“Kamehlele Krais Mwohn Ah Pahn Pwurehng Ketido,” Kakehlepen me Pwulopwul Kan Epreil. 2024.
Padahk kan en ehu ehu sounpwong Ong Kakehlepen me Pwulopwul kan Epreil, 2024
Kamehlele Krais Mwohn Ah Pahn Pwurehng Ketido
Mehn Nipahi kan ahnikiher pwoson mwohn Sounkomouro Ah ketidohu, oh kitail pil kak ahniki pwoson mwohn Ah pahn pwurehng ketido.
Ke iangehr medewe ia pahn mwomwen kamehlele Sounkomouro mwohn Ah pahn pwurehng ketido sampah? Mehn Nipahi kan mahso wia soahngo—“kasikasik Mesaiao, oh kamehlele ih ni eh pahn ketido duwehte me e ketidohier.“ (Jarom 1:11).
Nan rahnpwukat, mie neitail pwuhk sarawi, oh poadoapoad en mahs me kadehdehda me Sises Krais ketin ieias mahs, pwoula, oh iasada. Kitail kamehlele Sounkomour men ketidohier. Ahpw kitail pil kamehlele Sounkomour men me pahn pwurehng ketido.
Mwohn Sises Krais ah pahn ketidohu, mehn Nipahi kan Ahnkiher Pwoson En:
Ale mahkepen diparail kan.
“irail akan me pahn kamehlele me Krais pahn ketido, re pahn alehdi mahkpen diparail akan, oh pereperenikiperen kowahlap, duwehte me e ketidohr rehrail” (Mosiah 3:13; emphasis added).
Mahk ong pein irail.
”A ngihl ehu ahpw peidohngie, mahsanih: Inos, dipomw kan lapwadahr. … Eri, nan kapehd toutou me I ahniki apw sohrasangieier. Oh I nda: Maing Kaun, ia mwomwen met kak wiawi? Oh e ahpw mahsanihong ie: Pwehki ahmw pwoson Krais, me ke saikinte rong de kilang. Oh sounpar tohto mwohn eh pahn ketin kasalehda pein ih ni paliwar; … ahmw pwoson kaunsekeiukalahr” (Inos 1:5–8; emphasis added).
Kasalehda manaman.
“Se ese Krais, oh se kin koapworopworiki sapwellime lingan sounpar epwiki kei mwohn eh pahn ketido. … lao se kak lokaiahte ni mwaren Sises ah tuhke kan pahn peikiong kiht, de nahna kan, de iloak en nansed akan” (Jacob 4:4, 6; emphasis added).
Alehdi kaudiahl
“Oh mie me tohto me arail pwoson udahn kehlail, iei mwohn Krais eh ketido, irail sohte kak kolkoldi palie kahdengo, ahpw ni mehlel kilangkihdi mesarail kan” (Ether 12:19; emphasis added).
Mwohn Sises Krais Pahn Pwurehng Ketido, Kitail Kak Ahniki Pwoson En:
Ale mahk, mahk ong pein kitail, kasalehda manaman, oh alehdi kaudiahl (duwehte mehn Nipahi koa).
Kaunopada pein kitail ong Sapwellime ketidohu.
Ni atail pahn nantihong kolokol atail inou kan, kitail kaukaunop en kousoanla nan wein celestial. “Pwe kilang, mour wet iei ahnsou me aramas akan en kaunopada pwe irail en tuhwong Koht; ehi, kilang ni mour wet iei ansou me aramas akan en wiahda arail doadoahk kan” (Alma 34:32).
Kaunopada sampah mwohn Ah pahn ketido
Kitail aledier luhk ehu sang rehn Presiden Russell M. Nelson kitail en iang patehng “doadoahk kesempwal wet pohn sampah”—iei kopwurpwurpenehn mehn Isrehl. “Samatail Nanleng kounopadahr Sapwellime aramas komwad tohto—ni mengei, I kak nda, Sapwellime pwihn keiou kaidehn mehn mwamwahl—ong imwilahn doadoahk wet. Aramas mwahu pwukat—irail semen kei, aramas wadawad kei—irai iei kumwail!”1
Ahniki koapwoaroapwoar nan ansou apwal akan.
Ansou me Sounkomouro pahn pwurehng ketido, me pwung kan pahn momour nan meleilei. Sounkomouro me pahn kaunda, oh me sapahrek kan pahn kopwungpwungla. Eri Kauno pahn ket nan pwungarail, sapwellime kilohri pahn ket pohrail, oh e pahn wia arail nahnmwarki oh soun kou kosonned (Doctrine and Covenants 45:59).
Likih Iasadao
Aramas koaros pahn iasada Kitail pahn alehda palinwaratail me unsek oh sohte kak mehla. Kitail kak pwurehng kilang atail peneinei oh kempoakepahtail me melahr akan. “Ngehno oh paliwaro pahn pwurpene ni mwohmw unsek; peh oh neh koaros oh kakon kan pahn kopwurupwurlahng nan dewe, iei duwehte mwomwetail ahnsou wet” (Alma 11:43}.
Mehn Nipahi kan mahso pwosonlahr Sounkomouro mwohn Ah ketidohu. We can have faith that the Savior will come again—when “[we] shall see [Him] in the clouds of heaven, clothed with power and great glory” (Doctrine and Covenants 45:44; see also Acts 1:11). Ia mwomwen amw ese me e pahn pwurehng ketido kak wekidala dahme ke ke pahn wia rahnwet?
© 2024 sang Intellectual Reserve, Inc. Kolokol pwuhng koaros. Intingda nan USA. Kamanaman ohng ni lokaiahn Wai: 6/19. Kamanaman ohng kawehwe: 6/19. Kawehwepen Monthly For the Strength of Youth Message, April 2024. Language. 19353 885