“Nkɔnhyɛfo Atseasefo na Wodzi Kan,” Liahona, Fankwa 2022.
Bosoom bosoom Liahona Amandzɛɛbɔ, Fankwa 2022
Nkɔnhyɛfo Atseasefo na Wodzi Kan
Nkɔnhyɛfo yɛ mbarimba a Ɔsor Egya afrɛ hɔn dɛ wɔnkasa mma No. Wɔgye Jesus Christ ho dase na wɔkyerɛkyerɛ N’asɛmpa ho asɛm. Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no asɔrmba no gye tsetse na ndɛ mber nkɔnhyɛfo nyina no dzi.
Nyankopɔn kasa dua Nkɔnhyɛfo mu.
Nkɔnhyɛfo nya nyikyerɛ fi Nyankopɔn hɔ. Ber a nkɔnhyɛfo enya nkenyan dze rekyerɛkyerɛ hɛn no, ɔtse dɛmara dɛ ma Nyankopɔn nye hɛn rekasa (hwɛ Nkyerɛkyerɛ na Ahyɛmudzi 1:38). Yebotum yɛatwer hɔn dɛ wɔrekã dza Nyame pɛ dɛ yehu no akyerɛ hɛn.
Nkɔnhyɛfo Kyerɛkyerɛ Jesus Christ ho Nsɛm
Nkɔnhyɛfo nyina gye Jesus Christ ho dase. Wɔkyerɛkyerɛ hɛn dɛ Ɔyɛ Nyame ne Ba. Wɔkyerɛkyerɛ hɛn N’abrabɔ, fasusu, na Werdambɔ ho nsɛm. Na wɔkyerɛ hɛn mbrɛ yebesi bɛkã No do na yɛayɛ setsie ama Ne mbrasɛm.
Nkɔnhyɛfo Asɛdze
Nkɔnhyɛfo kyerɛkyerɛ Jesus Christ asɛmpa no ho nsɛm. Wɔkyerɛkyerɛ hɛn nhyira a yenya sɛ yɛyɛ setsie ma mbrasɛm no nna sɛ yɛannyɛ a nsunsuando a yenya. Odu mber binom a, wobotum enya nkenyan dze akã ndaamba dza obesisi akyerɛ hɛn.
Moses na Akyerɛw Apon no, Jerry Harston yɛɛ nsaano mfonyin no
Tsetse Nkɔnhyɛfo
Fitsi ahyɛse no Nyankopɔn edua nkɔnhyɛfo mu akyerɛkyerɛ nkorɔfo. Adam, Noah, Abraham, Moses, Isaiah, na binom so kã nkɔnhyɛfo a wɔtsenaa ase wɔ Ahyɛmu Dadaw mber mu no. Nna nkɔnhyɛfo so wɔ Mormon Nwoma nkorɔfo no mu. Lehi, Mosiah, Alma, na Moroni kã nkɔnhyɛfo yinom ho. Yebotum akenkan kyerɛwsɛm no dze esũa dza wɔkyerɛkyerɛe.
Ndɛ Mber Nkɔnhyɛfo
Joseph Smith yɛ ndɛ mber mu nkɔnhyɛnyi a odzi kan. Ɔdze Jesus Christ N’Asɔr sanee baa asaase do. Russell M. Nelson nye nkɔnhyɛnyi na Asɔr no ne President ndɛ. N’apamfo a wɔwɔ President a Odzi Kan na n’Apamfo mu na Asomafo Duebien no hɔn so wɔyɛ nkɔnhyɛfo, adzehufo, na nyikyerɛfo.
Yeretsie Nkɔnhyɛnyi no
Nkɔnhyɛnyi no kasa kyerɛ hɛn wɔ wiadze mfɛndzanan ehyiadzi ase na mber binom so mu. Ɔkyerɛkyerɛ hɛn dza Nyankopɔn pɛ dɛ yehu na mbrɛ yebesi bɛkã Jesus Christ do ndɛ. Yebotum yeehu ne nkyerɛkyerɛ no wɔ Liahona mu na wɔ ChurchofJesusChrist.org mu.
Nhyira horow a ofi Erekã Nkɔnhyɛnyi no do no Ba
Wobehyira hɛn sɛ yedzi nkɔnhyɛnyi no ne nkyerɛkyerɛ do a. Sɛ yɛkã nkɔnhyɛnyi no do a, yebotum ehu dɛ yɛreyɛ dza Nyame pɛ dɛ yɛyɛ no. Yebotum enya asomdwee ho atsenkã wɔ hɛn abrabɔ mu na yɛabɛn Jesus Christ ara yie.
© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, September 2022 ne nkyerɛasee. Fante. 18299 502