Kosap Nuokus—ewe Samon Mi nonom Reom

Nuokus ese minefo. Seni fansoun nom, nuokus a auku fetanin noun Kot semirit. Non 2 Kings, ewe kingen Syria a tinano emon legion an epwe angei me nieno ewe soufos Elisha.

“Me nupwen noun Elisha we chon angang a nenokai, a feino, nge nengeni, a ureno ewe neni ren ekkewe ruu mettoch oris me chariot. Me noun [Elisha] we chon angang a apasa ngeni i, Nei masta! Ifa usun ach sipwe fori?” (2 Kings 6:15).

Enan a kapas non nuokus.

Elisha a ponuweni, “Kosap nuokus pwe a chommong chon peni kich nap seni chon penir.”

“Me Elisha a iotek, me apasa, Samon, Ua iotek ngonuk, suki mesan, pwe epwe kuna. Iwe ewe Samon a anenoi mesen ewe anuon; iwe a kuna: me, nengeni, ewe chuk a uren oris me chariot mi ngetenget ra rokopwanieno Elisha.” (2 Kings 6:16–17).

Enip epwe wor ika esap wor ach chariots mi ngeteseni ekei epwe amorano ach nuokus me okufu ekkewe onungaw rech, nge ewe nesen amen fatoch. Ewe Samon mi nonom rech, ekieki kich, me efeiochu kich non aan I chok mine a tongeni fori.

Ika pwe sia ennetin nuku ewe Samon me An aan, ika sia achocho non An angang, sisap nuokusiti ekkewe sosotun ei fonufan ika sisap osukosuk rer. Ewe Samon a nenengenochu kich, tumunu kich, me uta unukuch.