2 Nibwaai 26–30

N 2 Nibwaai 26–27, e taetae Nibwaai man ana taeka ni burabeti mai imwaina Itaia (taraa Itaia 29) ao ni kabongana nakoia ana aomata ao aia rekooti—ana Boki Moomon. E ataia man te kaotioti, riki imwain are e a bobonga koreakin Ana Boki Moomon, bwa n te bong teuana e na “rangi ni kakaawaki ibukiia natia aomata” (2 Nibwaai 28:2). E aera bwa Ana Boki Moomon e rangi ni kakaawaki iroum? Iangoa te titiraki aei ngkana ko wareka 2 Nibwaai 29-30. Tera “mwakuri aika a raraoi” (2 Nibwaai 27:26) are e kakoroa nanona te Atua n te aonaaba ao ni maium rinanon ana Boki Moomon?

Taraa naba Iotebwa Timiti—Rongorongo 1:62–65.

Tamnei

te kanikina ibukin te tieminari

2 Nibwaai 26:23–33

E kaoira n tatabemaniira nako Iesu Kristo bwa ti na bane n Nakoina.

A mwaiti koaua aika raraoi aika ko na iangoi inanon 2 Nibwaai 26:23–24. Te katooto, ko kona n iangoia bwa tera te bwai ae e a tia ni karaoia Iesu Kristo “ibukin bwaai aika a na kawaaka te aonaaba”—ao ibukim. E kanga ni “kairia aomata ni kabane”—ao ngkoe—“nakoina”? Tera ae ko namakinna bwa ko na karaoia ni kaeka nakon kaotan Ana tangira?

Reitanako am wareware ao ukori koaua ibukin te Tia Kamaiu inanon kiibu 25–33. Tarai riki Ana kakao. Ko na kanga ni kakimototoa ana rongorongo Iesu Kristo nakoim n te tiententi ae ti teuana? Te anene n aron “Mai nakon Iesu” (Boki n anene, nambwa. 117) e kona ni katauraoiko ni kinai ao ni karekei iango nakon kamataata riki tabeua.

Iangoia bwa a kanga kiibu aikai ni kanakoraoa te kawai ae ko reitaki iai ma tabeman ao ni kaoia bwa a nakon Kristo. Kam kona ni karekei iango tabeua n ana rongorongo Unimwaane D. Todd Christofferson “Te Reirei iaon te Riki bwa Kaain te Bootaki Teuana” (Riaona, Nob. 2022, 53–56).

Taraa naba 3 Nibwaai 18:30–32; Dallin H. Oaks, “Tera Ae E A Tia Ni Karaoia te Tia Kamaiu Ibukira,” Riaona, Meei 2021, 75–77; Gospel Topics, “Belonging in the Church of Jesus Christ,” Gospel Library.

Ana kewe ao ana anainano aika mwaiti Tatan a kaotaki inanon 2 Nibwaai 28. Kakaei inanon kiibu 6, 8, 21–23, 29. E aera bwa ko na riai n atai aron ana kewe ni kamwamwane Tatan? Tera ae ko na karaoia ngkana teuare e buakaka e na kataia ni kamwaneko?

Aika koreaki inano bon kiibu tabeua man booki aika tabu ake aki butimwaei ana kewe Tatan. Taraia ngkana ko kona ni kabotaua te reirei ae koaua inanon kiibu aikai ma reirei aika kewe are e kauringiira iai Nibwaai n 2 Nibwaai 28:

• 2 Nibwaai 2:17: iai te riaboro (2 Nibwaai 28:22: “Tiaki ngai te riaboro, bwa bon akea te riaboro”)

• Moronaai 7:35–37

  Korea am Taeka

• Reirei ao Berita aika Tabu 1:31

  Korea am Taeka

• Reirei ao Berita aika Tabu 68:31; 82:14

  Korea am Taeka

• Taekan te Onimaki 1:9

  Korea am Taeka

Taraa naba Gary E. Stevenson, “Tai Mwamwanaai,” Riaona, Nob. 2019, 93–96.

Ngkai ngaira Aika Itiaki ni Boong aika Kaitira, ti kakabwaiaaki ma korakoran ana taeka te Atua. Ma n anne, n aron ae kauring Nibwaai, ti riai n aki manga namakinna bwa “e tau ae reke iroura” Ngkai ko warekii taeka n kauring n 2 Nibwaai 28:27–31 ao 2 Nibwaai 29, iangoi titiraki n aron aikai:

• Tera ae e tangiria te Atua bwa N na namakinna ao tera au kaeka nakon Ana taeka?

• Bukin tera n tabetai aomata a “un” ibukin karekean riki te koaua mai iroun te Atua? (2 Nibwaai 28:28). E a tia n reke te namakin ae aekakina aei irou? Ngkana ngaia, ao N na kanga ni kona ni bitaki?

• Tera ae e nanonaki ni karekean ana taeka te Atua? N na kanga ni kaotia Nakoina bwa I tangiria ni karekei riki Ana taeka?

• N reireiniia am ataei iaon taekan ana kakao te Tia Kamaiu inanon kiibu aikai, ko kona n taetae mangaia iaon taai ngke a kaoia aomata nakon te bootaki ae onoti, n aron te bootaki ni kukurei ibukin te koronririki. Ngkanne kam kona ni bane ni wareka 2 Nibwaai 26:23–28 ao ni kakaea te bwai ae kaoira iai Iesu bwa ti na karaoia. A kona am ataei ni karaoa te kaati ni kaoa iai temanna bwa e na nakon Iesu Kristo. Kaungaia bwa a na kabongana te kibuntaeka man kiibu aikai n aia kakao.

• Te korotamnei n te been n tokin te kamataata aei a kaotiia aomata man taabo aika mwaiti. Tao a kona am ataei n taraa te tamnei aei ngkai kam wareka 2 Nibwaai 26:33. Ko kona ni kaokiokia n taekina te kibuntaeka “E kaoia Iesu bwa ti na bane n Nakoina” ngkai a koteia aomata n tatabemaniia ami ataei inanon te tamnei—ao imwiina bon nakoia. Ti na kanga n nakon Iesu?

• Te anene ibukin tangirakiia aomata ni kabane, n aron “I’ll Walk with You” (Aia Boki n Anene Ataei, 140–41), e kona ni buokiko n reireia te rongorongo n 2 Nibwaai 26:33.

• Ni buokiia am ataei n namakinna ae Ana Boki Moomon e bon “rangi ni kakawaki” (2 Nibwaai 28:2), ko kona ni bauta katootoon te boki kanga te bwai n tangira ao n tuangiia bwa a na keetina te bwai are inanona. A kona ni kakaei kanikina inanon 2 Nibwaai 30:3–6. Tuangiia am ataei bukina ngkai e rangi ni kakawaki Ana Boki Moomon nakoim, ao tuangiia bwa a na tibwauai naba aia namakin.

• Iangoia n tuangiia am ataei bwa a na iangoia ae aongkoa raoraoia e kangai, “I aki kainnanoia bwa N na wareka Ana Boki Moomon. I a tia ni wareka te Baibara.” Tera ae ti kona n taekinna nakoia raoraora? Bootaki ni wareka 2 Nibwaai 29:7–11 n reiakinna bwa bukin tera e tangiriira te Atua bwa e na iai iroura booki ake uoua.

• Tao ko kona n iangoa te anga reirei ae ko kabongana te bwai are e na buokiia am ataei n ataia bwa tera ae nanonaki n reirei “teutana imwin teutana.” Te katooto, a kona ni boota te bwai ni kamwaninga ke ni katea te bwai teuana ma bwaai, teuana te mwakoro n te taina. Ke ko kona n reireiniia te rabakau teutana i mwin teutana, n aron kabaean te kamronron ke korean te tamnei. Ko kona ngkanne ni wareka 2 Nibwaai 28:30 ao maroroakinna bwa e kanga Tamara are i Karawak n reireiniira teuana te koaua imwiin teutana.

• Te iango riki teuana bwa rinean te kibuntaeka man 2 Nibwaai 28:30 ao n ikaruoruo ni koroia, teuana te taeka imwiin teuana. E kanga te bwai aei n titebo ma te kawai are e anganiira iai te koaua te Atua? E aera te Atua e kaoti koaua nakoira “teutana i mwin teutana, te reirei teuana i mwin teuana, ikai teutana ao ikekei teutana” ao tiaki ni kabane n teuana te tai? Ti na kanga ni kona ni kaotia nakon te Atua ae ti tangiria ni karekea riki te koaua mai Irouna?