3 ኔፊ 8–11

ከጨለማ እና ከብርሃን ጋር የተያያዙ ጭብጦች በመላው 3 ኔፊ 8–11 ውስጥ ተደጋግመው እንደሚገኙ ልታስተውሉ ትችላላችሁ። ከእነዚህ ምዕራፎች ስለመንፈሳዊ ጨለማ እና ብርሃን ምን ትማራላችሁ? (ለምሳሌ እነዚህን ተመልከቱ 3 ኔፊ 8:19–23፤ 9:18፤ 10:9–13)። ጨለማን ወደ ህይወታችሁ የሚያመጣው ምንደን ነው? ብርሃንን የሚያመጣውስ? አዳኙ እራሱን እንደ “የዓለም ብርሃንና ህይወት” ያስተዋወቀው ለምን ይመስላችኋል? (3 ኔፊ 9:18፤ 11:11)።

በ3 ኔፊ 9–11 ውስጥ የተገለጹት ክስተቶች በመፅሐፈ ሞርሞን ውስጥ እጀግ ቅዱስ ከሆኑት መካከል ናቸው። በዝግታ አንብቧቸው እንዲሁም በጥንቃቄ አሰላስሏቸው። እናንተን ለመርዳት የቀረቡ ጥያቂዎች እነሆ። ወደ እናንተ የሚመጡትን መንፈሳዊ ግንዛቤዎች መመዝገብን ታሳቢ አድርጉ።

• ከነዚህ ሰዎች መካከል ብሆን ኖሮ እንዴት ተሰምቶኝ ይሆን ነበር?

• በእነዚህ ምዕራፎች ውስጥ ስለ አዳኙ ምሳሌ ምን ያስደንቀኛል?

• ኢየሱስ ክርስቶስ አዳኜ እንደሆነ እንዴት አውቃለሁ?

• በህይወቴ ውስጥ ብርሃን የሆነው እንዴት ነው?

በተጨማሪም የሼረን ዩባንክን፣ “Christ: The Light That Shines in Darkness [ክርስቶስ፦በጨለማ የሚያበራው ብርሀን]፣” ሊያሆና፣ ግንቦት 2019 (እ.አ.አ)፣ 73–45ን ይመልከቱ።

ሽማግሌ ኒል ኤል. አንደርሰን “አዳኙ ሃጢያታችንን ይቅር ለማለት እንደሚችል እና ይቅር ለማለት እንደሚጓጓ እመሰክራለሁ” ሲሉ ተናግረዋል (“Repent … That I May Heal You,” ሊያሆና፤ ሕዳር 2009(እ.አ.አ)፣ 40)። ክርስቶስ ይቅር ለማለት እንደሚጓጓ የሚያሳይ ማስረጃን በ3 ኔፊ 9–10 ውስጥ ፈልጉ። በ3 ኔፊ 9:13–22፤ 10:1–6 ውስጥ ፍቅሩ እና ምህረቱ እንዲሰማችሁ የሚረዳቸሁን ታገኛላችሁ? እርሱ “እንደሚሰበስባችሁ” እና “እንደሚመግባችሁ” የተሰማችሁ መቼ ነው? (3 ኔፊ 10፥4 ይመልከቱ)።

አዳኙ ከመምጣቱ በፊት የእንስሳት መስዋዕቶች የኢየሱስ ክርስቶስ መስዋዕት ምልክት ነበሩ። ( ሙሴ 5:5–8 ይመልከቱ)። አዳኙ በ3 ኔፊ 9:20–22 ውስጥ ምን አዲስ ትዕዛዝ ሰጥቷል? ወደ እርሱ እና ወደመስዋዕቱ የሚመራን እንዴት ነው?

የተሰበረ ልብ እና የተዋረደ መንፈስ ማቅረብ ማለት ለእናንተ ምን ማለት ነው? አዳኙ ይህንን መስዋዕት ከእናንተ እንደሚፈልግ የሚሰማችሁ ለምንድን ነው?

እግዚአብሄር እያናገራችሁ እንደሆነ የምታውቁት እንዴት ነው? ምናልባት በ3 ኔፊ 11፥1–8 ውስጥ ያሉት ህዝቦች ተሞክሮዎች የእግዚአብሔርን ድምፅ የመስማት እና የመረዳት አንዳንድ መርሆዎችን እንድትገነዘቡ ሊረዷችሁ ይችላሉ። ሕዝቡ የሰሙትን የእግዚአብሔርን ድምጽ ባህሪያት እና እርሱን የበለጠ ለመረዳት ያደረጉትን ነገር ልታስተውሉ ትችላላችሁ።

ስለእግዚአብሔር ድምጽ ወይም ስለመንፈሱ ተጽዕኖ የሚገልጹ ሌሎች ቅዱሳት መጻህፍትን ለመመርመር ሊረዳም ይችላል። የተወሰኑት ቀርበውላችሁሃል። ምናልባት እነዚህን ካነበባችሁ በኋላ መገለጥን ለማወቅ የሚረዱ አንዳንድ መመሪያዎችን ልትፅፉ ትችላላችሁ፦1 ነገሥት 19:11–12፤ ገላትያ 5:22–23፤ አልማ 32:27–28, 35፤ ሔለማን 10:2–4፤ ኤተር 4:11–12፤ ትምህርት እና ቃል ኪዳኖች 9:7–9፤ 11:11–14።

የእግዚአብሄርን ድምፅ የመስማት እና የመከተል ልምድ ካላቸው ከዘመኑ ነቢያት፣ ሐዋርያት እና ከሌሎች የቤተክርስቲያን መሪዎች ከመስማትም ልትጠቀሙ ትችላላችሁ። ብዙዎቹ ልምዳቸውን በ“እርሱን ስሙት!” የወንጌል ላይብረሪ የቪዲዮ ሥብሥቦች ውስጥ ልምዳቸውን ያካፍላሉ። አንድ ወይም ከአንድ በላይ መመልከትን አስቡ።

የእግዚአብሔርን ድምጽ ይበልጥ በጥራት ስለመስማት እና ስለመለየት የተማራችሁትን እንዴት ተግባራዊ ታደርጋላችሁ?

እንዲሁም ራስክ ኤም ኔልሰን፣ እርሱን ስሙት!ሊያሆና፣ ግንቦት 2020 (እ.አ.አ)፣ 88–92፤ ይመልከቱ። የምወደው ልጄ ይህ ነውየልጆች መዝሙር መፅሀፍ  76 የወንጌል አርዕስቶች የግል መገለጥ

ምስል

ኢየሱስ የችንካሩን ምልክት ለኔፋውያን እያሳየ

ኢየሱስ ክርስቶስ በተገለጠ ጊዜ ወደ 2,500 የሚጠጉ ሰዎች በለጋስ ምድር በሚገኘው ቤተመቅደስ ተሰብስበው ነበር (3 ኔፊ 17:25 ይመልከቱ)። ይህ ብዙ ቁጥር ቢሆንም አዳኙ በእጆቹ እና በእግሮቹ ላይ ያሉትን የችንካሩን ምልክት እንዲዳስሡ እያንዳንዳቸውን “አንድ በአንድ” ጋበዛቸው (3 ኔፊ11:14–15)። በምታነቡበት ጊዜ እዚያ መገኘት ምን አይነት ስሜት ይኖረው እንደሆነ አስቡ። አዳኙ “[እንድትነሱ] እና [ወደ እርሱ እንድትመጡ] እየጋበዛችሁ ያለው በምን መንገዶች ነው? (3 ኔፊ 11:14).

• ልጆቻችሁ በ3 ኔፊ 8-9 ውስጥ የተገለጹትን ልምዶች እንዲያገነዘቡ ለመርዳት የእነዚህን ምዕራፎች የተወሰኑ ክፍሎች በጨለማ ክፍል ውስጥ እንደገና ለመተረክ ወይም ለማዳመጥ ትችላላችሁ። ለሶስት ቀናት በጨለማ ውስጥ መሆን ምን ሊመስል ይችል እንደነበር ተወያዩ። ከዚያም ኢየሱስ ክርስቶስ ራሱን ለምን የዓለም ብርሃን ብሎ እንደጠራ ተነጋገሩ (3 ኔፊ 9:18 ን ይመልከቱ)። ኢየሱስ ብርሃናችን ይሆን ዘንድ ሕዝቡን እና እኛን ምን እንድናደርግ ጋብዟል? (3 ኔፊ 9:20–22)።

• ዶሮ ጫጩቶቿን የምትሰበስብበት ዓይነ ህሊናዊ ምስል ልጆች የአዳኙን ባህርይ እና ተልዕኮ እንዲገነዘቡ ለመርዳት የሚችል ኃይለኛ የማስተማሪያ መሳሪያ ሊሆን ይችላል። ቤተሰባችሁ የዶሮ እና የጫጩቶችን ሥዕል እየተመለከተ እያለ እናንተ 3 ኔፊ 10:4–6 ልታነቡ ትችላላችሁ። ዶሮ ጫጩቶቿን መሰብሰብ የሚያስፈልጋት ለምንድን ነው? አዳኙ ወደ እርሱ ሊሰበስበን የሚፈልገው ለምንድን ነው? ጥበቃ ለማግኘት ወደ እርሱ መምጣት የምንችለው እንዴት ነው?

• 3 ኔፊ11:1–15ን በጋራ ስታነቡ ልጆቻችሁ መንፈሱ እንዲሰማቸው የምትረዷቸው እንዴት ነው? ምናልባት የእግዚአብሄር ፍቅር እንዲሰማቸው የረዳቸውን አንድ ነገር በእነዚህ ጥቅሶች ውስጥ ሲያገኙ እንዲነግሯችሁ ልትጠይቋቸው ትችላላችሁ። በዚህ መዘርዝር ውስጥ ባሉት ሥዕሎች ወይም “Jesus Christ Appears at the Temple” (የወንጌል ላይብረሪ).በሚለው ቪዲዮም እንዲሁ ልታደርጉ ትችላላችሁ። ስለነዚህ ክስተቶች ስታነቡ እና ስታሰላስሉ እንዴት እንደሚሰማችሁ ለልጆቻችሁ ንገሯቸው። እነርሱም ሥሜቶቻቸውን እንዲያካፍሉ ፍቀዱላቸው።

  

• ምናልባት ከእነዚህ ጥቅሶች የተወሰኑትን በለስላሳ “በአነስተኛ ድምፅ” ልታነቡ ትችላላችሁ፡፡(3 ኔፊ 11:3). ወይም እንደ“ This Is My Beloved Son፣” ያለ መዝሙር ቅጂን ለመስማት በሚያስቸግር አነስተኛ ድምፅ ልታጫውቱ ትችላላችሁ (የልጆች መዝሙር መጽሃፍ፣76)። ከሰማይ የሚመጣውን ድምጽ ለመረዳት ህዝቡ ምን ማድረግ ነበረባቸው? ቁጥር 5-7 ይመልከቱ)። ከእነርሱ ተሞክሮ ምን እንማራለን?

• እናንተ 3 ኔፊ 11:21–26ን ስታነቡ፣ ልጆቻችሁ ጥምቀት የሚለውን ቃል በሰሙ ቁጥር እንዲቆሙ መጋበዝ ትችላላችሁ። ኢየሱስ ስለጥምቀት ምን አስተምሯል? ልጆቻችሁ ከዚህ በፊት የጥምቀት ሥርዓት አይተው የሚያውቁ ከሆነ ያዩትን እንዲገልፁ ጠይቋቸው። ኢየሱስ እንድንጠመቅ የሚፈልገው ለምንድን ነው?