“Pukefel: Ewe Kapasen Kot,” Liahona, July 2022.
Porous ren Liahona Iteiten maram, July 2022
Pukefel: Ewe Kapasen Kot
Soufosun Testamenin Nom, seni Judith A. Mehr
Ekkewe pukefel mi pin ra mak me ren ekkewe soufos. Ekkewe pukefel ra pwarata usun Jises Kraist me asukuna usun An kapas allim. Nouch kei pukefel ren ewe Mwichefen ikkei ewe Paipen (mine a pachenong ewe Testamenin Nom me ewe Testamen Sofo), ewe Puken Mormon, ewe Doctrine and Covenants, me ewe Pearl of Great Price.
Testamenin Nom
Ewe Testatmenin Nom ew rekot mi pin ren an Kot angang ngeni Noun aramas pwon non ewe Fonu mi Pin. A pachenong ekkewe afanafan an ekkewe soufos usun Moses, Joshua, Isaiah, Jeremiah, me Daniel. Ina mwo ika a mak non fite puku ier me mwen an Jises Kraist uputiw, chommong soufosun Testamenin Nom ra makei usun I.
Testamen Sofo
Ewe Testamen Sofo a rekotuni ewe uputiw, angangen afanafan non ei manau, Achasefan, me Manausefan an ewe Chon Amanau. A pwan pachenong an noun Kraist kewe Aposel afanafan me ekkoch chon kuno. Ewe Testamen Sofo a anisi kich ach sipwe weweiti usun ach sipwe manaueni ewe kapas allimen Jises Kraist ikenai.
Puken Mormon: Pwan eu Kapasen pwarata usun Jises Kraist
Ewe Puken Mormon eu rekot fan iten ekkewe ekkoch aramas ra nom non Merika. A pwan pachenong asukun seni ekkewe soufos, me auchean popun epwe okunu netipen aramas meinisin pwe Jises i ewe Kraist. Ewe Soufos Joseph Smith a chiakuni seni ekkewe kolt seleich seni ewe niffang me manamanen Kot.
Joseph Smith Jr. a Angei Pwarata, seni Daniel A. Lewis
Doctrine and Covenants
Ewe Doctrine and Covenants a onomu ekkewe pwarata an Joseph Smith me ekkoch soufos non fansoun soponon. Ekkewe pwarata ra tichikietiw usun forutan an Kraist Mwichefen. Rapwan onomu auchean asukunen ewe kapas allim ren ewe pristut, ekkewe nongonongen ewe kapas allim, me met epwe fis mwirin ei manau.
Pearl of Great Price
Ewe Pearl of Great Price pachenong ewe puken Moses me Abraham, ewe Pwarata an Joseph Smith, me ewe Nongonongen Achifouwa an Mwichefen. A pwan pachenong Joseph Smith—Matthew, kinikinin an Joseph Smith we chiakuni ewe Testamen Sofo.
Kaeo ekkewe Pukefel
Soufos ra aiti kich pwe sipwe kaeo ekkewe pukefel iteitan ran. Ren ach fori ei a anisi kich ne anapano ach nuku me arap ngeni Samach won Nang me Jises Kraist. Ika sia achocho ne kaeo ekkewe pukefel, ewe Ngun mi Fel epwe anisi kich ne kuna ponuwen ach kewe kapas eis.
Soufosun Nom
Nupwen ekkewe soufos me aposel ikenai ra kapas seni ewe manamanen Ngun mi Fel, ar kapas achok usun ekkewe pukefel. Eu awewe ren ei mwichenapen mwichefen. Sia tongeni kaeo ekkewe afanafanen mwichenap non ewe May me November a katou non ewe Liahona.
Moses a Pochokun ngeni Setan, seni Joseph Brickey
© 2022 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly Liahona Message, July 2022. Chuukese. 18298 901