“Maat 4–10: ‘ Kimwareirei iroun Kristo.’ 2 Nibwaai 20–25 ” Nakomai, Iriirai—Ibukin te Mweenga ao te Taromauri: Ana Boki Moomon 2024 (2024)
“Maati 4–10. 2 Nibwaai 20–25,” Nakomai, Iriirai—Ibukin te Mweenga ao te Taromauri: 2024 (2024)
Maati 4–10: “Ti Kimwareirei iroun Kristo”
2 Nibwaai 20–25
A na koroboki Itaia iai inanona kauring aika a korakora, ma a aanga naba te kaantaninga ao te kimwareirei. Aio bukina teuana ae Nibwaai e karinii inanon ana rekooti: “N nang koroi tabeua mai buakon ana koroboki Itaia,” e taku, “bwa ngkana … are noori taeka aikai ao a na tabekarake nanoia ao a na kimwareirei” (2 Nibwaai 11:8). N taraana, te kakao nakon warekan ana koroboki Itaia bon te kakao nakon te kimwareirei. Ko kona n karekea te kukurei, n aron Nibwaai, n ana taeka ni burabeti Itaia ibukin ikotakiia Iteraera, rokon te Mesia, ao te rau are beritanaki nakoia aika raraoi. Ko kona ni kukurei ni maeka inanon te bong are e beritanaki ngkana te Uea e a “katea te buraeki ibukiia aaba, ao e na ikotiia aomata ake a tia ni kitana Iteraera” (2 Nibwaai 21:12). Ngkana ko bwarua te raoiroi, ko kona “ni itiia te ran ma te kimwareirei … man mwanibwan te kamaiuaki” (2 Nibwaai 22:3). N taekana teuana, ko kona ni “kimwareirei iroun Kristo” (2 Nibwaai 25:26).
Iango ibukin Reiakinana n te Mweenga ao n te Taromauri
I kona ni karekea te rau iroun Iesu Kristo.
Iai aia kangaanga natin Riaai n te kakauntaeka. E rikirake ni korakora te kangaanga n rooro ake imwiina, are e karika te maenako, te tautaekanaki, te nanokawaki, ao te kamaunaaki. Ao te itabaraaraa e reitinako bwa te kangaanga ni boong aikai.
Ni iangoan anne n am iango, iangoa te taetae ni burabeti inanon 2 Nibwaai 21–22. Iangoia bwa e kanga te Tia Kamaiu ni kakoroi nanon taetae ni burabeti aikai. Tera te taetae ni burabeti ae te kameanti e na “maeka ma te tiibu te teei” nanon anne iroum? (2 Nibwaai 21:6). Iangoia bwa tera ae ko kona ni karaoia n riki bwa te tia raoi.
Taraa Dale G. Renlund, “Ana Rau Kristo E Kamauna te Nano ni Kairiribai,” Riaona, Nobembwa 2021, 83–85.
Te Uea e bobotiia Ana botanaomata.
Nibwaai ao ana utu a riki bwa taan kakoaua ni ikotakin Iteraera (taraa 2 Nibwaai 25: 10). Ngkai ko kona ni ira buakon ikoikotaia Iteraera (taraa 2 Nibwaai 21:12). Ngkai ko wareka 2 Nibwaai 21:9–12, iangoia bwa ko na kanga ni kakoroa nanon te taetae ni burabeti ni kiibu aika a kabwarabwaraaki aikai.
Te katooto, ngkai ko wareka taekan te “ensign” (te buraeki ke te baana) are e na irakeaki ni ikotiia ana aomata te Atua, iangoia bwa ko kanga n tia n nora te Atua ni bootiia Ana aomata, ni maiun rabwataia ao tamneia. Tera ae e anai nanoia aomata nakon te Uea ao Ana Ekaretia?
Tera ae ko namakinna bwa ko na karaoia ni buoka ikotaia natin te Atua?
Kaubwain nako Baburon a na bwaka.
Korakoran abanuean Baburon n arona n tautaeka ao n te tanga ni buaka e riki bwa te kakamaaku nakon Iteraera are rimoa. Ma nakoia ana aomata Nibwaai—ao nakoira ni boong aikai—te kakamaaku ae korakora bon are e tei ibukin Baburon: te kaubwai ao te bure. Iangoia bwa e kanga ana kauring n 2 Nibwaai 23–24 ni kona n rotiia naake a maaka ke ni kamoamoaa ke n onimakina kaubwain ao korakoran Baburon (taraa, te katooto 23:6–9, 11, 19–22; 24:10–19). Tera tabeua bwaai ae aekan akanne ae ti maakua ke ni kamoamoaa ke n onimaki iaona n taai aikai? Tera ae ko namakinna bwa Ana rongorongo te Tia Kamaiu nakoim inanon mwakoro aikai? Iangoia bwa ko na kanga ni kaotia ae ko “kimwareirei n rietan [te Uea]” (2 Nibwaai 23:3).
“Ti kaakarabakauakina Kristo … ”ti kimwareirei Iroun Kristo.”
E rangi n tauraoi Nibwaai n tibwa ana koaua—riki ana kakoaua iroun Iesu Kristo. Rinanon nako am kamatebwai n 2 Nibwaai 25, iangoa aron nanon Nibwaai n anai nanoia [natina] … bwa a na kakoaua Kristo, ao bwa aonga ni manga tangiraki iroun te Atua” (te kibu 23). Tera ae e tangiria Nibwaai bwa a na ataia aomata iaon te Tia Kamaiu? (taraa kiibu 12–13, 16). E kanga Nibwaai ni kairoroia aomata bwa a na kakoaua te Tia Kamaiu? (tarai kiibu 19–29). Tarai kibu n taeka inanon te mwakoro aei ake a anaa nanomni kakoauaa ao ni iriira Iesu Kristo.
Tabeman mai ibuakora aki rangi ni matoatoa n aron Nibwaai iaon tataekinan Kristo. Ma tao ko kona ni kuna n ana reirei Nibwaai inanon 2 Nibwaai 25:23–26 are e anaa nanom ni kakarabakau iaon Kristo ma aomata tabeman n ae mwaiti. Te katooto, are e taekinna Nibwaai “Ti kimwareirei iroun Kristo” tao e na kairiko ni iangoa aron te Tia Kamaiu bwa e kanga ni uota nakoim te kimwareirei—ao ko na kanga ni tibwa te kimwareirei anne ma tabeman.
N te rongorongo aei “Ti Kakarabakauakina Kristo” (Riaona, Nobembwa 2020, 88–91), Unimwaane Neil L. Andersen e anga iango bwa ti na kanga ni marooro n ae mwaiti iaon Kristo n aaro aika a kakaokoro. E ngaa mai ibuakon ake e anga ae e kakawaki iroum? Ningai taai ae koa tia ni karekea are ko kakarabakauakina iai Kristo ma aomata tabeman?
Tera ae ko namakinna bwa ko kaungaaki iai n tuanga temanna taekan Iesu Kristo? Ngkana ko kainnanoi riki iango, ko kona n kakaea n “The Living Christ: The Testimony of the Apostles” (Gospel Library). Te anene n taromauri n aron “I Believe in Christ” (Anene n Taromauri, nambwa 134) e kona n anganiko iango aika mwaiti.
Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Iesu Kristo e na motika taeka n te etieti.
-
Ni buokiia natim ni katamnei kiibu aikai, noria ngkana ko kona ni kunea te aroka ae e a tia ni koreaki ke te mwaanga man te aroka (ke kabongana te tamnei ae inano). Ngkana te mwaanga are n 2 Nibwaai 21:1 e tei ibukin Iesu Kristo, tera ae e reiakinna kiibu 2–5 iaon Kristo?
Iesu Kristo e uota te rau ao te kimwareirei.
-
Tera ae e reiakinna 2 Nibwaai 21:6–9 bwa tera ae e kona n riki ngkana aomata ni kabane a iriira te Tia Kamaiu? (taraa naba 4 Nibwaai 1:15–18). Ti na kanga n karaoa mweengara bwa e na riki n aron aei? A na bae ni kukurei natim ni mataku n tamneiia maan ake a taekinaki n kiibu 6–7—maan ake a unuun imarenaia ma a nang aki kaikuakiia imarenaia ngkana e a manga oki Iesu (taraa te iteraniba n te waaki ni kakukurei n te wiiki aei). A kona naba natim ni korea tamneia ao maan aikai n maeka inanon te rau ma Iesu.
Te Uea e bobotiia Ana botanaomata.
-
E taku Itaia bwa te Uea e na katea te “buraeki ibukiia aaba” ni buokiia aomata ni ikotiia Nakoina (taraa 2 Nibwaai 21:11–12). Buokiia natim ni mataata bwa ensign kanga ai aron te buraeki. Tao a na bae n tangiria ni korea tamnein oin aia buraeki. A kona ni karini tamnei ke taeka ake a tei ni kaota bukin ae a roko nakon Iesu Kristo ao Ana Ekaretia. Kariaia bwa a na marooro iaon aia buraeki, ao buokiia ni iangoa bwa a na kanga ni buokiia tabeman n “botaki” n nakon Iesu Kristo.
-
Imwiin warekan 2 Nibwaai 22:4–5 ni botaki, ko na bae ni marooro ma natim iaon tabeua “bwaai aika a tamaroa” are e a tia ni karaoi te Uea. Baikara bwaai tabeua ae te Uea “e karaoi i [buakora] ae ti kona ni kaotii? Ni buokia natim bwa a na iangoi titiraki aikai, kam na bae n uaia n anenea te anene iaon te Tia Kamaiu, n aron “I Believe in Christ” (Anene n Taromauri, nambwa 134). Kam kona ni ikaruoruo ni kabwanina te tiententi n aron aei: “I kakoaua iroun Kristo; E .” Ti na kanga ni buokiia aomata tabeman ni mataata bwa tera ae e a tia ni karaoia te Tia Kamaiu ibukira?
“Ti kimwareirei iroun Kristo.”
-
Ko na kanga ni buokiia natim ni “kimwareirei iroun Kristo””? Tao ko na kona ni karakina taekan Iesu Kristo n uota te kimwareirei nakoia tabeman, ke kaota te witeo n aron “Jesus Heals a Man Born Blind” ke “Suffer the Little Children to Come unto Me” (Gospel Library). Natim a kona ni kaotii taai ni kakukurei inanon te karaki ke te witeo. Imwiina, ikotaki ni wareka 2 Nibwaai 25:26, a kona ni maroroakinna bwa bukin tera a “kimwareirei iroun Kristo.”
Kakoaua Kristo. Tai kataunaria bwa am utu a ata am namakin iaon te Tia Kamaiu. Tuangiia, ao karika am namakin iaon te Tia Kamaiu bwa e na roota aron am reitaki ma ngaiia.
Ibukin iango riki tabeua, taraa te beeba ni kaongora n te namwakaina aio n te Rao maekatiin.
Tao Tiaki Iaon Te Maunga, iroun Ramon Ely Garcia Rivas