Fwackohloh Sramsram in Ikucslah

Leum El luti, “Lwelah mwet nuhkewa in luti kunohkohn lal, ac in orekma fal nuhke kunohkohn ituckyang nuh sel, ke lahlmwet nuhkewa” (Doctrine and Covenants 107:99). In ekihn mwet kol se luhn Alu luhn Jisus Kraist luhn Mwet Luhlahlfongi Lal ke Lwen-sahflah, kom enenuh in suk fwacyuck lom sifacna in kahsre kom in etaclah ac kanwelah kunohnohkohn ma pahng kom nuh kac.

Lutlutkihn ma suhmuhslah ac mwe luti luhn mwet pahluh moul kuh in kasrekom kahlwem ac kanwelah kunohkohn lom. Ke kom lutlutkihn kahs luhn God, e fihsracsr nuh sum in eis fwackyuck tuhkuh yurin Nguhn (liye Doctrine and Covenants 84:85).

Kom oacyacpac lotwelah kunohkohn lom ke kom lutlut ke ma ahkuhtweyucki ke handbook se inge. Ma ahkuhtweyucki inge kuh in pwacnma fwackyuck fin elos orekmakihnyuck in sang kahlwem ke akwuck, masap, ac atac ma orekmakihnyuck ke pacl se kom suk kolyuck luhn Nguhn.

General Handbook: Kuhlwacnsap ke Alu luhn Jisus Kraist luhn Mwet Luhlahlfongi Lal ke Lwen-sahflah sang kolyuck nuh sin mwet kol sahyac ac fin acn selos ke Alu uh.

Sifac ac ip srihsrihk ke sifac ke handbook se inge nacmpuh iyucki in muh fihsracsr in sukokyak sifac kuh fuhs. Fin pa nuhke, ahkuhtweyacn mwet ma siliyucki tempuhl uh kuh in sukokyak ke 27.3.1. Nacmpuh inge 27 orekmakihnyuck nuhke sapta se, nacmpuh 3 orekmakihnyuck nuh ke ip se ke sapta sacn, ac nacmpuh inge 1 orekmakihnyuck nuh ke ip srihsrihk ye ip sacn.

Tiac oacna sie enenuh luhn stek ac ward nuhkewa.

Mwet kol uh moklweyuck in suk ohiyac in kol ac mwe kahsruh sahyac in orekmakihn in faltuhngweyac enenuh luhn mempucrs.

Ke kihsensiyuck uh tohuyak ac tiacna fwack ke ma suhmuhslah, kahs luhn mwet pahluh misenge, kuh handbook se inge, mempucrs ke Alu uh kuh in luhlahlfongi ke olwelah lalos sin God, kahs in kahsruh luhn mwet kol ke acn selos, ac kahsruh luhn Nguhn in kohlohlos.

Fin oasr kihsensiyuck luhn mwet kol ke koanon handbook se inge kuh ke elyah ma tena sihmihsyucklac, elos silahklahk suk kahsruh sin mwet kohlohlohlos fin acn selos.

Sahyacn na acn se ma fwackyuck kac inge:

• Kahs inge pisap ac pisaprik ke handbook se inge luhmweyuck pac nuh ke prestuhn luhn pracns ac prestuhnsi ke pracns. Kahs inge presetuhn luhn stek ac prestuhnsi ke stek luhmweyuck pac nuh ke prestuhn luhn tistrik ac prestuhnsi ke tistrik. In ahkfototoyelah ma tiac oacna sie ke wal luhn prestuhn luhn tistrik nuh ke prestuhn luhn stek, liye 6.3.

• Kahsruh nuh ke ward ac stek som pac nuh ke pracns, tistrik, ac misin.

• Kahsruh nuh ke Sacnri orekmakihnyuck nuh ke oacna sie pacl lwen Sabbath el puhtatyang nuh kac.

• Kahs se inge unit luhmweyuck nuh ke ward ac pracns.

• Kahsruh nuh ke pahpah ninac kuh pac in pa mwet in karihngihn.

Kunohkohn luhn pisap ac prestuhn luhn pracns tiacna oacna sie wal ac orekma lalos, oacpacna nuh ke kunohkohn luhn prestuhn luhn stek ac prestuhn luhn tistrik. Pisap el ohfuhs se ke pristut, akwuck se inge akwucki muhkwena sin Prestuhnsi Se Met. Prestuhn luhn Stek elos pahng sin General Authority ac Mwet Itngucul ke Eria.

Kuhtuh sapta ke handbook se inge nwacnwack ahkuhtweyacn atac se in sruokyac ohfuhs luhlahp luhn Alu uh kuh ohfuhs luhn eria. Ahkuhteyacn sruokyac ohfuhs luhlahp luhn Alu uh kuh in orekmakihnyuck sin mwet muhta Macrike ac Canada. Ahkuhteyacn sruokyac ohfuhs luhn eria kuh in orekmakihnyuck sin mwet muhta sahyac acn Macrike ac Canada.