Hem i tru se ol wei blong God oli hae moa bitim hemia blong yumi, mo yumi mas, oltaem, putum tingting blong yumi blong i folem hemia blong Hem; Hem i stap leftemap tingting blong yumi blong tingting mo mekem samting blong yumiwan. Hemia i wan lesen we Jared mo brata blong hem, tufala i bin lanem. Eksampol, aedia ia blong travel i go long wan niu graon we i “moa gud bitim evri graon long wol,” i stat blong kam long maen blong Jared, mo Lod i bin “gat lav mo sore” long hem, mo i promesem blong givim wanem hem i wantem, mo talem, “Mo olsem ia nao, bae mi mekem long yu from longfala taem ia we yu bin prea long mi” (luk long Ita 1:38-43 Mo taem brata blong Jared i nidim laet insaed long ol baj ia we bae i tekem olgeta long promes graon ia, Lod i askem wan kwestin we yumi, nao, yumi stap askem Hemoltaem: “?Wanem nao yu wantem se mi mas mekem?” Ita 2:23 Hem i wantem blong harem ol tingting mo aedia blong yumi wetem Hem, mo bae Hem i lisin, mo bae i givim konfemesen blong Hem, sapos no, bae Hem i givim advaes long yumi. Samtaem, wan samting ia nomo we i seperetem yumi long ol blesing we yumi lukaotem i “vel ia blong no gat bilif,” mo sapos yumi save “teremaot vel ia” (Ita 4:15), bae yumi sapraes long wanem Lod i wantem mekem blong yumi.
Luk tu long “Jesus Christ Has Compassion and Heals the People” (vidio), Gospel Laebri.
Taem bae mi stap prea long Lod, bae Hem i gat lav mo sore long mi.
Ita 1:33–43 i tokbaot trifala prea blong brata blong Jared. ?Wanem nao yu lanem aot long ansa blong Lod long wanwan long olgeta prea ia? Tingting long wan taem we yu bin gat eksperiens long lav mo sore blong Lod taem yu bin stap prea long Hem long prea. Maet bae yu wantem blong raetemdaon eksperiens ia mo serem wetem wan we i nidim blong harem testemoni blong yu.
Mi save kasem revelesen long saed blong laef blong mi.
Presiden Russel M. Nelson i talem: “Mi plis long yufala blong kam antap long paoa blong yufala long saed blong spirit blong kasem revelesen. … Jusum blong mekem wok long saed blong spirit we bae i mekem yu gat presen we i Tabu Spirit mo harem voes blong Spirit plante taem moa, mo moa klia.” (“Revelesen blong Jos, Revelesen blong Laef blong Yumi,” Liahona,Mei 2018, 93).
Taem yu stap stadi long Ita 2; 3:1–6; 4:7–15, wanem nao yu lanem abaot “tabu wok ia” we Presiden Nelson i tokbaot? Long wan kala, yu save makem ol kwestin o ol wari blong brata blong Jared mo wanem hem i mekem abaot olgeta samting ia, mo long wan nara kala, yu save makem olsem wanem Lod i bin helpem hem mo i talemaot tingting blong Hem.
Hemia samfala kwestin we yu save tingting hevi long hem taem yu stap stadi:
?Wanem nao i tajem yu abaot wei we Lod i ansarem ol kwestin blong brata blong Jared Ita 2:18–25?
?Hao nao bae yu yusum Ita 3:1–5 blong helpem wan we i stap lanem hao blong prea?
Wanem nao bae i stopem yu blong kasem revelesen long Lod? (luk long Ita 4:8–10). ?Olsem wanem nao bae yu kasem revelesen long Hem plante taem? (luk long Ita 4:7, 11–15).
?Hem i minim wanem blong “teremaot vel ia blong no gat bilif” insaed long laef blong yumi? (Ita 4:15
Wanem bakegen yu bin lanem long brata blong Jared abaot revelesen blong yuwan?
Luk tu long Dale G. Renlund we i tijim abaot, “Wan Plan blong Folem blong Kasem Revelesen blong Yuwan” (Liahona, Nov 2022, 16–19). Tingting blong droem wan pikja plan mo raetemdaon fo stamba samting blong plan ia long wanwan saed blong pepa. ?Olsem wanem nao plan ia i save helpem yu save mekem se yu “gat moa paoa blong kasem revelesen we i blong yuwan”?
Luk tu long Gospel Topik, “Personal Revelation,” Gospel Laebri.
Tru long fasin blong Hem blong stap stretem yumi, Lod i stap invaetem yumi blong sakem sin mo blong kam long Hem.
Iven wan profet we i bigfala, olsem brata blong Jared, Lod i bin tok long Hem blong stretem Hem. ?Wanem nao yu lanem long Ita 2:14–15 abaot hao Lod i stretem man? Yu save toktok raon tu long wei we Lod i stap stretem man mo wei we brata blong Jared i akseptem, we maet i helpem hem from eksperiens we hem i bin gat, we i stap long Ita 3:1–20
Lod bae i mekem mi mi rere blong krosem “bigfala dip solwota” blong mi.
Samtaem, blong krosem “bigfala dip solwota” blong yumiwan, i wan wei ia nomo blong mekem wanem we God i wantem aot long yumi. ?Yu yu luk eni samting we i semmak long laef blong yu we i stap long Ita 2:16–25? ?Olsem wanem nao Lod i mekem yu yu rere from ol jalenj blong yu? ?Wanem nao Hem i stap askem yu blong mekem naoia blong yu rere from samting we Hem i nidim yu blong mekem long fiuja?
Praktisim wanem yu bin lanem. Gospel stadi i mas givim yumi insperesen blong jenisim laef. Afta we yu ridim Ita 4:11–12, maet yu wantem raetemdaon sam long ol samting long laef blong yu mo tingting se ol samting ia i lidim yu blong mekem gud. ?Wanem jenis nao yumi filim blong mekem?
Ol trifala witnes oli testifae se Buk blong Momon i tru.
Taem yu stap ridim profesi blong Moronae long Ita 5, tingting hevi long stamba tingting blong Lod blong i rere long plante witnes blong Buk blong Momon. ?Huia ol witnes ia we i givim yu insperesen blong biliv se Buk blong Momon i toktok blong God. ?Olsem wanem nao Buk blong Momon i soem long yu “paoa blong God mo tok blong Hem? (Ita 5:4).
Papa long Heven i harem mo ansarem ol prea blong mi.
Sapos yu save wan nara lanwis we pikinini blong yu no save, givim daereksen long olgeta long lanwis ia, ( o plei wan rekoding blong wan nara lanwis). Yu save yusum hemia blong eksplenem from wanem brata blong Jared i prea from help long Ita 1:33–37. Tokbaot olsem wanem Lod i filim abaot prea ia mo hao Hem i ansa long hem (luk long also “Chapter 50: The Jaredites Leave Babel,” Book of Momon Stories, 143–44).
Ol pikinini blong yu save priten se oli stap bildim wan bigfala baj o sip, olsem we oli talem long Ita 2:16–17 Afta yu mo ol pikinini blong yu save rid abaot ol problem we ol Man blong Jared oli fesem wetem ol baj blong olgeta (luk long Ita 2:19) mo ol defren wei we Lod i ansarem ol prea blong brata blong Jared (luk long Ita 2:19–25; 3:1–6). Pikja mo aktiviti pej long en blong lesenbuk ia i save helpem yu mo ol pikinini blong yu talem stori ia. ?Wanem nao yumi lanem aot long brata blong Jared abaot prea? Serem wan eksperiens blong wan taem we yu bin prea blong kasem help, mo Lod i bin helpem yu.
Taem ol pikinini blong yu stap gro i kam, bae oli fesem plante giaman mesej blong God, olgetawan, mo bodi blong mit mo bun blong olgeta. Maet yu wantem askem olgeta blong helpem yu faenem ol trutok ia abaot ol topik ia long Ita 3:6–16. Blong talemaot trutok we oli tijim long Ita 3:13, 15, yu save lukluk long wan pikja blong Sevya tugeta mo invaetem pikinini blong yu blong poenem sam pat blong bodi blong Sevya. Oli save poenem tu sem pat blong bodi blong olgeta. Singsing tugeta wan singsing we i go wetem topik ia “The Lord Gave Me a TempleChildren’s Songbook153). Yu mo pikinini blong yu save tokabaot from wanem yu glad from ol bodi blong yufala.
Pikja
ol pikinini oli ronron long wan fil
Man, oli bin krietem i folem fasin mo bodi blong God.
Olgeta Tri Witnes oli testifae abaot Buk blong Momon.
Moronae i bin profesae se bae Olgeta Tri Witnes bae oli help blong stanemap trutok abaot Buk blong Momon,. Blong tijim wanem i wan witnes, yu save askem pikinini blong yu blong tokbaot wan samting we oli bin luk o eksperiensem ol samting we ol narawan i no eksperiensem. Taem yu stap rid long Ita 5 tugeta yu save tokbaot from wanem God i yusum ol witnes long wok blong Hem. Yu save serem wetem wanwan long olgeta olsem wanem yu save se Buk blong Momon i tru mo hao yu save serem witnes blong yu wetem ol narawan.
Blong kasem moa aedia, luk long magasin blong Fren long manis ia.
Pikja
Jisas i tajem sikstin ston taem brata blong Jared i bin stap
?Yu Bin Luk Moa Bitim Hemia?, i kam long Marcus Alan Vincent