Handbooks ac Kunohkohn
8. U luhn Elder

“8. U luhn Elder,” Ma Suleyucklac ke General Handbook (2023).

“8. U luhn Elder,” Ma Suleyucklac ke General Handbook

Petsac
mukul asramsrami

8.

U luhn Elder

8.1

Srihpac ac Tahklac

8.1.1

Srihpac

Mukul nwacsnwacs suc matwac 18 kuh mahtuhyak kuh in eis Melchizedek Pristut ac akmuhsraiyucklac nuh ke ohfuhs luhn elder. Mukul se suc akmuhsraiyucklac nuh ke ohfuhs sacn oraclah olwelah muhtahl in kahsruh God in ahkfahsrye orekma Lal (liye Doctrine and Covenants 84:33–44).

8.1.2

Mempucr ke U luhn Elder

Kais sie ward oasr u luhn elder se la. Nwacnwack tamuhlwel inge:

  • Elder nuhkwewa luhn ward.

  • Mukul suc ohiyacl fal in elder se ke ward (liye 8.4).

  • Priest fuhlwact nuhkwewa luhn ward, sahyacn elos suc kuhlwacnsap ke prestuhnsi luhn stek, pisap, kuh kaunsuhl fuhlwact, kuh patriarch se.

Mukul fuhsr se kuh in muhtwacwacack in wi toeni ke u luhn elder ke el sun matwac 18, finne el sonna akmuhsraiyucklac in elder se. Ke el matwac 19 kuh ke el som liki lohm, in wi lutlut luhlahp kuh som kuhlwacnsap ke misin se, el enenuh in akmuhsraiyucklac in sie elder el fin nwacsnwacs.

Mukul suc macruhtlac ye matwac yac 18 kuh in wi elder ac oacyacpac wi mempucr ke u luhn elder.

8.2

Wi Orekma in Molwelah ac Moul Ma Pahtpaht

8.2.1

Moulkihn Wosasuc luhn Jisus Kraist

8.2.1.2

Lutlutkihn Wosasuc ke Toeni ke U luhn Elder

Toeni uh oasr ke Sacnri ahkluo ac ahkahkosr ke mahlwem se. Toeni inge som ke mihniht 50. Prestuhnsi ke u luhn elder pa plwacni toeni inge. Mempucr se luhn prestuhnsi pa kol.

Toeni inge lohacng yohk ke sie kuh puhs liki sifac ma sruhmuhnyuck ke toeni luhlahp tuhfahna tari ac.

8.2.1.3

Mukwikwi

Prestuhnsi ke u luhn elder kuh in plwacni mukwikwi uh. Inkaiyacn mukwikwi uh sikyak ke pacl sahyacn ekuhn Sacnri kuh Mante.

8.2.2

Karihngihn Elos suc Enenuh

8.2.2.1

Karihngihn

Mempucr ke u luhn elder uh kuh in eis kunohkohn in kuhlwacnsap sin prestuhnsi luhn elder. Nuh ke mwe kahsruh pac, liye sapta 21.

8.2.2.2

Ma Enenweyuck ke Pacl Fototo

Tahmuhlwel kuhlwacnsap suk in kahlwem ac topuk ma enenweyuck sin mwet elos kuhlwacnsuhpuh. Mempucr uh sahp enenuh kahsruh sa nuh ke pacl luhn mas, isuslac, misac, wacngihnlac orekma, kuh ohiyac sahyac.

Fin enenweyuck, tamuhlwel kuhlwacnsap uh siyuck sin prestuhn ke u luhn elders ke kahsruh.

8.2.2.3

Ma Enenweyuck ke Pacl Loes ac Sifacna-Karihngihn

Kolyuck sin pisap, prestuhnsi luhn elder ac Rilif Sosaiti kuh in kahsruh mempucr suc ma oasr enenuh paht la ac in sifacna-karihngihn.

Prestuhn luhn elder, prestuhn luhn Rilif Sosaiti, kuh mwet kol sahyac kahsruh mwet se kuh sucu oraclah sie Plwacn in Sifacna-Kahsruh. Tamuhlwel kuh tahmtahel in kuhlwacnsap kuh in kahsruh pac ke plwacn se inge.

8.2.2.4

Ke Sie Mempucr ke Ward Misac

Ke sie mempucr ke ward el misac, prestuhnsi luhn u luhn elder ac Rilif Sosaiti sang ahkkweye ac kahsruh. Ye kolyuck luhn pisap, elos kuh in kahsruh ke mas misac an.

Nuh ke mwe kahsruh pac, liye 38.5.8.

8.2.3

Suli Nuh Kwewa in Eis Wosasuc

Prestuhn luhn elder el pakiyac sie mempucr luhn prestuhnsi in kahsruh kol orekma ke misinacri luhn mempucr ke ward. El orekma yurun mempucr ma kunweyucki sin prestuhnsi luhn Rilif Sosaiti in kol orekma inge.

Liye 23.5.1 ac 23.5.3.

8.2.4

Oracni Sucu nuh Tok Ma Pahtpaht

Prestuhn ke u luhn elder el pakiyac sie mempucr luhn prestuhnsi in kahsruh kol orekma luhn tempuhl and sramsram mahtuh ke sucu ke ward. El orekma yurin mempucr ma kunweyucki sin prestuhnsi luhn Rilif Sosaiti in kol orekma inge.

Liye 25.2.2.

8.3

Mwet Kol ke U luhn Elder

8.3.1

Prestuhnsi luhn Stek ac Pisap

Prestuhn ke u luhn elders el pa oreklac in kahsruh presuhnsi ke stek. El kwacna ohsun yurun mempucr luhn prestuhnsi in eis kolyuck ac rihpohrt ke kunohkohn lal.

Prestuhn ke U luhn elders oacyacpac eis kolyuck sin pisap, suc pa mwet kol in karihngihn luhn ward. Elos kwacna ohsun.

8.3.2

Mwet in Kahsruh Fuhlwact

Prestuhnsi luhn stek pakiyac mwet in kahsruh fuhlwact se in aholuhlos ke kais sie u luhn elder. Kunohkohn lal ahkkahlwemyeyuck ke 6.5.

8.3.3

Prestuhnsi ke U luhn Elder

8.3.3.1

Pahngon Prestuhnsi luhn Elder

Tukun el sramsram nuh sin pisap, prestuhn luhn stek se el pahngon sie elder kuh priest fuhlwact in kuhlwacnsap ekihn prestuhn ke u luhn elder.

Fin ward yohk se, prestuhn ke u luhn elder ngihsre sin prestuhn luhn stek sie kuh luo elders kuh priest fuhlwact in kuhlwacnsap ekihn mwet in kahsruh lal.

8.3.3.2

Kunohkohn

Kunohkohn luhn prestuhn ke u luhn elder pa ma inge. El ac mwet in kahsruh lal kahsrwel.

  • Kuhlwacnsap ke kaunsuhl luhn ward.

  • Kol u luhn elder in wi orekma luhn molwelah ac moul ma pahtpaht (liye sapta 1).

  • Kol ac liyacacng kuhlwacnsap luhn tamuhlwel in karihngihn.

  • Ye kolyuck luhn pisap, sramsram yurin mempucr mahtuh nuhkwewa luhn ward.

  • Kol orekma luhn u luhn elder in ahkweye mukul fuhsr ke ward, kwewana macruhtlac ac lolacp.

  • Ohsun yurun kais sie mempucr ke u luhn elder pacl se ke yac kuh pucs.

  • Luti mempucr ke u luhn elder ke kunohkohn in pristut lalos (liye Doctrine and Covenants 107:89). Ma inge weacng lotwelos in orekmakihn fuhkah pristut lalos in oruh akwuck ac mwe insewowo.

  • Liyacacng record, rihpohrt, ac mani ke u luhn elder (liye LCR.ChurchofJesusChrist.org).

8.3.3.3

Toeni luhn Prestuhnsi

Prestuhnsi ke u luhn elder ac mwet sihm kwacna toeni. Prestuhn pa kol toeni inge. Mwet in kahsruh fuhlwact se ma kunweyucki nuh sin u luhn elder kuh in wi pac.

Tahkihnyacn toeni se inge kuh in nwacnwack ma ekahsr inge:

  • Orek plwacn in ahkfokokoye mempucr ke u luhn elder (weacng pacna mukul suc kuh in elder) ac sucu lalos.

  • Orek plwacn ke orekma in misinacri ac orekma luhn tempuhl ac sramsram mahtuh ke sucu.

  • Topuk kunohkohn ma tuhkuh ke toeni luhn ward kaunsuhl.

  • Liyacacng ma ahkkahlwemyeyuck tuhkuh ke lohlngohk in kuhlwacnsap.

  • Nuhnkuh tamuhlwel ma kuh in kuhlwacnsap ke kunohkohn ac pahng.

  • Orek plwacn ke toeni ac mukwikwi ke u luhn elder.

8.3.4

Mwet in Sihm

Ke ahkkweyeyuck luhn pisap, mempucr ke prestuhnsi ke u luhn elder kuh in pahngon sie mempucr ke u uh in ekihn mwet in sihm se.

8.4

Kahsruh Mukul Suc Kuh in Wi Elder ahkolah in Eis Melchizedek Pristut

Mukul se suc kuh in wi elder pa sie mempucr mukul luhn Alu uh suc sonna eis Melchizedek Pristut ac (1) matwac 19 kuh mahtuhyak kuh (2) fuhsr liki 19 ac macruhtlac.

In kahsruh mukul suc kuh in wi elder ahkolah in eis Melchizedek Pristut pa sie sin kunohkohn yohk emet luhn prestuhnsi ke u luhn elder.