“Laet Ia blong Wol,” Liahona, Jenuare. 2023.
Welkam long Namba Ia
Laet Ia blong Wol
Ditel we i kam long Lukluk Nomo long Glad Ia, i kam long Michael T. Malm
Taem yumi stap wokbaot tru long long laef blong wol ia, yumi kam blong fesem ol tes blong laef, we i tekem tu, ol had situesen we famli i stap go tru long olgeta. Ol jalenj ia oli save mekem yumi filim se yumi stap yumi wan, stap wari mo harem nogud. Sapos yumi tanem yumi i go long stamba blong laet, Sevya Jisas Kraes, bae yumi save faenem rod aot long ol had situesen blong yumi.
Insaed long magasin ia, Presiden M. Russell Ballard i givim ol aotlaen blong ol wei we yumi save faenem rod aot long ol problem blong yumi. He says, “laet blong [Kraes] … i karemaot ol tudak blong wol raon long yumi mo long maen blong yumi” (pej 4).
Olsem wan foma tij blong tingting long saed blong mared mo famli, mi bin wok wetem plante famli we oli bin fesem ol bigfala hadtaem. Ol famli we oli tekem taem evri dei blong letem Kraes insaed long laef blong olgeta, oli bin faenem kompanionsip blong laet mo lav blong Hem taem oli stap traehad blong fesem ol hadtaem blong olgeta. Mi serem sam long ol stori ia long atikol blong mi long pej 8.
Mi glad tumas long tabu janis we mi bin gat, tru long wok blong mi, blong luk ol famli mo wanwan man mo woman, oli joen wetem Sevya long rod ia blong stap kam wan pipol blong Saeon (luk long Moses 7:18). Mi luksave wan smol pat blong heven evritaem, taem mi luk han blong Lod long laef blong wan narawan.
Wetem Tru Hat,
Christy Monson