“3. Ip Yohk ke Pristut,” Ma Sulweyucklac ke General Handbook (2023).

“3. Ip Yohk ke Pristut,” Ma Sulweyucklac ke General Handbook

Petsac

sucu se fahsr sisken tempuhl

Ip Yohk ke Pristut

3.0

Ikucslah

Pristut el wal ac kuh luhn God. Ke sripen pristut, Pahpah Inkuhsrao el ahkfahsryelah orekma Lal “in use moul kawihl ac moul ma pahtpaht luhn mwet” (Moses 1:39). God el sang wal ac kuh nuh sin wen ac acn Nahtuhl fin facluh in kahsruh tahfwelah orekma se inge (liye sapta 1).

3.2

Mwe Ahkinsewowo ke Pristut

Ke olwelah ac akwuck ke pristut, God El oraclah mwe insewowo nuh wowo nuh sin tuhlihk Nahtuhl nohfohn. Mwe insewowo inge pa:

Pacptais ac mempucr ke Alu luhn Jisus Kraist luhn Mwet Luhlahlfongi ke Lwen-sahflah
Mwe sang luhn Nguhn Muhtahl
Eis kuhfa luhn Leum
Wal ac kuh in kuhlwacnsap ke kunohkohn ac orekma ke Alu.
Eis mwe insewowo ke mwe sang luhn patriarch ac mwe insewowo in onwelah, ahkwo, ac kol luhn pristut.
Eis akwuck muhtahl ke kuh luhn God lin tempuhl.
In siliyucki nuh ekihn sie mempucr nuh ke sucu nuh tok ma pahtpaht.
Olwelah ke moul ma pahtpaht.

3.3

Melchizedek Pristut ac Aaronic Pristut

Ke Alu uh, oasr ip luo ke pristut: Melchizedek Pristut ac Aaronic Pristut (liye Doctrine and Covenants 107:1).

3.3.1

Melchizedek Pristut

Melchizedek Pristut pa Pristut Muhtahl, fahsr tukun Sap luhn Wen nuhtin God (liye Doctrine and Covenants 107:3). El pa kuh se ma oruh tuhlihk muhtwacn ac mukul nuhtin God kuh in oacna El (liye Doctrine and Covenants 84:19–21; 132:19–20).

Ke wal se inge, mwet kol ke Alu uh kol ac karihngihn orekma muhtahl nuhkewa ke Alu uh (liye Doctrine and Covenants 107:18).

Prestuhn luhn stek el pa mwet kol kol fuhlwact se ke stek (liye Doctrine and Covenants 107:8, 10; liye pac sapta 6 ke handbook se inge). Pisrap el pa mwet kol fuhlwact se ke ward (liye Doctrine and Covenants 107:17; liye pac sapta 7 ke handbook se inge).

In etuh yohk ke ohfuhs ac kunohkohn luhn Melchizedek Pristut, liye 8.1.

3.3.2

Aaronic Pristut

Aaronic Pristut el ip se ituckyang wi Melchizedek Pristut (liye Doctrine and Covenants 107:14). Nwacnwack ki in:

Luti luhn lipufacn.
Wosasuc in auliyak.
Oruh orekma lihkihn akwuck, pa nuh ke pacptais in elah ma koluk.

(Liye Doctrine and Covenants 13:1; 84:26–27; 107:20.)

Pisrap el pa prestuhn luhn Aaronic Pristut ke ward se (liye Doctrine and Covenants 107:15).

In etuh yohk ke ohfuhs ac kunohkohn luhn Aaronic Pristut, liye 10.1.3.

3.4

Wal luhn Pristut

Wal luhn Pristut el wal se ahol God in oruh orekma ke Inel. Ke Alu uh, wal nuhkewa ke pristut ahsrosriyuck ye kohkoh luhn mwet ma sruok ki luhn pristut.

3.4.1

Ki luhn Pristut

Pristut ki el wal se ma kol orekmakihnyacn pristut nuh sin tuhlihk nuhtin God.

3.4.1.1

Elos Ma Sruok Pristut Ki

Leum el sang nuh sin kais sie Mwet Sap ki nuhkewa ma us tohkohsrahi luhn God fin facluh. Mwet mahtuh se emeet ke Mwet Sap moul, Prestuhn luhn Alu uh, muhkena fin facluh oasr wal la in orekmakihn nohfohn pristut ki inge (liye Doctrine and Covenants 81:1–2; 107:64–67, 91–92; 132:7).

Ye kohkoh luhn Prestuhn ke Alu uh, ituckyang ki nuh sin mwet kol ke pristut tuh elos in kuh in kol fin acn selos ma enenweyuck. Mwet kol inge pa:

Prestuhn luhn stek ac tisrik.
Prestuhn luhn pisrap ac pracns.
Prestuhn ke u luhn Melchizedek ac Aaronic Pristut.
Prestuhn tempuhl.
Prestuhn luhn misin ac prestuhn luhn missionary training center.

Mwet kol inge eis ki luhn pristut ke elos sulweyucklac nuh ke kunohkohn lalos.

Ki luhn pristut tiac ituckyang nuh sin mwet sahyac, fine nuhke mwet in kahsruh luhn mwet kol ke pristut kuh prestuhn luhn srihsrihk ke Alu. Prestuhn ke u srihsrihk ke Alu uh kolyuck ye kohkoh luhn elos suc sruok ki luhn pristut (liye 4.2.4).

3.4.1.2

Fahsr Fal nuh ke Orekma luhn Leum

Pristut ki enenuh in liye lah orekma in molwelah ac ma pahtpaht ahkfahsryeyucklac ke ohiyac tena okahrkahr se (liye Doctrine and Covenants 42:11; 132:8). Elos suc sruok ki luhn pristut kol orekma luhn Leum ke acn elos kuneyucki nuhkac. Wal in kol se inge orekma muhkena nuh ke kunohkohn se na ma srihsrngiyucki nuh sin mwet kol inge. Ke mwet kol luhn pristut inge fihliyucklac liki kunohkohn lalos, elos tiac sifwil sruok ki inge.

3.4.2

Eis ac Akmuhsralah nuh ke Pristut

Ye kohkoh luhn elos suc sruok ki luhn pristut, Aaronic Pristut ac Melchizedek Pristut ituckyang nuh sin mukul mempucr nwacsnwacs ke Alu uh (liye Doctrine and Covenants 84:14–17). Ke pristut se ingacn ituckyang, mwet se inge akmuhsralah nuh ke ohfuhs se ke pristut sacn, suc pa nuh ke deacon kuh elder. Mwet se sruok pristut inge orekmakihn kuh se fal nuh ke pwacyeiac ac kunohkohn ke ohfuhs sacn (liye Doctrine and Covenants 107:99).

In etuh yohk ke eis ac akmuhsra nuh ke pristut, liye 8.1.1 ac 18.10.

3.4.3

Aluiyacn Wal luhn Pristut in Kuhlwacnsap ke Alu

3.4.3.1

Sulweyucklac nuh ke Kunohkohn se

Ke mukul ac muhtwacn sulweyucklac nuh ke kunohkohn se ye kolyuck luhn mwet sruok ki luhn pristut, ituckyang nuh selos wal luhn God in oruh orekma ke kunohkohn se ingacn. Ke elos fihliyucklac liki kunohkohn sacn, wacngihnlac kuh se selos ingacn.

Mempucrs nuhkewa ma sulweyucklac nuh ke kunohkohn se in kuhlwacnsap ituckyang nuh selos wal ac kunohkohn muhtahl se in orekma ke pahng se lalos ingacn. Fin pa:

Muhtacn se pahng ac sulweyucklac el nuh ke kunohkohn se sin pisrap elan prestuhn luhn Rilif Sosaiti ke ward ituckyang wal in kol orekma luhn Rilif Sosaiti ke ward.

Elos nuhkewa suc pahng ac sulweyucklac nuh ke kunohkohn elos kuhlwacnsap ye kohkoh luhn mwet kohlohlos (liye 3.4.1.2).

3.4.3.2

Orekma

Mwet kol se ke Aluh kuh in srihsrngiyac wal in orekma. Ke mukul ac muhtwacn uh eis kunohkohn inge, elos eis wal sin God in orekma. Fin pa nuh ke:

Prestuhnsi Se Meet ac U luhn Mwet Singucul Luo srihsrngiyac wal se nuh sin Mwet Itngucul suc kunweyucki in karihngihn eria kuh acn luhlahp in stek kanfracns.
Wal uh srihsrngiyucki nuh sin mempucrs ke Alu uh in kuhlwacnsap ekihn mukul ac muhtwacn in forfor luti.

Wal ma srihsrngiyucki ke kunohkohn uh oasr luhpah se oreklac in orekma nuh kac ac puhlan pacl se e tari.

3.4.4

Orekmakihn Wal luhn Pristut in Suwohs

Wal se inge orekmakihnyuck muhkwena fin kuht suwohs. (liye Doctrine and Covenants 121:36). Ahkfokokoyeyuck ke luhlahlfongi, akak, fakpwacp, luhngse, ac kuhlwacng (liye Doctrine and Covenants 121:41–42).

Elos suc ma orekmakihn wal luhn pristut tiac fohrsi luhngse lalos nuh sin mwet sahyac. Elos tiac orekmakihn nuh ke srihpac lalos sifacna.

3.5

Kuh luhn Pristut

Kuh luhn pristut pa kuh se ma God El ahkinsewowoye tuhlihk Nahtuhl. Kuh luhn God ke pristut kahklah nuh sin mempucrs nuhkewa ke Alu uh—muhtwacn ac mukul—ke elos karihngihn olwelah elos lalos nuh Sel. Mempucrs elos eis olwelah inge ke elos eis akwuck ke pristut. (Liye Doctrine and Covenants 84:19–20.)

Mwe insewowo ke kuh luhn pristut ma mempucrs kuh in eis uh pa:

Kolyuck nuh ke moul lalos.
Nuhnak in etuh lah e kahsruh fuhkah mwet in sucu lalos ac mwet sahyac.
Kuh in muhtweng ac kuhtanglah ma upac.
Mwe sang luhn Nguhn in ahkyohkye etuh lalos.
Fwackyuck in etuh lah e ahkfohnyelah fuhkah orekma elos pahng nuh kac, kuh sulweyucklac nuh kac.
Kahsruh ac ahkkweye in oacna Jisus Kraist ac Pahpah Inkuhsrao.

3.5.1

Wuhlweacng

Wuhlweacng el olwelah muhtahl se inmahsrlon God ac tuhlihk Nahtuhl. God el use masap nuh ke wuhlweacng, ac tuhlihk Nahtuhl insese in ahkos wuhlweacng ingacn. God el olwelah in ahkinsewowye tuhlihk Nahtuhl fin elos ahkos wuhlweacng ingacn.

Elos nuhkewa suc kwacfeang nuh ke sahflah in karihgnihn wuhlweacng lalos fah eis moul ma pahtpaht (liye 2 Nephi 31:17–20; Doctrine and Covenants 14:7).

Pahpah ninac, mwet kol ke Alu, ac mwet sahyac kahsruh kais sie in ahkolah in oraclah wuhlweacng la ke elos eis akwuck ke wosasuc. Elos ahklohyac in liye lah mwet se ingacn kahlwem ke wuhlwacng se el oraclah ingacn. Tukun mwet se oraclah wuhlweacng se, elos kahsrelos in karihngihn. (Liye Mosiah 18:8–11, 23–26.)

3.5.2

Akwuck

Akwuck el orekma muhtahl se orek ke wal luhn pristut.

Ke kain in akwuck, kais sie oraclah wuhlweacng lalos nuh sin God. Pa nuhke pacptais, eis kuhfa luhn Leum, mwe sang muhtahl, ac akwuck nuh ke sil in macruht.

Akwuck ke molwelah ac ma pahtpaht yohk srihpac nuh ke moul ma pahtpaht. In etuh yohk kac, liye 18.1.

3.6

Pristut ac Lohm

Mempucr nuhkewa ke Alu uh ma karihngihn wuhlweacng lalos—muhtwacn, mukul ac tuhlihk srihsrihk—elos ahkinsewowoyeyuck ke pristut luhn God in lohm selos in ahkkweyaclos sifacna ac sucu lalos (liye 3.5). Kuh se inge e kahsruh mempucr in pahtok orekma in molwelah ac ma pahtpaht luhn God ke moul lalos sifacna ac sucu lalos (liye 2.2).

Mukul ma sruok Melchizedek Pristut kuh in sang mwe ahkinsewowo ke pristut nuh sin mwet in sucu lal in kohlohlos, onwelos, ac sang mihs. Fin enenweyuck, mempucr ke Alu uh kuh in suk mwe insewowo se inge yurin sucu luhlahp lalos, mwet in luti lalos, kuh mwet kol Alu fin acn selos.