“17. ශුභාරංචිය ඉගැන්වීම,” ප්‍රධාන අත්පොතෙන් තෝරාගත් කොටස් (2023)
“17. ශුභාරංචිය ඉගැන්වීම,” ප්‍රධාන අත්පොතෙන් තෝරාගත් කොටස්
17.
ශුභාරංචිය ඉගැන්වීම
පුද්ගලයින්ට ස්වර්ගීය පියාණන්වහන්සේ සහ යේසුස් ක්‍රිස්තුස්වහන්සේ කෙරෙහි ඔවුන්ගේ ඇදහිල්ල ශක්තිමත් කරගැනීමට උපකාර කරන පිණිස අපි ශුභාරංචිය උගන්වන්නෙමු.
17.1
ක්‍රිස්තුස්වහන්සේගේ ආකාරයට ඉගැන්වීම පිළිබඳ මූලධර්ම
ශුභාරංචිය උගන්වන විට, දෙමාපියන්, ගුරුවරුන් සහ නායකයින් විසින් ප්‍රධාන ගුරුවරයා වන යේසුස් ක්‍රිස්තුස්වහන්සේගේ ආදර්ශය අනුගමනය කරනු ලබති.
නායකයන් විසින් ඔවුන්ගේ සංවිධානවල ගුරුවරුන් සමඟ ක්‍රිස්තුස්වහන්සේගේ ආකාරයට ඉගැන්වීමේ පහත සඳහන් මූලධර්ම බෙදා ගනු ලබයි. ගැලවුම්කරුවාණන්ගේ ආකාරයට ඉගැන්වීම තුළ මෙම මූලධර්ම වඩාත් විස්තරාත්මකව විස්තර කර ඇත.
17.1.1.
ඔබ උගන්වන අයට ආදරය කරන්න
ගැලවුම්කරුවාණන් කරන සෑම දෙයක්ම උන්වහන්සේගේ ප්‍රේමයේ ප්‍රකාශනයකි (බලන්න 2 නෙපී 26:24).
17.1.2
ආත්මයාණන්ගෙන් උගන්වන්න
ගුරුවරුන් සූදානම් වී උගන්වන විට ආත්මයාණන්ගේ මගපෙන්වීම සොයන අතර, ඔවුන් සෑම දිනකම උන්වහන්සේගේ බලපෑමට සුදුසු ලෙස ජීවත් වීමට උත්සාහ කරති.
17.1.3
දහම උගන්වන්න
ගැලවුම්කරුවාණන්ගේ ආදර්ශය අනුගමනය කරමින්, ගුරුවරු ශුභාරංචියේ අත්‍යවශ්‍ය ගැලවීමේ සත්‍යයන් කෙරෙහි අවධානය යොමු කරති. ඔවුන් ශුද්ධලියවිලි, පසුදවස්වල අනාගතවක්තෘවරුන්ගේ ඉගැන්වීම් සහ අනුමත විෂයමාලා ද්‍රව්‍ය භාවිතා කරමින් උගන්වති.
17.1.4
උනන්දුවෙන් ඉගෙනීමට ආරාධනා කරන්න
ගුරුවරුන් විසින් තම ඉගෙනීම සඳහා වගකිව යුතු වීමට සාමාජිකයන්ව දිරිමත් කරති.
17.2
නිවස කේන්ද්‍ර කරගත් ශුභාරංචි ඉගෙනීම සහ ඉගැන්වීම
සභාවේ නායකයෝ සහ ගුරුවරු නිවස කේන්ද්‍ර කරගත් ශුභාරංචි ඉගෙනීම සහ ඉගැන්වීම දිරිමත් කරනු ලබති.
ශුභාරංචිය අධ්‍යයනය කරන ආකාරය සහ උගන්වන ආකාරය පිළිබඳව ඔවුන්ගේම දිව්‍ය අනුභාවයක් ලබා ගැනීම සඳහා නායකයෝ සහ ගුරුවරු සාමාජිකයින්ව දිරිමත් කරති. ඔවුන්ගේ ප්‍රධාන සම්පත් ශුද්ධලියවිලි සහ ප්‍රධාන සම්මන්ත්‍රණ පණිවිඩ විය යුතුය.
17.3
නායකයින්ගේ වගකීම්
-
ශුභාරංචිය ඉගෙනීමෙන් සහ ගැලවුම්කරුවාණන්ගේ ආකාරයට ඉගැන්වීමෙන් ආදර්ශයක් තැබීම.
-
ඔවුන්ගේ සංවිධානවල ඉගැන්වීම ඇදහිල්ල ගොඩනගන බවත් මූලධර්මාත්මකව නිවැරදි බවත් සහතික කර ගැනීම.
-
ඔවුන්ගේ සංවිධාන වල ගුරුවරුන්ට අඛණ්ඩ සහයෝගය ලබා දීම.
17.4
ගුරු මන්ත්‍රණ සභා රැස්වීම්
ගුරු මන්ත්‍රණ සභා රැස්වීම්වලදී, ගුරුවරු එකට එක්ව ක්‍රිස්තුස්වහන්සේගේ ආකාරයේ ඉගැන්වීමේ මූලධර්ම ගැන සාකච්ඡා කරති. ඔවුන් ශුභාරංචිය ඉගෙනීම සහ ඉගැන්වීම වැඩිදියුණු කරන්නේ කෙසේද යන්න පිළිබඳවද සාකච්ඡා කරති. ඔවුන් සම්පතක් ලෙස ගැලවුම්කරුවාණන්ගේ ආකාරයට ඉගැන්වීම පොත භාවිතා කරති.
ඉරිදා දිනයේ විනාඩි 50 පන්ති කාලය අතරතුර කාර්තුමය වශයෙන් ගුරු මන්ත්‍රණ සභා රැස්වීම් පැවැත්වේ.
