Dagiti Napili manipud iti Sapasap a Handbook

Dagiti Linaonna
Panid ti Paulo
Panangusar iti Dagiti Napili manipud iti Sapasap a Handbook
Pundasion a Mainaig iti Doktrina
- 0. Pakagupgopan iti Pakauna
- 1. Ti Plano ti Dios ken ti Akemmo iti Aramid ti Pannakaisalakan ken Pannakaitan-ok
- 2. Panagsuporta kadagiti Indibidual ken Pamilia iti Aramid ti Pannakaisalakan ken Pannakaitan-ok
- 3. Dagiti Pagbatayan ti Priesthood
  - 3.0. Pakauna
  - 3.2. Dagiti Bendision ti Priesthood
  - 3.3. Melchizedek Priesthood ken Aaronic Priesthood
  - 3.4. Turay ti Priesthood
  - 3.5. Bileg ti Priesthood
  - 3.6. Ti Priesthood ken ti Pagtaengan
- 4. Panangidaulo ken dagiti Konseho iti Simbaan ni Jesucristo
Pannakabukel ti Simbaan
- 5. Panangidaulo iti Sapasap ken Area
- Panangidaulo iti Stake
- 7. Ti Bishopric
- 8. Korum dagiti Elder
- 9. Relief Society
- 10. Dagiti Korum ti Aaronic Priesthood
- 11. Young Women
- 12. Primary
- 13. Sunday School
- 14. Dagiti Miembro nga Awan Asawana
- 15. Dagiti Seminary ken Institute ti Relihion
Ti Aramid ti Pannakaisalakan ken Pannakaitan-ok
- Panagbiag iti Ebanghelio ni Jesucristo
  - 16. Panagbiag iti Ebanghelio ni Jesucristo
  - 17. Panangisuro iti Ebanghelio
  - 18. Panangannong kadagiti Ordinansa ken Panangbendision ti Priesthood
  - 19. Musika
  - 20. Dagiti Aktibidad
- Panangaywan Kadagiti Agkasapulan
  - 21. Ministering
  - 22. Panangipaay kadagiti Temporal a Kasapulan ken Panangbangon iti Panagpannuray iti Bukod a Kabaelan
- Panangawis iti Amin nga Umawat iti Ebanghelio
  - 23. Panangibinglay iti Ebanghelio ken Panangpapigsa kadagiti Baro ken Agsubsubli a Miembro
  - 24. Dagiti Rekomendasion ken Serbisio ti Misionario
- Panamagkaykaysa kadagiti Pamilia para iti Kinaagnanayon
  - 25. Aramid iti Templo ken Family History iti Ward ken Stake
  - 26. Dagiti Temple Recommend
  - 27. Dagiti Ordinansa iti Templo para kadagiti Sibibiag
  - 28. Dagiti Ordinansa iti Templo para kadagiti Pimmusay
Panangimaton iti Simbaan
- 29. Dagiti Miting iti Simbaan
- 30. Dagiti Calling iti Simbaan
- 31. Dagiti Interbyu ken Dadduma Pay a Miting kadagiti Miembro
- 32. Paangbabawi ken dagiti Konseho iti Kinamiembro ti Simbaan
- 33. Dagiti Rekord ken Report
- 34. Dagiti Pakaseknan iti Kuarta ken Awdit
- 35. Panangaywan ken Panangusar kadagiti Balay a Pagmimitingan
- 36. Panagparnuay, Panangbalbaliw, ken Panangnagan kadagiti Baro a Yunit
  - 36.0. Pakauna
- 37. Dagiti Espesialisado a Stake, Ward, ken Branch
- Dagiti Annuroten ken Pangiwanwan iti Simbaan

3. Dagiti Pagbatayan iti Priesthood

“3. Dagiti Pagbatayan iti Priesthood,” Dagiti Napili manipud iti Sapasap a Handbook (2023).

“3. Dagiti Pagbatayan iti Priesthood,” Dagiti Napili manipud iti Sapasap a Handbook

Ladawan

pamilia a magmagna iti asideg ti templo

Dagiti Pagbatayan iti Priesthood

3.0

Pakauna

Ti priesthood isu ti turay ken bileg ti Dios. Babaen ti priesthood, ipatungpal ti Nailangitan nga Ama ti aramidna a “mangipatungpal iti saan nga ipapatay ken agnanayon a biag ti tao” (Moises 1:39). Mangted ti Dios iti turay ken bileg kadagiti annakna a lallaki ken babbai iti daga tapno makatulong a mangipatungpal iti daytoy nga aramid (kitaen iti kapitulo 1).

3.2

Dagiti Bendision ti Priesthood

Babaen dagiti katulagan ken ordinansa ti priesthood, inaramid ti Dios a sidadaan a magun-od dagiti naindaklan a bendision iti amin nga annakna. Iraman dagitoy a bendision:

Ti panagbuniag ken kinamiembro iti Ti Simbaan ni Jesucristo dagiti Santo iti Ud-udina nga Aldaw.
Ti sagut ti Espiritu Santo.
Ti pannakiranud iti sakramento.
Ti turay ken bileg nga agserbi kadagiti calling ken naidutok nga aramiden iti Simbaan.
Panangawat kadagiti bendision ti patriarka ken dadduma pay a bendision ti priesthood iti pannakapaimbag, pannakaliwliwa, ken pannarabay.
Pannaka-endow iti bileg ti Dios iti templo.
Pannakailantip iti maysa kadagiti miembro ti pamilia para iti kinaagnanayon.
Ti kari ti agnanayon a biag.

3.3

Melchizedek Priesthood ken Aaronic Priesthood

Iti Simbaan, adda dua a paset ti priesthood: ti Melchizedek Priesthood ken ti Aaronic Priesthood (kitaen iti Doktrina ken Katulagan 107:1).

3.3.1

Melchizedek Priesthood

Ti Melchizedek Priesthood isu “ti Nasantuan a Priesthood, babaen ti Urnos ti Anak ti Dios” (Doktrina ken Katulagan 107:3). Daytoy ti bileg a pakapagbalinan dagiti annak a lallaki ken annak a babbai ti Dios a kas Kenkuana (kitaen iti Doktrina ken Katulagan 84:19–21; 132:19–20).

Babaen daytoy a turay, iturong ken imatonan dagiti lider ti Simbaan ti amin a naespirituan nga aramid ti Simbaan (kitaen iti Doktrina ken Katulagan 107:18).

Ti stake president isu ti mangimatmaton a high priest iti stake (kitaen iti Doktrina ken Katulagan 107:8, 10; kitaen met iti kapitulo 6 iti daytoy a handbook). Ti bishop isu ti mangimatmaton a high priest iti ward (kitaen iti Doktrina ken Katulagan 107:17; kitaen met iti kapitulo 7 iti daytoy a handbook).

Para iti impormasion maipapan kadagiti pagakeman [offices] ken pagrebbengan ti Melchizedek Priesthood, kitaen iti 8.1.

3.3.2

Aaronic Priesthood

Ti Aaronic Priesthood ket “mainayon iti … Melchizedek Priesthood” (Doktrina ken Katulagan 107:14). Iramanna dagiti tulbek:

Ti panagserserbi dagiti anghel.
Ti ebanghelio ti panagbabawi.
Ti panangannong kadagiti nababbaba nga ordinansa, agraman iti panagbuniag para iti pannakapakawan ti basbasol.

(Kitaen iti Doktrina ken Katulagan 13:1; 84:26–27; 107:20.)

Ti bishop isu ti presidente ti Aaronic Priesthood iti ward (kitaen iti Doktrina ken Katulagan 107:15).

Para iti impormasion maipapan kadagiti pagakeman [offices] ken pagrebbengan ti Aaronic Priesthood, kitaen iti 10.1.3.

3.4

Turay ti Priesthood

Ti turay ti priesthood isu ti panangted iti turay a mangibagi iti Dios ken agtignay iti naganna. Iti Simbaan, maaramat ti amin a turay ti priesthood babaen ti panangiturong dagiti agiggem kadagiti tulbek ti priesthood.

3.4.1

Dagiti Tulbek ti Priesthood

Dagiti tulbek ti priesthood isu ti turay a mangiturong iti pannakausar ti priesthood a maipaay kadagiti annak ti Dios.

3.4.1.1

Dagiti Agiggem kadagiti Tulbek ti Priesthood

Intalek ti Apo iti tunggal maysa kadagiti Apostolna dagiti amin a tulbek a mainaig iti pagarian ti Dios iti daga. Dagiti senior a sibibiag nga Apostol, ti Presidente ti Simbaan, isu ti kakaisuna a tao iti daga a napusgan a mangaramat iti amin kadagita a tulbek ti priesthood (kitaen iti Doktrina ken Katulagan 81:1–2; 107: 64–67, 91–92; 132:7).

Babaen ti panangiturong ti Presidente ti Simbaan, maited kadagiti lider iti priesthood dagiti tulbek tapno mabalinda ti mangidaulo kadagiti tay-ak ti pagrebbenganda. Mairaman kadagitoy a lider:

Dagiti stake ken district president.
Dagiti bishop ken branch president.
Dagiti presidente ti korum ti Melchizedek ken Aaronic Priesthood.
Dagiti presidente ti templo.
Dagiti mission president ken presidente ti missionary training center.

Awaten dagitoy a lider dagiti tulbek ti priesthood no ma-set apartda kadagiti takemda.

Saan a maited dagiti tulbek ti priesthood kadagiti dadduma, agraman dagiti mamagbaga kadagiti lider ti lokal a priesthood wenno presidente dagiti organisasion iti Simbaan. Dagiti presidente dagiti organisasion ti Simbaan ti mangidaulo babaen ti panangiturong dagiti agiggem kadagiti tulbek ti priesthood (kitaen iti 4.2.4).

3.4.1.2

Urnos iti Aramid ti Apo

Dagiti tulbek ti priesthood ti mangsigurado a maipatungpal ti aramid ti pannakaisalakan ken pannakaitan-ok iti siuurnos a wagas (kitaen iti Doktrina ken Katulagan 42:11; 132:8). Dagiti agiggem kadagiti tulbek ti priesthood ti mangiturong iti aramid ti Apo iti uneg dagiti tay-ak ti pagrebbenganda. Balido laeng daytoy a mangimatmaton a dadaulo para kadagiti naipangruna a pagrebbengan ti takem ti lider. No mai-release dagiti lider ti priesthood manipud kadagiti takemda, saandan nga agiggem pay kadagitoy a tulbek.

3.4.2

Panangi-confer ken Panangorden iti Priesthood

Babaen ti panangiturong dagiti agiggem kadagiti tulbek ti priesthood, mai-confer ti Aaronic Priesthood ken ti Melchizedek Priesthood kadagiti maikari a lallaki a miembro ti Simbaan (kitaen iti Doktrina ken Katulagan 84:14–17). Kalpasan a nai-confer ti maitutop a priesthood, maordenan ti tao iti pagtakeman [office] iti dayta a priesthood, a kas iti deacon wenno elder. Aramaten ti maysa a priesthood holder ti priesthood a mayannurot kadagiti karbengan ken pagrebbengan iti dayta a pagtakeman [office] (kitaen iti Doktrina ken Katulagan 107:99).

Para iti ad-adu pay nga impormasion maipapan iti panangi-confer ken panangorden iti priesthood, kitaen iti 8.1.1 ken 18.10.

3.4.3

Panangipakumit iti Turay ti Priesthood nga Agserbi iti Simbaan

3.4.3.1

Panang-set Apart

No mai-set apart dagiti lallaki ken babbai babaen ti panangiturong dagiti agiggem kadagiti tulbek ti priesthood, maited kadakuada ti turay manipud iti Dios tapno agtignay iti dayta a calling. No mai-release-da manipud iti maysa a calling, awanandan iti turay a mainaig iti daytoy.

Amin a miembro ti Simbaan a mai-set apart nga agserbi ket maikkan iti nadiosan a turay ken pagrebbengan nga agtignay kadagiti callingda. Kas pagarigan:

Ti maysa a babai nga awagan ken i-set apart ti bishop kas presidente ti Relief Society iti ward ket maikkan iti turay a mangiturong iti aramid ti Relief Society iti ward.

Agserbi ti amin a maawagan ken mai-set apart babaen ti panangiturong dagiti mangidaulo kadakuada (kitaen iti 3.4.1.2).

3.4.3.2

Naidutok nga aramiden

Mabalin nga ipakumit dagiti mangimatmaton a lider ti Simbaan ti turay babaen ti naidutok nga aramiden. No awaten dagiti lallaki ken babbai dagitoy a naidutok nga aramiden, maikkanda iti turay manipud iti Dios tapno agtignay. Kas pagarigan:

Ti Umuna a Panguluen ken Korum dagiti Sangapulo-ket-dua nga Apostol ti mangipakumit iti turay kadagiti Pitupulo a napusgan a mangimaton kadagiti lugar a masakupan ken mangidaulo kadagiti komperensia iti stake.
Maipakumit ti turay kadagiti miembro ti Simbaan tapno agserbi a kas ministering brother ken ministering sister.

Ti turay a naipakumit babaen ti naidutok nga aramiden ket limitado kadagiti naipangruna a pagrebbengan ken ti kaatiddog ti panagserbi iti naidutok nga aramiden.

3.4.4

Panangaramat iti Turay ti Priesthood a Sililinteg

Mabalin nga usaren daytoy a turay laeng iti kinalinteg (kitaen iti Doktrina ken Katulagan 121:36). Maaramat daytoy babaen ti panangguyugoy, naunday a panagitured, kinaanus, kinapakumbaba, ayat, ken kinaimbag (kitaen iti Doktrina ken Katulagan 121:41–42).

Saan nga ipapilit ti pagayatanda iti dadduma dagiti mangaramat iti turay ti priesthood. Saanda nga aramaten daytoy para kadagiti managimbubukod a panggep.

3.5

Bileg ti Priesthood

Ti bileg ti priesthood isu ti bileg a pangbendision ti Dios kadagiti annakna. Agayus ti bileg ti Dios iti priesthood iti amin a miembro ti Simbaan—babai ken lalaki—bayat ti panagtungpalda kadagiti katulagan nga inaramidda Kenkuana. Aramiden dagiti miembro dagitoy a katulagan no umawatda kadagiti ordinansa ti priesthood. (Kitaen iti Doktrina ken Katulagan 84:19–20.)

Mairaman kadagiti bendision ti bileg ti priesthood a maawat dagiti miembro ti:

Pannarabay para iti biagda.
Pammaregta a mangammo no kasano ti agserbi kadagiti miembro ti pamilia ken iti dadduma.
Pigsa nga agibtur ken mangparmek kadagiti karit.
Sagsagut ti Espiritu a mangpadakkel kadagiti kabaelanda.
Paltiing a mangammo no kasano a mangipatungpal iti aramid a nakaordenanda, nakai-set apartanda, wenno nakadutokanda nga aramiden.
Tulong ken pigsa nga agbalin nga ad-adda pay a kas ken ni Jesucristo ken ti Nailangitan nga Ama.

3.5.1

Dagiti Katulagan

Ti katulagan ket maysa a sagrado a kari iti nagbaetan ti Dios ken dagiti annakna. Mangted ti Dios kadagiti kondision para iti katulagan, ken umanamong dagiti annakna nga agtungpal kadagita a kondision. Ikari ti Dios a mangbendision kadagiti annakna no ipatungpalda ti katulagan.

Amin nga agibtur agingga iti panungpalan a mangtungpal kadagiti katulaganda ket umawatdanto iti agnanayon a biag (kitaen iti 2 Nephi 31:17–20; Doktrina ken Katulagan 14:7

Dagiti nagannak, lider ti Simbaan, ken dadduma pay ti mangtulong kadagiti tao nga agsagana nga agaramid kadagiti katulagan no umawatda kadagiti ordinansa ti ebanghelio. Siguraduenda a maawatan ti tao dagiti katulagan nga aramidennanto. Kalpasan nga agaramid iti katulagan ti maysa a tao, tumulongda kenkuana a mangtungpal iti daytoy. (Kitaen iti Mosiah 18:8–11, 23–26.)

3.5.2

Dagiti Ordinansa

Ti ordinansa ket maysa a sagrado nga aramid a maannong babaen ti turay ti priesthood.

Iti adu nga ordinansa, agaramid dagiti tao ti katulagan iti Dios. Mairaman kadagiti pagarigan ti panagbuniag, ti sakramento, ti endowment, ken ti pangilantip nga ordinansa iti kallaysa.

Napateg iti agnanayon a biag dagiti ordinansa ti pannakaisalakan ken pannakaitan-ok. Para iti ad-adu pay nga impormasion, kitaen iti 18.1.

3.6

Ti Priesthood ken ti Pagtaengan

Amin a miembro ti Simbaan nga agtungpal kadagiti katulaganda—babbai, lallaki, ken ubbing—ket mabendisionan iti bileg ti priesthood ti Dios iti pagtaenganda tapno mapapigsa ti bagbagida ken dagiti pamiliada (kitaen iti 3.5). Daytoy a bileg ti tumulongto kadagiti miembro iti panangaramid iti trabaho ti Dios iti pannakaisalakan ken pannakaitan-ok iti bukodda a biag ken dagiti pamiliada (kitaen iti 2.2).

Mabalin dagiti lallaki nga addaan iti Melchizedek Priesthood ti mangted iti pammendision ti priesthood kadagiti miembro ti pamilia tapno mangted iti pangiturong, panagagas, ken liwliwa. No kasapulan, mabalin met dagiti miembro ti Simbaan ti agkiddaw kadagitoy a bendision manipud kadagiti kabagian a miembro, ministering brother, wenno dagiti lokal a lider ti Simbaan.