Heilagur andi getur hjálpað okkur

Ljósmynd

maður situr og horfir á sólarupprás

Heilagur andi er þriðji aðili Guðdómsins. Ritningarnar vísa líka til hans sem andans, heilags anda eða huggarans. Þegar við lærum að hlusta á rödd hans, mun hann vitna fyrir okkur um Jesú Krist og hjálpa okkur að læra sannleika fagnaðarerindisins.

Aðili Guðdómsins

Himneskur faðir, Jesús Kristur og heilagur andi skipa Guðdóminn. Þeir elska okkur og starfa í einingu að því að gera sáluhjálparáætluninina að veruleika. Þótt himneskur faðir og Jesús Kristur hafi líkama af holdi og beinum, þá á það ekki við um heilagan anda. Hann er andi.

Ljósmynd

steind glermynd af himneskum föður og syninum

Vitnar um föðurinn og soninn

Heilagur andi „vitnar um föðurinn og soninn“ (2. Nefí 31:18). Í því felst að við getum hlotið vitnisburð um himneskan föður og Jesú Krist með heilögum anda.

Vitnar um sannleika

Heilagur andi vitnar um allan sannleika. Hann mun hjálpa okkur að vita að fagnaðarerindið – þar á meðal sáluhjálparáætlunin, boðorð Guðs, endurreisnin og friðþæging Jesú Krists – er sannleikur. Hann mun styrkja vitnisburð okkar þegar við höldum áfram að biðja, halda boðorðin og læra fagnaðarerindið.

Ljósmynd

hönd sem heldur á áttavita

Leiðbeinir og verndar okkur

Heilagur andi getur leiðbeint okkur við ákvarðanatökur og verndað okkur frá líkamlegri og andlegri hættu. Hann mun hjálpa okkur að finna svör við spurningum, ef við biðjum og reynum að gera það sem er rétt. Hann mun alltaf leiða okkur „til góðra verka“ (Kenning og sáttmálar 11:12).

Huggar okkur

Stundum er vísað til heilags anda sem „hjálparans“ (Jóhannes 14:26). Hann getur fyllt okkur „von og fullkominni elsku“ (Moróní 8:26) þegar við erum áhyggjufull, döpur eða hrædd. Þegar hann hjálpar okkur að skynja kærleika Guðs getum við sigrast á vanmætti og styrkst af raunum okkar.

Gjöf heilags anda

Eftir að við erum skírð, hljótum við gjöf heilags anda með helgiathöfn sem kallast staðfesting. Þegar við höfum fengið þessa gjöf getum við átt stöðugt samfélag við heilagan anda, svo lengi sem við lifum réttlátlega.

Ljósmynd

Kona að lesa ritningarnar

Myndskreyting: J. Kirk Richards

Hvernig við heyrum í heilögum anda

Heilagur andi á samskipti við fólk á mismunandi vegu. Það getur verið með friðsælli, hughreystandi tilfinningu eða skilningi á því hvað skuli segja eða gera. Þegar við biðjum um leiðsögn og hlustum eftir hughrifum, getum við lært hvernig hann talar til okkar.