Eregye Christ Edzi Ana Ɔasan Aba Bio

“Obiara a ɔbɛgye edzi dɛ Christ bɛba no, [be]nya bɔnfakyɛ, na ɔdze enyigye [be]dzi dɛw kɛsenara, tse dɛ ɔaba hɔn mu dada mpo” (Mosiah 3:13; woetsĩ mu akã ho).

“Na ndze bi baa mo hɔ see dɛ: Enos, wɔdze wo bɔn akyɛ wo. … Dɛm ntsi, wɔpepaa m’afɔdzi. Na mesee dɛ: Ewuradze, ɔyɛ dɛn yɛ? Na ɔsee me dɛ: Osian wo gyedzi a ɔwɔ Christ a enntsee ne nkã da na innhun no da no mu ntsi. Na mfe pii botwa mu akɔ ansaana ɔada no ho edzi wɔ honam mu; … wo gyedzi agye wo.” (Enos 1:5–8; woetsi mu akã ho).

“Yenyim Christ, na yenyaa enyidado wɔ n’enyimnyam ho mfe aha pii ansaana ɔreba. … Kesi dɛ nokwar yebotum yɛahyɛ wɔ Jesus dzin mu ma ndua, anaadɛ mbepɔw, anaadɛ po asorɛkye etsie hɛn” (Jacob 4:4, 6; woetsĩ mu akã ho).

“Binom wɔ hɔ a nna hɔn gyedzi yɛ dzen kɛse mpo ansaana Christ reba, hɔn a biribiara nnkesiw hɔn kwan dɛ wɔbɛhɛn ntwamutam no mu, na mbom nokwar wɔdze hɔn enyiwa hun[ii]” (Ether 12:19); woetsĩ mu akãa ho.

Ber a yɛper dɛ yebesie hɛn ahyɛmudzi no, nna yerisiesie hɛn ho dɛ yɛbɛtsena celestial ahenman no mu. “Na hwɛ, nkwaber yi mu nna ɔwɔ dɛ nyimpa siesie hɔnho hyia Nyankopɔn kwan; nyew, hwɛ dɛm nkwanda yi mu nna ɔwɔ dɛ nyimpa dze yɛ hɔn ndwuma” (Alma 34:32).

President Russell M. Nelson ato nsa afrɛ hɛn dɛ yɛnka “edwuma a ɔsõ koraa wɔ asaase do” no ho—Israel mboano no. “Hɛn Ɔsor Egya dze N’esunsum enyimnyamfo mu dodow esie—ebia, mubotum ase dɛ, No kuw wɔyɛ ndam papaapa no— ama dzibew a odzi ewiei yi. Dɛm esunsum enyimnyamfo no—akansifo mu akɔbran no, ekunyin no—nye hom!”¹

Sɛ Agyenkwa no ba bio a, atseneneefo bɛtsena ase asomdwee mu. Agyenkwa no bedzi hen, na wɔbɛtsentsen esisisɛm. “Na Ewuradze bɛtsena hɔn finimfin, na n’enyimnyam bɛba hɔn do, na ɔbɛyɛ hɔn hen na hɔn mbrahyɛfo” (Nkyerɛkyerɛ na Ahyɛmudzi 45:59).

Adasa nyinara bɔsoɛr efi owu mu. Yebenya bɛkyebo honam a odzi mu. Yebotum ehu adɔfo a woewuwu kɔ. “Sunsum nye nyimpadua bɛsan abɔmu bio ma ne nyimpa su edzi mu; nsa na anan nye akwaado akwaado nyina bɛkã esisi enyim bio ma eedzi mu, mpo dɛ mbrɛ yɛtse seseiara yi” (Alma 11:43).