Hilamani 7–12

U Hilamani 7–11 yeyona ndawo ilungileyo yokufunda malunga nento eyenziwa ngabaprofeti. Njengoko ufunda ezi zahluko, nikela ingqalelo kwizenzo zikaNifayi, iingcinga, kunye nokusebenzisana neNkosi. Ubufundisi bukaNifayi bukunceda njani ukuba uqonde indima yabaprofeti? Nantsi imizekelo embalwa: Yintoni enye oyifumanayo?

• Hilamani 7:17–22: AbaProfeti bakhala inguquko kwaye balumkisa ngeziphumo zesono.

• Hilamani 7:29; 9:21–36:

  Yenza Isikhumbuzo

• Hilamani 8:13–23:

  Yenza Isikhumbuzo

• Hilamani 10: 7:

  Yenza Isikhumbuzo

• Hilamani 10:4–7, 11–12

  Yenza Isikhumbuzo

Ngokusekelwe koko ukufundileyo, ungachaza njani ukuba umprofeti uyintoni na nento ayenzayo? Cinga ngokubhala inkcazelo emfutshane. Emva koko jonga into oya kuyongeza kwinkcazelo yakho emva kokufunda ingeniso yo “Mprofeti” kwisiKhokelo kwiZibhalo (Ithala leVangeli).

Ngaba uqaphele ukuba uNifayi wayenenkalipho kangakanani ku Hilamani 07:11–29? Kutheni uziva ukuba abaprofeti ngamanye amaxesha kufuneka bathethe ngenkalipho njengokuba uNifayi wenzayo?   

Ngazo zonke ezi nyaniso engqondweni, cingisisa ngendlela iNkosi ekusikelele ngayo ngolungiselelo lwabaprofeti baYo. Yintoni Yena akufundise yona kutsha nje ngomprofeti wethu ophilayo? Wenza ntoni ukumamela kwaye ulandele ulwalathiso lweNkosi?

Ukuba imiqondiso okanye imimangaliso yayanele ukutshintsha intliziyo yomntu, ngoko onke amaNifayithi ngewayeguqulwe ngemiqondiso ephawulekayo uNifayi wayinikela ku Hilamani 9. Kodwa oko akuzange kwenzeke. Phawula iindlela ezahlukeneyo abantu abasabela ngazo kulo mmangaliso oku Hilamani 9–10. Ngokomzekelo, unokuthelekisa iimpendulo zamadoda amahlanu nabagwebi abaziintloko ku Hilamani 9:1–20 (bona kananjalo Hilamani 9:39–41; 10:12–15). Ufunda ntoni kula mava ngendlela yokulwakha ukholo lwakho kuYesu Krestu?

Bona kananjalo 3 Nifayi 1:22; 2:1–2.

Njengokuba ufunda u Hilamani 10:1–12, qaphela into eyenziwa nguNifayi ukuze azuze ukuthenjwa yiNkosi. Yena wabonisa njani ukuba wayefuna intando yeNkosi kuneyakhe? Amava kaNifayi akukhuthaza ukuba wenze ntoni?

Xa uziva ucinezekile, unexhala, okanye ubhidekile, ungafunda isifundo esibalulekileyo kumzekelo kaNifayi ku Hilamani 10:2–4. Wenza ntoni xa wayeziva “edakumbile”? (umqolo 3).

UMongameli uHenry B. Eyring wacacisa, “Xa sicingisisa, simema isityhilelo ngoMoya (“Serve with the Spirit,” Liahona, EyeNkanga. 2010, 60). Ungawenza njani umkhwa wokucingisisa

Ulukhumbula njani ulwazi olubalulekileyo—njengomhla wokuzalwa kwelungu losapho okanye ulwazi lovavanyo? Oku kufana njani nomgudu ofunekayo “[wo]kukhumbula iNkosi”? (Hilamani 12:5). Yohluke njani?

Hilamani 12 ichaza izinto ezininzi ezenza abantu bayilibale iNkosi. Mhlawumbi ungazidwelisa kwaye ucingisise ukuba ingaba ziyakuphazamisa na kuYe. Yintoni ekuncedayo umkhumbule uYesu Krestu? Yintoni ophenjelelwa ukuba uyenze ngokusekelwe koko ukufundileyo?

Bona kananjalo IMfundiso neMinqophiso 20:77,79.

• Ukuqala incoko ngokukhumbula iNkosi, ungaxelela abantwana bakho malunga nexesha apho wawulibele into ethile. Bavumele babelane ngamava afanayo nawabo. Emva koko ningafunda kunye u Hilamani 7:20–21 kwaye nibuze abantwana benu ukuba bacinga ukuba kuthetha ukuthini ukulibala uThixo. Mhlawumbi abantwana bakho banokuzoba imifanekiso yezinto ezinokusenza siyilibale iNkosi baze basebenzise imizobo yabo ukugubungela umfanekiso kaYesu. Emva koko bangacinga ngezinto abanokuzenza ukuze bamkhumbule Yena. Njengokuba besabelana ngeengcinga zabo, banokususa imizobo nganye nganye de umfanekiso woMsindisi utyhilwe.

• Nceda abantwana bakho baphengulule u Hilamani 8:13–23 ukuze bafumane amagama abaprofeti ababefundisa ngoYesu Krestu. Mhlawumbi banokudlulisa umfanekiso kaYesu ngalo lonke ixesha bewufumana. Yintoni umprofeti wethu ophilayo ayifundise ngoMsindisi?

•    Mhlawumbi wena nabantwana bakho ningakhetha ibinzana eliphambili kwingoma nibhale igama elinye kwibinzana kwiinyawo zephepha ngalinye. Emva koko ungabeka iinyawo zephepha phantsi ezikhokelela kumfanekiso woMsindisi, kwaye abantwana bakho banokulandela iinyawo zephepha ukuya emfanekisweni. Ukulandela umprofeti kusikhokelela njani kuYesu Krestu?

• Ukuze uncede abantwana bakho bakuqonde oko kuthethwa kukucingisisa, ninokufunda kunye “Guquguqula” kwisiKhokelo kwiZibhalo (Ithala leVangeli). Ngawaphi amanye amagama afanayo noku guquguqula? Mhlawumbi ningafunda u Hilamani 10:1–3 kunye kwaye nitshintshe igama elithi guquguqula ngamanye loo magama. Thetha nabantwana bakho ngeendlela zokwenza ukucingisisa ibe yinxalenye yokufunda kwabo izibhalo.

• UNifayi wamthobela uBawo waseZulwini nangona oko kwakuthetha ukwenza into enzima. Ngokomzekelo woku, wena nabantwana bakho ninokufunda u Hilamani 10:2, 11–12. Mhlawumbi abantwana bakho bangalinganisa into eyenziwa nguNifayi—bahambe besiya kwelinye icala legumbi (ngokungathi bayagoduka), beme, bajike, bahambe besiya kwelinye icala legumbi (ngokungathi babuyela ukuya kufundisa abantu). Zeziphi ezinye zezinto uBawo oseZulwini afuna sizenze?