Enoshe–Amazwi kaMormoni

Amava akho ngomthandazo asenokungabi nantsingiselo kangako kunawakaEnoshe, kodwa akuyomfuneko ukuba abe nentsingiselo encinane. Nantsi eminye imibuzo onokucinga ngayo njengokuba ufunda Enoshe 1:1–17:

• Ngawaphi amazwi achaza imigudu kaEnoshe njengoko wayethandaza?

• Imithandazo kaEnoshe yatshintsha njani ukusuka imiqolo 4 to 11?

• Ndifunda ntoni kuEnoshe engandinceda ukuba ndiphucule imithandazo yam?

Umfanekiso

umfanekiso wemfundo yolutsha

Enoshe 1:1–4

INkosi ingandinceda ndiphembelele usapho lwam kokulungileyo.

Mhlawumbi kukho umntu kusapho lwakho onqwenela ukuba ungamnceda eze kuKrestu, kodwa uyazibuza ukuba ingaba imizamo yakho yenza umahluko na. Yintoni onokuyifunda ku Enoshe 1:1–4 ngempembelelo kaYakobi kunyana wakhe uEnoshe? Ngokomzekelo, lithetha ukuthini kuwe ibinzana elithi “[ukukhulisa] ngezilumkiso zeNkosi”? Ungayimema njani impembelelo yaKhe ekhayeni lakho?

Njengoko ucinga ngosapho lwakho, cinga le mibuzo nezibonelelo:

• Unokuliphembelela njani usapho lwakho ngeendlela ezintle? (bona 1 Nifayi 2:16–18; 3:15–21; 5:1–6; 7:20–21; Alma 36:17–20”). Yintoni onokuyenza ukuba umntu ubonakala engalufuni uncedo lwakho okanye akanabubele kuwe?

• Yeyiphi imigaqo oyifumanayo kwezi zibhalo zilandelayo enokukhokela kubudlelwane bakho kunye namalungu osapho? Mateyu 5:21–24, 38–44; 6:14; 7:1–5; 22:36–39; 3 Nifayi 18:21; Moronayi 7:33; IMfundiso neMinqophiso 18:10–13.

Ngamanye amaxesha unokuzibuza ukuba izono zakho zixolelwe na, nasemva kokuba uguqukile kwezo zono. Zeziphi iimbono ozifumanayo kumava kaEnoshe Enoshe 1:1–8? UEnoshe walubonakalisa njani ukholo lwakhe kuYesu Krestu ngaphambi nasemva kokuba efumene uxolelo?

Iincwadi zikaYaromi no-Omnayi zombini zichaza ubudlelwane phakathi kobulungisa nempumelelo. Yintoni oyifundayo ku Yaromi 1:7–12; Omnayi 1:5–7, 12–18? Zahluke njani iinkcazelo zehlabathi zempumelelo kwingcaciso yeNkosi? INkosi ibanceda njani abantu baKhe baphumelele? (bona Alma 37:13; 48:15–16).

Isimemo esithi “Yizani kuKrestu” sivela rhoqo kwiNcwadi kaMormoni. Enyanisweni, enye yeenjongo eziphambili zencwadi kukudlulisa esi simemo kuye wonke umntu. Njengoko ufunda Omni 1:25–26, ngawaphi amagama okanye amabinzana owafumanayo achaza indlela yokuza kuKrestu? Uya kwenza ntoni na ukuza kuYe ngokupheleleyo?

Umfanekiso

UMormoni eqokelela amacwecwe egolide

Esinye isizathu sokuba iNkosi yaphefumlela uMormoni ukuba aquke amacwecwe amancinane kaNifayi kwiNcwadi kaMormoni yayikukuba uThixo wayesazi ukuba amaphepha ali-116 okuqala aguqulelweyo aya kulahleka (bona IMfundiso neMinqophiso 10). Kutheni unombulelo ngokuba uMormoni walandela umyalelo weNkosi wokuquka le mibhalo (ebandakanya 1 Nifayi ukuya ku-Omnayi)? Zeziphi izizathu awazinikayo uMormoni zokuba aziquke? (bona aMazwi kaMormoni 1:3–7). Ukhe wambona nini uThixo esenza umsebenzi waKhe ngawe okanye ngabanye?

• Unokubanceda njani abantwana bakho benze imithandazo yabo ibe nentsingiselo ngakumbi? Cinga ngokubabonisa umfanekiso kaEnoshe ethandaza; mabachaze oko bakubonayo. Bangakwazi emva koko ukuvala amehlo abo kwaye babe nomfanekiso-ngqondweni wabo bethetha noBawo waseZulwini ubuso ngobuso. Yintoni abangathanda ukuthetha ngayo? Yintoni angafuna ukuyithetha kubo?

• Njengoko ufunda ngokuvakalayo Enoshe 1:1–5, abantwana abancinane bangazenza uEnoshe ngokulinganisa ukuzingela, ukuguqa ukuze bathandaze, njalo njalo. Abantwana abadala banokumamela igama okanye ibinzana elichaza imithandazo kaEnoshe. La mazwi asixelela ntoni ngemithandazo kaEnoshe? Yabelana ngamava xa umphefumlo wakho “walamba” kwaye “wakhala” eNkosini (Enoshe 1:4).

Umfanekiso

usapho luthandaza

• Ungabanceda njani abantwana bakho baqonde ukuba uBawo oseZulwini uyakuyiva kwaye ayiphendule imithandazo yabo? Cinga ngokubamema ukuba badwelise ezinye zezinto abaqhele ukuzithandazela. Emva koko ungabanceda bafumane into uEnoshe awathandazela yona ku Enoshe 1:2, 9, 13–14, no 16

  Waba yintoni umphumo wemithandazo kaEnoshe? (bona imiqolo 6, 9, 11).

  Sifunda ntoni kumava kaEnoshe ngendlela yokuphucula imithandazo yethu?

•   Mhlawumbi abantwana bakho banokuphakamisa izandla zabo lonke ixesha besiva igama elithi “thandaza” okanye “umthandazo” okanye elinye igama eliphindaphindwayo. Xelela abantwana bakho ngezinye iindlela uBawo oseZulwini ayiphendule ngayo imithandazo yakho.

• UMormoni walandela isikhokelo soMoya oyiNgcwele ukuba aquke amacwecwe amancinane kaNifayi kwiNcwadi kaMormoni. Yonke into esiyifundileyo kwiNcwadi kaMormoni ukuza kuthi ga ngoku kulo nyaka ize kuthi kuba uMormoni wenze ukhetho lokumamela uMoya Ungabanceda njani abantwana bakho bafunde ngokumamela uMoya? Bacele ukuba batshintshisane ngokufunda imiqolo evela aMazwi kaMormoni 1:3–8. Ungathetha ngoko bakufundayo kumqolo ngamnye. Abantwana bakho banokuthi emva koko:

  • Yabelana ngento abayifundileyo kumabali akwiNcwadi kaMormoni kulo nyaka (imifanekiso evela Yizani, Nindilandele inokubanceda bakhumbule).

  • Thetha ngamava apho bakhokelwa nguMoya ukuba benze into eyasikelela omnye umntu.