សេចក្ដីណែនាំស្ដីពីចំណេះចំណានខាងគោលលទ្ធិឯកសារគោលនៃចំណេះចំណានខាងគោលលទ្ធិ( ឆ្នាំ២០១៨ )
សេចក្តីណែនាំស្ដីពីចំណេះចំណានខាងគោលលទ្ធិ
នៅក្នុងព្រះគម្ពីរមរមន ព្យាការីហេលេមិនបានបង្រៀនកូនប្រុសរបស់លោកថា « គឺនៅលើសិលានៃព្រះដ៏ប្រោសលោះនៃយើងគឺព្រះគ្រីស្ទជាព្រះរាជបុត្រានៃព្រះ ដែលកូនត្រូវសង់គ្រឹះរបស់កូន » ( ហេលេមិន ៥:១២ ) ។ ការសង់គ្រឹះមួយនៅលើព្រះយេស៊ូវគ្រីស្ទ—ដែលរួម មានទាំងការយល់ ការជឿ និងការរស់នៅស្របតាមគោលលទ្ធិរបស់ទ្រង់—នឹងធ្វើឲ្យការផ្លាស់ប្រែចិត្ត ជឿ និង ការតាំងចិត្តរបស់យើងក្នុងនាមជាពួក សិស្សរបស់ទ្រង់កាន់តែស៊ីជម្រៅរឹងមាំ ដើម្បីការពារយើងពីឥទ្ធិពលរបស់មារសត្រូវ ហើយជួយយើងឲ្យប្រទានពរដល់ជីវិតអ្នកដទៃទៀត ។
វិធីមួយដែលយើងសម្រេចកិច្ចការនេះ គឺតាមរយៈការសិក្សាបទគម្ពីរតាមលំដាប់លំដោយជាមួយគ្នានៅក្នុងថ្នាក់ ។ របៀបមួយទៀតដែលយើងសង់គ្រឹះរបស់យើងលើព្រះយេស៊ូវគ្រីស្ទ និងគោលលទ្ធិរបស់ទ្រង់ គឺតាមរយៈកិច្ចខិតខំមួយ ដែលហៅថាចំណេះចំណានខាងគោលលទ្ធិ ។
ចំណេះចំណានខាងគោលលទ្ធិផ្ដោតទៅលើលទ្ធផលចំនួនពីរ ៖
-
ការរៀនសូត្រ និងការអនុវត្តគោលលទ្ធិដ៏ទេវភាពដើម្បីទទួលបានចំណេះដឹងខាងវិញ្ញាណ
ព្រះវរបិតាសួគ៌បានបើកសម្ដែងគោលការណ៍ទាំងឡាយដើម្បីទទួលបានចំណេះដឹងខាងវិញ្ញាណ ។ គោលការណ៍ទាំងនេះរួមមានទាំងការធ្វើសកម្មភាពដោយសេចក្ដីជំនឿ ការពិនិត្យមើលគោលគំនិត និងសំណួរទាំងឡាយជាមួយនឹងទស្សនវិស័យដ៏អស់កល្បមួយ ហើយនឹងការស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព ។ យើងចេះចំណេះចំណានខាងគោលលទ្ធិកាន់តែខ្លាំង នៅពេលយើងអនុវត្តគោលការណ៍ទាំងនេះទាំងនៅ ក្នុងថ្នាក់រៀន និងក្រៅថ្នាក់រៀន ហើយស្វែងរកចម្លើយចំពោះសំណួរខាងគោលលទ្ធិ និងសំណួរខាងប្រវត្តិសាស្ត្រនានាតាមរបៀបមួយដែលយាងអញ្ជើញព្រះវិញ្ញាណបរិសុទ្ធឲ្យជួយពង្រឹងសេចក្ដីជំនឿរបស់យើងទៅលើព្រះយេស៊ូវគ្រីស្ទ និងគោលលទ្ធិរបស់ទ្រង់ ។
-
ការចេះស្ទាត់នូវគោលលទ្ធិនៃដំណឹងល្អនៃព្រះយេស៊ូវគ្រីស្ទ និងវគ្គបទគម្ពីរទាំងឡាយដែលបង្រៀនអំពីគោលលទ្ធិ
លទ្ធផលនៃចំណេះចំណានខាងគោលលទ្ធិនេះ នឹងត្រូវបានសម្រេចតាមរយៈ ៖
-
ការអភិវឌ្ឍការយល់ដឹងកាន់តែស៊ីជម្រៅមួយអំពីប្រធានបទនីមួយៗក្នុងចំណោមប្រធានបទ នៃ គោលលទ្ធិទាំងប្រាំបួន ដូចខាងក្រោមនេះ ៖
-
ក្រុមព្រះ
-
ផែនការនៃសេចក្តីសង្គ្រោះ
-
ដង្វាយធួនរបស់ព្រះយេស៊ូវគ្រីស្ទ
-
ការស្ដារឡើងវិញ
-
ព្យាការី និង វិវរណៈ
-
បព្វជិតភាព និង កូនសោនៃបព្វជិតភាព
-
ពិធីបរិសុទ្ធ និង សេចក្តីសញ្ញា
-
អាពាហ៍ពិពាហ៍ និង គ្រួសារ
-
ព្រះបញ្ញត្តិ
-
-
ការយល់ដឹងសេចក្ដីថ្លែងសំខាន់ៗស្ដីពីគោលលទ្ធិដែលបានស្គាល់នៅក្នុងវគ្គ« ការទទួលបានចំណេះដឹងខាងវិញ្ញាណ »នៃឯកសារនេះ និងនៅក្នុងប្រធានបទនីមួយៗក្នុងចំណោមប្រធានបទនៃគោលលទ្ធិទាំងប្រាំបួន ។
-
ដឹងពីរបៀបដែលសេចក្ដីថ្លែងការណ៍សំខាន់ៗអំពីគោលលទ្ធិត្រូវបានបង្រៀន នៅក្នុងវគ្គបទគម្ពីរចំណេះចំណានខាងគោលលទ្ធិ ហើយអាចចងចាំ និងរកវគ្គគម្ពីរទាំងនោះឃើញ ។
-
ពន្យល់សេចក្ដីថ្លែងការណ៍សំខាន់ៗអំពីគោលលទ្ធិនីមួយៗច្បាស់លាស់ ដោយប្រើវគ្គបទគម្ពីរចំណេះចំណានខាងគោលលទ្ធិដែលជាប់ទាក់ទង ។
-
ការអនុវត្តគោលលទ្ធិនៃ ដំណឹងល្អរបស់ព្រះយេស៊ូវគ្រីស្ទនៅក្នុងការជ្រើសរើសប្រចាំថ្ងៃរបស់យើង និងនៅក្នុងការឆ្លើយតបចំពោះសំណួរ និងបញ្ហាខាងគោលលទ្ធិ ខាងសង្គម និងខាងប្រវត្តិសាស្ត្រនានា ។
-