Alma 43–52

Taem yu stap ridim Alma 43–52, luk wanem nao Ol Man blong Nifae oli mekem we i mekem se oli gat sakses ( o no gat sakses). Afta, tingting hevi long hao nao yu save yusum wanem yu lanem blong helpem yu blong winim ol faet blong yu long saed blong spirit. Raetemdaon ol tingting blong yu andanit ia:

• Alma 43:19: Ol Man blong Nifae oli bin rere wetem ol klos blong faet. (Mi save traehad blong mekem miwan mi rere wetem wan klos blong faet long saed blong spirit.)

• Alma 43:23–24: Oli bin lukaotem blong profet i lidim olgeta.

• Alma 44:1–4:

  Krietem wan Not

• Alma 45:1:

  Krietem wan Not

• Alma 46:11–20:

  Krietem wan Not

• Alma 48:7–9:

  Krietem wan Not

• Alma 49:3, 12–14:

  Krietem wan Not

Mo tu, lukluk long wanem yu lanem aot long ol hadwok blong ol enemi blong Ol Man blong Nifae. Tingting hevi long olsem wanem Setan i save atakem yu long ol semmak wei:

• Alma 43:8: Serahemna i bin wantem blong mekem ol pipol blong hem oli kros blong mekem se bae hem i gat paoa ova long olgeta. (Setan i save temtem mi blong tekem aksen taem mi kros.)

• Alma 43:29:

  Krietem wan Not

• Alma 46:10:

  Krietem wan Not

• Alma 47:10–19:

  Krietem wan Not

Luk tu long Russell M. Nelson, “Akseptem mo Fesem Fiuja Wetem Fet,” Liahona, Novemba 2020, 73–76; “A Mighty Fortress Is Our God,” Hym, namba 68.

Pikja

Ol Man blong Nifae oli faet agensem Ol Man blong Leman

?Yu yu wantaem daonem paoa blong enemi long laef blong yu? Wan wei i blong folem kaonsel long Alma 48:17 blong “kam moa olsem Moronae.” Tingting blong mekem wan lis blong ol toktok we oli tokbaot Moronae taem yu ridim Alma 46:11–28; 48:7–17. ?Wanem nao yu lanem aot long Moronae abaot “stanap strong long fet long Kraes”? (Alma 46:27).

Bae yu save stadi tu long olsem wanem Moronae i givim insperesen long ol narafala man abaot “stamba tingting blong ol Kristin Man” (luk long Alma 46:11–22). ?Wanem nao bae yu tokbaot abaot stamba tingting ia? ?Wanem nao yu save mekem blong tekpat long hem? ?Long wanem wei nao yu save givim insperesen long ol narawan blong tekpat tu?

Wan samting we Moronae i bin mekem i taem we hem i krietem taetol blong fridom, we i tokbaot bigwan ol prinsipol we i givim insperesen long Ol Man blong Nifae (luk long ves 12). ?Wanem nao oli ol prinsipol we ol lida blong Jos oli stap tokbaot long dei blong yumi? Yu save faenem olgeta insaed long Blong Ol Yut Oli Kam Strong: Wan Gaed blong Stap Mekem Ol Joes (buklet, 2022), “Famli: Wan Ofisol Toktok I Go long Wol,” Ol Yang Woman mo Kworom blong Aronik Prishud ol stamba tingting, o ol mesej blong jeneral konfrens we i jes pas. Yu save talem i sot wanem we oli stap tijim i kam long ol simpol stetmen blong krietem taetol blong fridom blong yuwan—wan samting blong rimaenem yu blong stap tru long Sevya mo gospel blong Hem.

Luk tu long Gospel Topik, “Fet long Jisas Kraes,” Gospel Laebri.

Setan i save se bae yu no wantem blong komitim ol bigbigfala sin o bilivim giaman toktok we i klia gud. From hemia, hem i yusum ol giaman we i had blong man i luksave mo ol smol temtesen—plante we plante blong hem i save se bae yu akseptem—blong lidim yu i go longwe long sefples we i blong stap laef long wan stret mo gud fasin.

Lukaotem paten ia long Alma 47, mo tingting hevi long olsem wanem Setan bae i save stap traem blong trikim yu. Tingting long ol niufala lukluk ia we i kam long Elda Robert D. Hales:

“Man blong salem man, Amalekaea i bin askem strong long Lihontae blong ‘kam daon’ mo mitim hem long vale. Be taem Lihontae i aot long hae graon, oli posenem hem “sloslo” kasem taem hem i ded, mo ami blong hem i foldaon long han blong Amalekaea (luk long Alma 47). Wetem ol toktok blong no agri mo fasin blong poenem fingga, sam pipol oli giaman long yumi blong aot long hae graon. Hae graon i ples we laet i stap long hem. … Hem i sef graon” (“Christian Courage: The Price of Discipleship,” Liahona, Novemba 2008, 74).

?Wanem nao yu lanem long vidio blong “Temptation Fades as We Seek Christ in Every Thought” (Gospel Laebri) we i save helpem yu blong stap longwe long temtesen?

Luk tu long Nehemaea 6:3; 2 Nifae 26:22; 28:21–22.

Nomata ol klos blong faet mo ol wol we oli bildimap blong protektem olgeta long wan faet, be afta, Ol Man blong Leman oli bin holemtaet plante long ol siti blong olgeta (luk long Alma 51:26–27). ?Olsem wanem samting ia i bin hapen? Lukaotem ol ansa taem yu stap ridim olgeta japta ia (speseli, luk long Alma 51:1–12). Tingting hevi long wanem woning nao stori ia i gat blong yu mo blong famli blong yu.

• Tingting blong yusum“Japta 31: Kapten Moronae I Winim Serahemna” (Ol Stori long Buk blong Momon, 85–88) blong talem long ol pikinini blong yu abaot ol wo bitwin Ol Man blong Nifae mo Ol Man blong Leman. Taem yu stap rid abaot klos blong faet long Alma 43:19, yu save komperem klos blong faet we i protektem bodi blong yumi wetem ol samting we God i bin givim long yumi blong protektem spirit blong yumi. Maet yu mo ol pikinini blong yu i save droem wan pikja blong wan pikinini mo ademap wan pat blong klos blong faet i go long pikja, evri samting we ol pikinini blong yu oli save talem nem blong olgeta we oli save protektem yumi long saed blong spirit.

• Ol ves ia oli tokbaot ol wol we Ol Man blong Nifae oli bildimap: Alma 48:7–9; 49:1–9; 50:1–6. Afta we yufala i ridim ol ves ia tugeta, ol pikinini blong yu oli save glad blong bildimap smol haos blong ami we oli mekem long sam samting olsem ol jea mo ol blangket. Vidio blong “Elda Stevenson on Fortifying Families” (Gospel Laebri) i save helpem yu blong toktok raon long olsem wanem yu save protektem hom blong yu.

• Ol pikinini blong yu oli save lukluk long ol pikja long aotlaen ia blong talem stori blong Taetol blong fridom (luk long Alma 46:11–16; “Japta 32: Ol Man blong Soram mo Taetol blong Fridom,” Ol Stori long Buk blong Momon, 89–90). ?Wanem nao Moronae i wantem ol pipol blong tingbaot (luk long ves 12)? ?Wanem nao Papa long Heven i wantem yumi blong tingbaot? Maet ol pikinini blong yu bae oli save mekem disaen blong “taetol blong fridom” blong olgetawan wetem ol toktok o ol pikja we bae i helpem olgeta blong tingbaot ol samting ia.

• Blong tijim ol pikinini blong stap “strong long fet long Kraes” olsem Moronae (luk long Alma 48:13), yu helpem olgeta blong faenem mo tajem wan samting we i strong. ?Wanem nao i minim blong fet i stap “strong”? Tugeta, ridim Alma 48:11–12 blong faenemaot wanem nao i mekem Moronae i stap strong long fet long Jisas Kraes. Yufala i save singsing tu tugeta wan singsing olsem “I Will Be Valiant” (Children’s Songbook, 162). ?Wanem nao yumi mekem blong stap “strong long fet long Kraes”?

Tugeta, ridim mo jusumaot ol ves long Alma 47:4–19. ?Wanem nao bae i hapen sapos Amalekaea i bin talem long Lihontae wanem nao hem i bin plan blong mekem stat long stat? ?Wanem nao ol ves ia oli stap tijim yumi abaot wei we Setan i stap traem blong giaman long yumi?