Kabanata 6
Sina Joseph at Oliver ay Binigyan ng Pagkasaserdote
(Mayo 1829)
Nagpasiyang tanungin nina Joseph at Oliver ang Diyos. Mayroon silang pananampalataya na tutulungan sila ng Diyos na malaman ang katotohanan. Noong ika-15 ng Mayo 1829, pumunta sila sa kakahuyan at nanalangin.
Isang anghel ang bumisita kina Joseph at Oliver. Isang matinding liwanag ang nakapalibot sa anghel. Ang anghel ay si Juan Bautista. Bininyagan niya si Jesus matagal nang panahon ang nakaraan.
Dumalaw si Juan Bautista upang ibigay ang pagkasaserdote kina Joseph at Oliver. Ang pagkasaserdote ay ang kapangyarihan ng Diyos. Binigyan niya sina Joseph at Oliver ng Pagkasaserdoteng Aaron. Ang mga saserdote sa Pagkasaserdoteng Aaron ay may kapangyarihang magbinyag ng mga tao.
Sinabi ni Juan Bautista kay Joseph at Oliver na binyagan ang isa’t isa. Bininyagan ni Joseph si Oliver. Pagkatapos ay bininyagan ni Oliver si Joseph. Sila ay inilubog sa tubig nang bininyagan.
Matagal nang panahon ang nakaraan nang binyagan ni Juan Bautista si Jesus sa ganito ring paraan. Si Jesus ay inilubog sa tubig nang siya ay bininyagan.
Sina Joseph at Oliver ay napuspos ng Espiritu Santo matapos silang mabinyagan. Ang Espiritu Santo ang siyang nagsabi sa kanila na malapit nang ibalik muli ang Simbahan ni Jesucristo.
Sinabi nina Joseph at Oliver sa kanilang mabubuting kaibigan na sila ay nabinyagan na. Sinabi nila sa kanila ang tungkol sa pagkasaserdote. Subalit hindi sinabihan nina Joseph at Oliver ang ibang tao. Alam nila na ang masasamang tao ay hindi maniniwala sa kanila. Ang masasamang tao ay gagawa ng gulo para sa kanila.
Pagkalipas ng ilang araw, tatlo pang anghel ang dumating. Sila ay sina Pedro, Santiago, at Juan. Sila ay mga apostol ni Jesus noong matagal nang panahon ang nakararaan. Binigyan nina Pedro, Santiago, at Juan sina Joseph Smith at Oliver Cowdery ng Pagkasaserdoteng Melquisedec.
Ang pagkasaserdote ng Diyos ay nasa lupa nang muli. Ngayon ang mabubuting kalalakihan ay maaari nang magkaroon ng kapangyarihan ng pagkasaserdote. Ang kalalakihang may Pagkasaserdoteng Melquisedec ay maaaring maging pinuno ng Simbahan. Maaari nilang basbasan ang mga tao. Maaari nilang bigyan ang mga tao ng kaloob na Espiritu Santo.