakoro ae kakaawaki n ana babaire Tamara are i Karawa. Teuana te kantaninga n te maiu aei bon kaotan nanora n ongeaba nakon ana tua te Atua bwa ti aonga ni kona n riki n ai Arona. E na motikaki taekara man ara rinerine. (Taraa 2 Nibwaai 2:27; Reirei ao Berita aika Tabu 101:78; Aberaam 3:25.)

E kaumakiia ana aomata Iotua bwa n “te bonga aei,” ke ngkai. Ti kona ni karaoi babaire aika kakawaki ngkekei naba ao imwiina tina kataia n kabaeaki nako iai. (Taraa Taian Areru 37:5.)

N te kibu aei, te taeka ae toro nanona neboan, buokan, n ongeaba, ao te motinnano nakon temanna. Ti riai n toro iroun te Uea (taraa Mote 1:15).

A tuangaki tibun Iteraera bwa a na beku iroun temanna te Atua ae koaua ae maiu, Iesu Kristo (taraa Te Otinako 20:2–5). E anga tabeua katoto Iotua iaoia anti ake a riai ana botanaomata n aki taromauria. Anti inanon maiura bon bwaai, aia babaire tabeman, maten nanoia tabeman—bwaai nako ake a kairira nako mairoun te Uea.

E taetae Iotua ibukina ao kain batana. E taku bwa a na toro iroun te Uea. E tangiria ni kaira ana utu n te raoiroi ao n reireinia bwa a na toro iroun te Uea (taraa Reirei ao Berita aika Tabu 93:40).