Tera ae Karaoaki ni Bootakin te Ekaretia n te Tabati?

Tamnei

uoman aine aika a irabwati

Kaain Ana Ekaretia Iesu Kristo Ibukiia Aika Itiaki ni Boong aika Kaitira a bobotaki ni katoa Tabati ibukin neboan te Atua ao n reirei ana euangkerio Iesu Kristo i marenaia. A butimwaeaki aomata nako, ao e reke aia tai kaain te aro n tataro, n anga aia maroro, ao n anga reirei ngkana anne nanoia. Bobotaki aikai a buokia kaain te aro n ibuobuoki ni karikirakea te onimaki ao ni karekea “te nano ae ti teuana i nanon te tangira imarenaia.” (Motiaea 18:21).

Tamnei

te ataeinimwane iaon ana kaintekateka ae kokookaki ngke e kabuta te toa

Bootakin te Toa

Kaain te uoote ke te mwaanga a bobotaki ni katoa Tabati ibukin te botaki n toa n te Tabati. (A butimwaeki naba aomata ake tiaki kaain te aro.) E kabutaki te toa nakoia kaain te aro n tain te botaki n toa ni buokiia n uringa iai Iesu Kristo (taraa Eberi 2022 Rongorongo n Reirein te Euangkerio ibukin bwaninin rongorongon te toa). Kanoan te botaki n toa bon te tataro, te anene, ao marooro mairouia kaain te aro iaon ana euangkerio Iesu Kristo.

Tamnei

uoman ataeinaine aika wingare n te umwantabu

Botaki ake Tabeua

Imwin te botaki n toa, a maenako kaain te aro nakon aia kiraati ao kooram. Ataei aika te roro 18 namwakaina nakon 11 ririki a kaea te Buraimwari. N te moan ao te kateniua n Tabati n te namwakaina, kaain te aro ake nikiraia a kaea te Reirei n Tabati. N te kauoua ao te kaaua n Tabati, a kaea te Botaki n Aine, Botaki n Ataeinaine, ke kooram n nakoanibonga.

Taian tataro

Te tataro ni Bootakin te taromauri a karaoaki irouia kaain te aro. Tataro a beebete ao a kairaki iroun te Tamnei ae Raoiroi. Membwa a kabonganai taeka ake a kaota te tangira ao te karinerine nakon Tamara are i karawa. A kaairaki taeka aikai ma onea n nauna aika Thee, Thy, Thine, ao Thou n tain te tataro.

Taetae

Temanna man te bitiobiriki ke te beretitentii n te mwaanga e rineia membwa ake a na taetae n te botaki n toa. Maroro aikai ana boboto iaon ana euangkerio Iesu Kristo. Taan taetae, a kabonganai koroboki aika tabu ao aia taeka taan kairiri n te Ekaretia ngkai a katauraoi aia marooro. A kaota naba aia koaua ni kakabwaia n tuan nako te euangkerio inanon maeuia.

Reirei

Imwin te botaki n toa, membwa a reiakina te euangkerio n kiraati aika a uarereke. A kona ni boboto reirei iaon koroboki aika tabu, reirei man te maungatabu ni kabuta, ke atuu ni iango riki ake tabeua. E boni ngae ngke e kairaki te reirei iroun te tia reirei, bon tiaki te kabwarabwara. A kona kaain te aro ni tibwai aia iango iaon te reirei are tibwauaaki.

Tamnei

e taetae te rorobuaka man te tabo n taetae n te taromauri

Koaua

Teuana te tai n te namakaina, ae te bootaki n toa e raonaki iai ma te kaoti koaua. Ni bon arona e kakaraoaki aio n te moan Tabati n te namwakaina. N te kaoti koaua, a kona membwa ni kaoti aia koaua iroun Iesu Kristo ao Ana euangkerio. Ni kaotan te koaua e nanonaki bwa taekinan koaua n te euangkerio ngkai ko kairaki iroun te Tamnei ae Raoiroi.

Te Katauraoi

A katauraoi membwa nakon bobotaki n te Tabati rinanon te tataro, kamatebwaian koroboki aika tabu, ao te katauraoi ni karekea ana kairi te Tamnei ae Raoiroi. Ngkana ko mwiokoaki bwa ko na taetae ke ko na anga reirei, tataroakinna bwa kona kanga n anga reirein te euangkerio. Kabonganai koroboki aika tabu. Kaota am koaua. A kona ni buokiko taan kairiri n te Ekaretia, ngkana ko kainnanoa te ibuobuoki.

© 2022 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairain te Monthly Liahona Message, June 2022. Kiribati. 18315 859