“Hoekom Ons Tiendes Betaal,” Liahona, Des. 2022.
Maandelikse Liahona-boodskap, Desember 2022
Hoekom Ons Tiendes Betaal
Lede van Die Kerk van Jesus Christus van die Heiliges van die Laaste Dae gee een tiende van hulle inkomste aan die Kerk. Dit word ʼn tiende genoem. Die geld word gebruik om die werk van die Kerk dwarsdeur die wêreld uit te voer.
Wat Is Tiendes?
Een van God se gebooie is om ʼn tiende, wat een-tiende van ons inkomste is, aan sy Kerk te betaal. Wanneer ons tiendes betaal, toon ons ons dankbaarheid teenoor God vir ons seëninge. Ons wys dat ons op die Here vertrou en dat ons bereid is om Hom in alles te gehoorsaam.
Ou-Testamentiese Leerstellings
God se volk het tiendes betaal sedert die Ou Testamentiese tye. Abraham het byvoorbeeld tiendes betaal (sien Génesis 14:18–20). Die wet van tiendes is ook deur eertydse profete geleer, insluitende Moses en Maleági (sien Levitikus 27:30–34; Nehemía 10:35–37; Maleági 3:10).
Herstelling van die Wet van Tiendes
In 1838 het die profeet Joseph Smith die Here gevra hoe Kerklidmate tiendes moet betaal. Die Here se antwoord is opgeteken in Leer en Verbonde 119, wat sê dat lidmate ʼn tiende van hul rente aan die Kerk moet gee (sien vers 4). Kerkleiers het geleer dat “rente” inkomste beteken.
Foto deur Jamie Dale Johnson
Hoe om Tiendes te Betaal
Ons kan tiendes betaal deur die aanlyn donasievorm in te vul by donations.ChurchofJesusChrist.org. Of ons kan ʼn papiervorm invul en die geld aan ʼn lid van die bisdom of takpresidensie gee. Al die geld word na die Kerkhoofkwartier gestuur, waar Kerkleiers (die Eerste Presidensie, Kworum van die Twaalf Apostels en Presiderende Bisdom) biddend besluit hoe dit gebruik sal word.
Seёninge
Die Here het belowe dat diegene wat tiendes betaal, tydelik en geestelik geseën sal word. Tiendes seën ook al God se kinders met die geleentheid om van Hom te leer en in die evangelie te groei.
Hoe Tiendefondse Gebruik Word
Tiendegeld word gebruik om die Here se Kerk regoor die wêreld op te bou. Dit sluit in die bou van tempels en ander Kerkstrukture, die druk van skrifture en ander materiaal, die befondsing van opvoedkundige inrigtings wat die Kerk besit en hulp met familiegeskiedenis en sendingwerk.
Tiende-verklaring
Kerklidmate vergader een keer per jaar met hul biskop (of takpresident) om hom te vertel of hulle volle-tiende betalers is.
Waarvoor Tiendes Betaal
Foto van die Oakland Kalifornië-tempel deur Longin Lonczyna Jr.
© 2022 deur Intellectual Reserve, Inc. All rights reserved. Gedruk in die VSA. Engelse goedkeuring: 6/19. Goedkeuring vir vertaling: 6/19. Vertaling van die Monthly Liahona Message, December 2022. Afrikaans. 18318 501