« ចង្កៀងដល់ជើងទូលបង្គំ » ដើម្បីកម្លាំងនៃយុវជន ខែ សីហា ឆ្នាំ ២០២២ ។
សារលិខិតទស្សនាវដ្តី ដើម្បីកម្លាំងនៃយុវជន ប្រចាំខែ សីហា ឆ្នាំ ២០២២
ចង្កៀងដល់ជើងទូលបង្គំ
វត្ថុសាមញ្ញមួយសម្រាប់សាសន៍អ៊ីស្រាអែលពីបុរាណអាចបង្រៀនយើងពីរបៀបដែលព្រះអម្ចាស់ដឹកនាំយើង ។
ការពិតនានា
នៅក្នុងសម័យនៃព្រះគម្ពីរសញ្ញាចាស់ មនុស្សបានប្រើចង្កៀងប្រេងដើម្បីបំភ្លឺផ្លូវពួកគេនៅក្នុងទីងងឹត ។ ចង្កៀងទាំងនោះភាគច្រើនមានលក្ខណៈពិសេសជាមូលដ្ឋានចំនួនបី ៖
-
ចានគោម ដីឥដ្ឋសម្រាប់ដាក់ប្រេងអូលីវ ដែលជាទូទៅតូចល្មមដើម្បីដាក់លើបាតដៃ
-
ប្រឆេះ កប្បាសសម្រាប់ដុតបន្ទាប់ពីវាជក់ប្រេងរួច
-
ចំពួយ ឬក្បាលចង្កៀង សម្រាប់ដាក់ប្រឆេះចង្កៀង
ចង្កៀងប្រេងធម្មតាដែលមានប្រឆេះតែមួយនឹងជះពន្លឺប្រហែលត្រឹមតែមួយម៉ែត្រជុំវិញវាប៉ុណ្ណោះ ។ ប្រសិនបើត្រូវបានប្រើពេលកំពុងដើរ វានឹងបញ្ចេញពន្លឺគ្រប់គ្រាន់ដើម្បីមើលឃើញជំហ៊ានខាងមុខរបស់អ្នក ដូច្នេះអ្នកអាចដើរដោយប្រយ័ត្នប្រយែងនៅក្នុងទីងងឹត ។
អ្វីដែលយើងអាចរៀន
ប្រើប្រាស់ដោយមានការអនុញ្ញាត ។ ដើរតាមពន្លឺ ដោយ ស៊ីម៉ូន ឌីវី ។ Courtesy of altusfineart.com © 2022.
ព្រះបន្ទូលនៃព្រះអម្ចាស់អាចបំភ្លឺផ្លូវរបស់យើងឆ្លងកាត់សេចក្ដីងងឹត និងភាពច្របូកច្របល់ដែលហ៊ុំព័ទ្ធជុំវិញយើងក្នុងពិភពលោកនេះ ។
ព្រះអម្ចាស់បានសូមមិនឲ្យយើងគ្របបាំងពន្លឺរបស់យើង តែសូមឲ្យពន្លឺនៃដំណឹងល្អមានជាប់នឹងយើង ដើម្បីឲ្យមនុស្សដទៃអាចបានឃើញ ( សូមមើល ម៉ាថាយ ៥:១៤–១៦ ) ។
វាគឺអាស្រ័យលើយើងក្នុងការធ្វើឲ្យប្រាកដថា ចង្កៀងរបស់យើងគឺមានប្រេងពេញ ( សូមមើល ម៉ាថាយ ២៥:១–១៣ ) ។ យើងធ្វើដូចនេះតាមរយៈការអធិស្ឋាន ការសិក្សាព្រះគម្ពីរ ការបម្រើ ការធ្វើតាមព្យាការី និងទង្វើនៃសេចក្ដីជំនឿ និងការលះបង់ផ្សេងៗទៀត ( សូមមើល ស្ពែនស៊ើរ ដបុលយូ ឃឹមបឹល Faith Precedes the Miracle [ ឆ្នាំ ១៩៧២ ] ទំព័រ ២៥៦ ) ។
ប្រសិនបើយើងអនុវត្តសេចក្ដីជំនឿ នោះពេលខ្លះព្រះអម្ចាស់បំភ្លឺផ្លូវរបស់យើងឲ្យភ្លឺគ្រប់គ្រាន់ដើម្បីយើងឈានទៅមុខមួយជំហ៊ានទៀត ( សូមមើល ប៊យដ៍ ឃេ ផាកកឺ « The Candle of the Lord » Ensignខែ មករា ឆ្នាំ ១៩៨៣ ទំព័រ ៥៤ ) ។
© 2022 by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly For the Strength of Youth Message, August 2022. Cambodian 18316 258