Yakobi 5–7

UYakobi 5 libali elinentsingiselo yomfuziselo. Lichaza imithi neziqhamo nabasebenzi, kodwa eneneni limalunga nentsebenziswano kaThixo nabantu baKhe kwimbali yonke. Ngoko njengoko ufunda ibali elisisiseko, cinga malunga nokuba ezinye zezinto ezisebalini zinokufuzisela ntoni.

Ngokomzekelo, ukuba isidiliya simela ihlabathi, yaye umnquma ufuzisela uSirayeli (okanye abo benze iminqophiso noThixo; bona Yakobi 5:3), yintoni engamela umnquma wasendle? Singafundisa ntoni isiqhamo esilungileyo nesibi? Yeyiphi eminye imiqondiso oyibonayo?

Nangona uYakobi 5 efundisa ngezizwe neenkulungwane zembali yehlabathi, ikwamalunga nawe nobomi bakho. Yeyiphi imiyalezo ozifumanela yona ku Yakobi 5?

Mhlawumbi okona kubalulekileyo, Yakobi 5 ungoYesu Krestu. Khangela Yena njengoko ufunda. Ufunda ntoni ngaYe, ngokomzekelo, kwimiqolo 40– 41, 46–47?

Ngolwazi olongezelelweyo malunga Jacob 5, bona umzobo osekupheleni kolu lwandlalo.

Umfanekiso

umfanekiso wemfundo yolutsha

Yakobi 5:61–75

INkosi iyandimema ukuba ndisebenze kunye naYo esidiliyeni saYo.

“Ezinye izicaka” (Yakobi 5:70) ezabizelwa esidiliyeni seNkosi ziquka abantu abafana nawe. Zeziphi iinyaniso ozifumanayo ku Yakobi 5, ngakumbi imiqolo 61–62 kunye 70–75, ngokusebenza esidiliyeni seNkosi? Ufunde ntoni ngaYe ngokuncedisa emsebenzini waKhe?

Njengokuba ufunda “[nge]lixa lokugqibela” apho iNkosi isebenza esidiliyeni saYo, yintoni ekuphembelela wena nosapho lwakho ukuba nikhonze iNkosi “ngamandlakazi enu”? (Yakobi 5:71). Mhlawumbi ungacinga ngamava obuqu owava kuwo uvuyo xa wawukhonza iNkosi yesidiliya—ngokomzekelo, ngokwabelana ngevangeli, ukukhonza etempileni, okanye ukomeleza abanye.  

UMongameli uRussell M. Nelson wafundisa: “Nanini na usenza nantoni na enceda nabani na—nakweliphina icala lekhuselo—athabathe inyathelo lokwenza iminqophiso noThixo kwaye afumane imimiselo yabo ebalulekileyo yokubhaptizwa neyasetempileni, uyanceda ekuhlanganiseni uSirayeli. Ilula ngolo hlobo” ( “Hope of Israel”[worldwide youth devotional, Eyesilimela 3, 2018], ChurchofJesusChrist.org). Cinga ngokuqala uluhlu lwezimvo ngoko onokuthi ukwenze ukunceda ukuhlanganisa uSirayeli. Kuluhlu lwakho, uva ukuba iNkosi ifuna wenze ntoni namhlanje esidiliyeni saYo? Ngoko mqolo 75, ingaba iNkosi isivuza njani ngokusebenza esidiliyeni saYo?

Enye intsingiselo yegama elithi ukunamathela kukubambelela okanye ukuncamathela entweni ngokuqinileyo, ngokusondeleyo, nangokungaxengaxengiyo. Ingaba loo nkcazelo iyichaphazela njani indlela oqonda ngayo Yakobi 6:4–5? Kwibali lomnquma, iNkosi yesidiliya yayolula njani “ingalo yayo yenceba”? (bona, ngokomzekelo, Yakobi 5:47, 51, 60–61, 71–72). Yena ukwenzele njani wena oku?

Amava amaNifayithi ngoSherem asoloko ephindwa namhlanje: abantu bazama ukutshabalalisa ukholo kuKrestu. Wasabela njani uYakobi xa ukholo lwakhe lwaluhlaselwa? Ufunda ntoni kwiimpendulo zakhe? Yintoni onokuyenza ngoku ukulungiselela amaxesha apho ukholo lwakho kuMsindisi luya kucelwa umngeni?

• Ungabelana njani ngebali lemithi yomnquma ngendlela abantwana bakho abanokuqonda ngayo? Enye indlela kukuhamba phandle ukuya kujonga emthini uze uhlolisise ngokufutshane iingongoma eziziintloko zebali. Yenza ntoni iNkosi yesidiliya isenzela imithi yaYo? Singafana njani nabasebenzi ebalini kwaye sincede abanye baluve uthando loMsindisi?

• UYakobi wabelana ngebali lemithi yomnquma ukumema abantu bakhe ukuba beze kuKrestu. Inokwenza okufanayo nakubantwana bakho. Mhlawumbi ungashwankathela ibali ngemiqolo enjengo Yakobi 5:3–4, 28–29, 47, no 70–72 Wena okanye abantwana bakho emva koko ningafunda Yakobi 5:11, 41, 47, no 72, nikhangela izinto ezibonisa indlela iNkosi yesidiliya (Yesu Krestu) wayeyikhathalele ngayo imithi. Yintoni ayenzayo uMsindisi ukubonisa ukuba Yena uyakhathala ngathi?

• Yakobi 6:4–5 unomyalezo obalulekileyo kuthi xa sisenza ukhetho olungalunganga. Mhlawumbi unokunceda abantwana bakho bawufumane. Ngawaphi amazwi kule miqolo asinika ithemba kuthando lukaThixo oluhlangulayo?   Eli bali noYakobi 6:4–5 usifundisa ntoni malunga nento ekufuneka siyenzile ukuze sisindiswe ebukumkanini bukaThixo?

• Unokubakhuthaza njani abantwana bakho ukuba bayimele inyaniso njengoYakobi wenzayo?   UYakobi wakumela njani oko wayekwazi ukuba kulungile? Mema abantwana bakho ukuba babelane ngamava xa babemele okulungileyo, okanye yabelana ngawakho.