40 Armej ro Rekwojarjar—40 Kōjeraam̧m̧an ko—Ejjab Jide!

40 nōm̧ba in ej juon kōkaļļe eo eaorōk n̄an riHibru ro etto. Ilo jeje ko rekwojarjar ej ba menin 146 kattōn ‘ilo juōn iien aetok kitien’. N̄an waanjon̄ak, Moses ekar mour ilo Ijipt ium̧wiin 40 iiō, im 40 iiō ilo āne jem̧aden ilo tōre eo eaar kōtlḷọk armej ro jen kōm̧akoko. Rilo̧mo̧o̧r eaar jitlo̧k ium̧win 40 raan ko ālkin an kar rinana eo kajjeon̄ kaboiki, im elon̄ļo̧k. N̄an Armej ro Rekwojarjar ilo Cook Islands, elōn̄ iaer etto aer kōttar n̄an bōk kōjeraam̧m̧an eo an petriak—im ilo Eprōļ 2023, 40 iaan membōr ro raar bōk kōjeraam̧m̧an ko aer. Elōn menin kabulōn̄lōn̄ ko raar waḷọk ilo wiik in.

Iiō eo ḷọk, ke ritōl ro ilo New Zealand Auckland Mission raar karōk n̄an loḷọk āne jiddik ko ilo Cook Islands n̄an kōm̧m̧an kweiļo̧k eo eļap an district kein karuo ilo kajjojo iiō, raar karuwaineneik Auckland New Zealand Harbour Stake Petriak, Steven Stebbings, n̄an kobaļo̧k ippāer n̄an kōm̧m̧ane juon iien em̧m̧an n̄an membōr ro bwe ren bōk kōjeraam̧m̧an eo an petriak.

Petriak Stebbings im kōrā eo ippān, Kathy, eo im ej an rijeje, raar tōpartok ijo ilo juōn tōre eo eḷap an lukkuun wōt. Juon ekar ḷōmṇak bwe menin enaaj kōm̧m̧an bwe armej ren jab kōnaan diwōj . . . ekar jab. Ruo elder dūm̧m̧an ded raar m̧ōṇōṇō in leḷọk wa eo waer n̄an Petriak Stebbings im Sister Stebbings n̄an kōjerbale ilo tōre eo raar pād ilo āne in. Mijinede rein raar m̧ōṇōṇō in kōjerbal bajikōl ko ilowaan wiik eo.

Armej ro Rekwojarjar raar itok ilo tōre in ekar wōt leplep . . . raar itok kōn bōro eobrak kōn kam̧m̧oolol im m̧ōņōņō kōn ta eo enaaj waļo̧k. Raar itok im ron̄jake n̄an en̄jake iakwe eo an Jemedwōj Ilan̄ im Nejin, Jisōs Kraist. Raar itok n̄an ekkatak eļapļo̧k kōn aorōk eo aer im kōjeraam̧m̧an ko Irooj eaar kepooji n̄an er. Eaar itok wōt armej—Jetōb ekar kajoor, im bwe Stebbing ro raar en̄jake m̧ōņōņō ilo aer kōm̧m̧ane jerbal eo an Irooj.

Petriak Stebbings eaar iminene in leḷọk kōjeraam̧m̧an ko an petriak emen kattōn ilo juōn wiik; eaar kōtmene bwe enaaj kar intōrpuik im kōjeraam̧m̧an 15–20 armej, eaar lukkuun ļo̧kjeṇ an ke ej lo 40 membōr ro 12–74 iiō dettaer raar itok jen āne jiddik ko jet n̄an Rarotonga n̄an bōk kōjeraam̧m̧an eo an petriak.

Sister Stebbings eaar ba raar jino jerbal kajjojo jibbon̄tata im jerbal m̧ae ebbon̄—im kōn aer m̧ōk, Irooj eaar rie im kōkajoorļo̧k er n̄an maron̄ kadedeļo̧k aolep men jon̄an wōt aer maron̄.

En̄jake in eaar ijjino ilo Pāpode 2023 ilo tōre eo Elder Doneal White im Sister Claudia White raar jikrōktok ilo Cook Islands n̄an kōm̧m̧ane jerbal in mijen eo aer ijo im ejjeḷọk Stake Petriak ie. Ilo iien jemenere in jibbon̄, raar ron̄ bwe 14 iaan rijikuuļ ro raar ba n̄an rikaki ro aer ke rejjan̄in bōk kōjeraam̧m̧an ko an petriak. Emōj kar karōk juōn iien im ejjab etto jen iien eo kar leļo̧k mālim n̄an Petriak Stebbings bwe en iļo̧k n̄an Cook Islands n̄an leḷọk kōjeraam̧m̧an in raar ikdeelel kake.

Elder im Sister White raar jar kōn Stebbings bwe ren pād ijeṇ—ilo Cook Islands, im eaar juōn iien eo ejejjet—ilo kar iien kweilo̧k eo eļap an district, im eaar juōn iien holiday n̄an jikuuļ ko—im barāinwōt iien soccer toremen eo eaar ilo wiik eo tok juōn im eaar bōktok ruo kumi in jodikdik nan iien toremen in—im raar maron̄ bōk kōjeraam̧m̧an ko aer.

Petriak Stebbings eaar ba kōjeraam̧m̧an ko an petriak ej liļo̧k n̄an membōr ro rej erreo ilo Kabun̄ in im ej pād ie naan in kapilōk ko jān Anij. “Kōjeraam̧m̧an in ej āinwōt juon road map eo ej jipan̄ tōl armej ilo mour ko aer,” eaar ba.

“Āinwōt juōn petriak, ejjelok ippa kōjeram̧m̧an ko nan liwaji,” Stebbings eaar ba. “N̄e ij likūt peiū ioon bōrami, ij bōk im̧we im revelesōn n̄an er jān kajoor eo an Jetōb Kwojarjar, innām enaaj kōjeram̧m̧an eo aer.”

“Kōjeram̧m̧an kein rejjab n̄an nukūji im julo̧ki im meḷọkḷọki, im rejjab n̄an likūti ilo būreim ak kwaloki,” Stebbings eaar ba. “Ej bwe jen riiti, ḷoori im kaorōki, im enaaj jirōk kajjojo armej ilo iien ko remarok, im enaaj tōl er ilo aolepen raan in mour ko aer.”