Handbooks ac Kunohkohn
13. Sacnri Skul

“13. Sacnri Skul,” Ma Sulweyucklac ke General Handbook (2023).

“13. Sacnri Skul,” Ma Sulweyucklac ke General Handbook

Petsac
sucu se lutlutkihn ma suhmuhslah

13.

Sacnri Skul

13.1

Srihpac

Mwet kol ke Sacnri Skul, mwet luti, ac kuhlahs:

  • Ahkkweye luhlahlfongi kacl Pahpah Inkuhsrao ac Jisus Kraist ke luti ke ma pwacye luhn tohkohsrah (liye Doctrine and Covenants 88:77).

  • Kahsruh pahtok lutlut in lohm ac kahsruh luhn Alu ke luti wosasuc ac luti.

  • Kahsruh mempucr in luti ke inkacnek luhn Mwet Lahngo.

13.2

Ohiyen Kol ke Sacnri Skul ke Ward

13.2.1

Pisaprik

Pisaprik elos karihngihn Sacnri Skul. Pisrap el kunweyac sie sin mwet kahsruh lal in oruh ip kunohkohn se inge ye kohkoh lal.

13.2.2

Prestuhn luhn Sacnri Skul

13.2.2.1

Pahngon Prestuhn se luhn Sacnri Skul

Pisrap el pahngon ac sulaclah nuh ke kunohkohn se sie mukul sruok Melchizedek Pristut in prestuhn luhn Sacnri Skul ke ward sacn. Fin enenuh mwet in kahsruh, ac fin puhs suhnuhn mukul in kuhlwacnsap ke kunohkohn inge, prestuhn luhn Sacnri Skul kuh in siyuck sie kuh luo mwet in kahsruh ah.

13.2.2.2

Kunohkohn

  • Kuhlwacnsap ke u in eis ac sang kahsruh ke ward.

  • Karihngihn liye in fahsrwelihk lutlutkihnyacn wosasuc ac lutlut lohm selos ac ke alu.

  • Siyuck sin pisaprik in lwelah mempucr mahtuh in kuhlwacnsap ekihn mwet luti ke Sacnri Skul.

  • Ahkkweye, pahtok, ac luti mwet luti luhn Sacnri Skul.

  • Kol mwet luti ke toeni in eis ac sang kahsruh suc karihngihnyuck sin pisrap (liye Teaching in the Savior’s Way, 3).

13.2.3

Mwet Luti ke Sacnri Skul

In ahkolah in luti, mwet luti ke Sacnri Skul orekmakihn ma suhmuhslah, Fahsruh, Fahsr Tukuk—Nuh sin Kais Sie ac Sucu, ac Fahsruh, Fahsruh Tukuk—Nuh ke Sacnri Skul.

13.3

Kuhlahs ke Sacnri Skul

Kuhlahs in Sacnri Skul orek ke Sacnri se emeet ac ahktolu ke mahlwem se.

Ke lwelah luhn pisaprik, prestuhn luhn Sacnri Skul oraclah plwacn in luti ke mwet mahtuh ac mwet fuhsr.

Fin kuh mwet mahtuh luo kuneyuck in wi kuhlahs luhn mwet fuhsr.

Mwet mahtuh nuhkwewa ma wi tuhlihk kuh mwet fuhsr orekma uh enenuh in ahksahfyelah trein nuh ke karihngihnyen tuhlihk ac mwet fuhsr ke lusen mahlwem se fah ahkkweyeyucklac el (ProtectingChildren.ChurchofJesusChrist.org).

13.4

Ahkyohkye Etacack ac Luti ke Ward se

Ma kunacn mwet kol ke ward in ahkyohkye etwacack ac lutlut ke u lalos. Elos kuh in siyuck sin prestuhn luhn Ward in kahsrelos fin enenuh.

13.5

Ahkyohkye Etacack ac Luti in Lohm

Ma kunacn pahpah ac ninac in luti wosasuc nuh sin tuhlihk nahtuhlos. Elos kuh in siyuck sin prestuhn luhn Sacnri Skul in kahsrelos ahkyohkye etuh lalos ekin mwet luti.