Ita 6–11

Bae yu save faenem sam niu tingting sapos yu komperem travel blong Ol laen blong Jared we i go krosem bigfala solwota, wetem travel blong yu i go tru long laef long wol ia. Eksampol: ?Wanem nao Lod i givim we i stap saenem rod blong yu, semmak olsem ol waet ston insaed long ol sip blong Ol laen blong Jared? ?Wanem nao ol sip ia oli ripresentem, o wanem nao ol win we oli “blo i go long graon blong promes” oli ripresentem? (Ita 6:8). ?Wanem nao yu lanem long ol aksen blong Ol laen blong Jared bifo, long taem blong travel, mo afta long travel ia? ?Olsem wanem nao Lod i stap lidim yu i go from graon ia blong promes blong yu?

Pikja

Wan famli blong Ol laen blong Jared insaed long sip blong olgeta.

I nomata se fasin blong gat hae tingting mo fasin nogud i stap win insaed long histri blong Ol laen blong Jared, i gat tu ol eksampol blong fasin blong gat tingting i stap daon insaed long ol japta ia—speseli long Ita 6:5–18, 30; 9:28–35; mo 10:1–2. Sapos yu tingting hevi long olgeta kwestin ia, bae i save helpem yu blong lanem samting aot long ol eksampol ia: ?From wanem Ol laen blong Jared oli bin putum tingting blong olgeta i stap daon long ol situesen ia? ?Olsem wanem oli bin soem fasin blong gat tingting stap daon? ?Olsem wanem nao God i blesem olgeta olsem wan risal blong hemia? Tingting long wanem nao yu save mekem blong yu “wokbaot wetem tingting we i no hae long fored blong Lod” (Ita 6:17folem tingting blong yu nomo, be i no blong oli fosem yu blong yu putum tingting i stap daon (luk long Mosaea 4:11–12, Alma 32:14–18)

Luk tu long Dale G. Renlund, “Mekem Stret mo Gud Fasin, Lavem Ol Man Tumas, mo Wokbaot wetem God wetem Tingting I Stap Daon,” Liahona, Novemba 2020, 109–12.

Ol japta 7–11: blong buk blong Ita, oli kavremap 28 jeneresen. Nomata we i no gat tumas ditel we oli save givim long wan smol spes olsem, i gat wan paten we i kamkamaot kwik olsem risal blong stret mo gud lidasip mo nogud lidasip. ?Wanem nao yu lanem abaot lidasip long ol eksampol ia—ol gud wan mo rabis wan—blong ol king we i stap andanit ia?

• Oraeha—Ita 6:30; 7:1

• Sul—Ita 7:23–27

• Jared—Ita 8:1–7, 11–15

• Ima mo Koriantuma—Ita 9:21–23

• Het—Ita 9:26–30

• Ses—Ita 10:1–2

• Riplakis—Ita 10:5–8

• Morianton—Ita 10:9–11

• Lib—Ita 10:19–28

• Itam—Ita 11:11–13

• Jisas Kraes—Matiu 18:1–4; 20:20–28; 23:11

Dieter F. Uchtdorf, i givim kaonsel we i save help abaot lidasip long mesej blong hem “Olgeta we Oli Moa Hae long Medel blong Yufala(Liahona, May 2017, 78–81). Tingting blong stadi long mesej ia–speseli ol stori we hem i talem—lukaotem ol prinsipol o paten blong fasin blong lidasip blong Kraes. ?Wetaem yu bin luk ol prinsipol o ol paten ia we i pipol i soemaot huia nao i lidim olgeta.

Taem yu stap mekem hemia, tingting long sam janis we maet yu gat blong save lidim o lidim tingting blong ol narawan insaed long hom blong yu, komuniti blong yu, Jos koling blong yu, mo ol narawan moa. ?Olsem wanem nao yumi save developem olgeta kwaliti olsem hemia blong lidasip blong Fasin blong Kraes, iven sapos yumi no holem wan lidasip wok?

Luk tu long Gospel Topics, “Serving in Church Callings,” Gospel Library; “Principles of Leadership in the Church,” General Handbook: Serving in The Church of Jesus Christ of Latter-day Saints, 4.2 (ChurchofJesusChrist.org).

Taem we i gat pipol we oli agri blong kipim ol rabis sikret plan blong olgeta, bae oli stap insaed long wan sikret grup. Antap long ol sikret grup we oli tokbaot long Ita 8:7–18, ol narafala eksampol oli save faenem olgeta insaed long Hileman 1:9–12; 2:2–11; 6:16–30; Moses 5:29–33. Tingting blong komperem ol ves ia wetem 2Nephi 26:22–24, hemia we Nifae i tokbaot olsem wanem Lod i mekem wok blong Hem. ?From wanem yu ting se oli givim komanmen long Moronae blong raetem wanem hem i bin mekem abaot ol rabis sikret?

?Wanem yumi lanem aot long buk blong Ita we i save helpem yumi blong kasem olgeta blesing we oli tokbaot long Ita 8:26?

• Evriwan i gat ol dei we oli had—iven ol smolsmol pikinini Maet yu wantem blong helpem ol pikinini blong oli faenem ol toktok mo ol sentens long Ita 6:1–12 we i soem se Ol laen blong Jared oli bin trastem God. Tingting blong serem long wanwan long yumi ol eksperiens we i bin helpem yu long ol taem we oli bin had insaed long laef blong yu.

• Afta we oli kasem graon blong promes mo oli bin sef long ples ia, Ol laen blong Jared oli bin gat bigfala hat blong talem tangkyu, mekem se “wota blong ae blong olgeta i bin ron from glad” (Ita 6:12 Maet yu wantem givim insperesen long pikinini blong yu blong glad long ol blesing taem yu helpem olgeta faenem ol toktok long Ita 6:9, 12 we i soem Ol laen blong Jared i talem tangkyu long God. Maet oli glad blong singsing olsem Ol laen blong Jared i singsing blong talem tangkyu “My Heavenly Father Loves Me” (Children’s Songbook, 195). Askem ol pikinini blong yu blong talem nem blong sam samting we oli talem tangkyu from.

• Askem ol pikinini blong oli ridim Ita 6:30; 7:27; mo 10:2 wanwan mo long ol smol grup mo faenem wan samting we ol ves ia oli gat we oli semmak. ?Olsem wanem nao bae i jenisim wei we oli lidim ol pipol blong olgeta? Afta long hemia, yufala i save singsing wan hym we i save mekem famli blong yu i tingbaot wanem we God i bin mekem blong yufala. Eksampol, maet oli wantem raet o droem ol pikja. Maet yu wantem i kam wan evri dei fasin blong raetemdaon ol blesing we oli luksave se kam long God (luk long “O Remember, Remember” [video], Gospel Library).

  

• Maet yu mo pikinini blong yu i laekem blong aktemaot sam samting we ol profet i tijim yumi blong mekem. Yu save jenisim i go long wan gem we i traem blong kes se i wanem aksen. Hemia i save rere long ol pikinini blong yu blong tokbaot olsem wanem i impoten blong folem profet blong God. Yu save rid long Ita 7:24–27 blong faenemaot wanem i hapen taem ol pipol oli obei. ?Olsem wanem nao yumi kasem blesing taem yumi stap folem profet blong tedei?

• Lukaotem paten we i gud blong skripja stadi. Lukaotem ol paten we i gud wei blong wan gudfala skripja stadi. Blong helpem ol pikinini blong yu faenem paten ia, invaetem olgeta blong ridim Ita 9:28–35 mo Ita 11:5–8, lukaotem samting we semmak long tufala stori ia? ?Wanem nao yumi lanem long ol stori ia? Maet oli save lukaotem ol pikja long Gospel Art Book blong ol narafala pipol long ol skripja we oli sakem sin mo kasem fogivnes.