Pagkaplag og hingpit nga kalipay diha ni Kristo

Importante ang mga pagpili. Ang mga pagpili nga gibase sa mga pagtulon-an sa ebanghelyo mao ang mga lakang nga modala kaninyo nga mas maduol ngadto sa inyong Langitnong Amahan ug ni Jesukristo. Miingon si Jesus, “Gisultihan ko kamo niini, … aron mahingpit ang inyong kalipay” (Juan 15:11). Sa matag lakang padulong ngadto Kaniya, inyong mabati nga mas duol ngadto sa Espiritu ug ang inyong relasyon sa pakigsaad uban sa Dios mahimong mas lig-on.

Apan wala kana magpasabot nga ang dalan mahimong gawasnon sa problema. Ug gumikan kay walay usa ka tawo nga nakalakaw og usa ka hingpit nga tul-id nga linya, susiha kanunay ang inyong direksiyon ug tahora ang mga sugo sa Dios. Tumana ang inyong mga pakigsaad uban sa Dios, ug pangandam sa paghimo og dugang pa. Ang mga pakigsaad mokonektar kaninyo ngadto sa Langitnong Amahan ug sa Maluluwas. Kini mopadako sa gahom sa Dios diha sa inyong kinabuhi ug moandam kaninyo sa pagdawat sa kinabuhing dayon.

Sa tanang posible nga mga pagpili, ang usa nga importante kaayo mao ang pagpili sa pagsunod ni Jesukristo. Siya mao ang kalig-on sa kabatan-onan. Ang Iyang ebanghelyo mao ang malipayong dalan balik ngadto sa inyong Langitnong Amahan.