Orekmakihn Ma Sulweyucklac ke General Handbook

Ma Sulweyucklac ke General Handbook el ma orekeni ke mwe luti yohk srihpac ke puk na fohn se General Handbook: Kuhlwacnsap ke Alu luhn Jisus Kraist luhn Mwet Luhlahlfongi Lal ke Lwen-sahflah. Ma nuh sin mwet kol ma:

• Ma wacngihn inkacnek in sroacng orekmakihn handbook na fohn se inge ke kahs lalos sifacna.

• Kuh in eis woiyac ke ma luhngasyucklac ke General Handbook.

Sapta, ip srihsrihk, ac ip nacmpuhiyucki ye ip srihsrihk orekmakihnyuck ke Ma Sulweyucklac ke General Handbook oacna nuh ke nacmpuh ke General Handbook na fohn se. Ma se inge ahkfihsracsrye in som liye kewana ac kapsra inmahsrloltahl.

Nacmpuh ke Ma Sulweyucklac ke General Handbook e kuhtuh pacl uh sislah kuhtuh nacmpuh ke ip srihsrihk kuh ip ye ip srihsrihk ke handbook na fohn se inge. Ma ke srihpen handbook fototo se inge nwacnwack ma yohk srihpac lin handbook na fohn sac.

Finne Ma Sulweyucklac ke General Handbook kahsruh tohpohklah kuhtuh kihsensiyuck yurin mwet kol puhs, e oasr pacna kihsensiyuck yurin mwet kol ma tiac fwackyuck kuh toplac fal. Ke ohiyac se inge, mwet kol kuh in suk kahsruh ke General Handbook fin oreklac nuh ke kahs lalos an. Mwet kol enenuh pac in eis kahsruh yurin mwet kohlohlos.

Lwelah tuh God Elan ahkinsewowoyekom ke kom Weluhl oruh orekma in molwelah ac ma pahtpaht nuh sin tuhlihk Nahtuhl.