.“19. ikwɔ,” Mme ŋkpɔ se Emekde eto Ofuri Ŋwed Ndutum (2023).
.“19. ikwɔ,” Mme ŋkpɔ se Emekde eto Ofuri Ŋwed Ndutum
19.
ikwɔ
19.1
Ntak Ikwɔ odude ke Ufɔk Abasi
Nsasana ikwɔ ɔkɔkɔri mbuotidem ke Jesus Christ. Oro ada Spirit edi onyuŋ ekpep ntotuŋo ikɔ Abasi. Oro nko ɔnɔ ekikere uteŋe, adian mbon ufɔk Abasi ɔtɔkiet, onyuŋ ɔnɔ usuŋ edikpono Ete Heaven ye Jesus Christ.
19.2
Ikwɔ ke Ufɔkiduŋ
Otode mme prophet Esie, Abasi eteme mme owo ye ufɔkemana ete ekwɔ nti ikwɔ ke uwem mmɔ kusen-kusen.
Mme ikwɔ ufɔk Abasi emi ewetde-enim odu ke mme usuŋ emi:
-
Sacred Music app
-
Gospel Music app
19.3
Ikwɔ ke mme Esop Ufɔk Abasi
19.3.1.
Edibeŋe Ikwɔ nnɔ mme Esop Ufɔk Abasi
Mme ese-ŋkpɔ mbaŋa ikwɔ ke ward ye stake enam-utom ye mme adausuŋ itie-oku man enam ikwɔ ke mme esop ukpono Abasi. Mmo emek ikwɔ emi emenede spirit ukpono ke mme esop.
19.3.2.
Ikwɔ ke Esop Udia-ɔbɔŋ
Ikwɔ ke esop udia-ɔbɔŋ esine otuowo edikwɔ mme ikwɔ man etɔŋɔ enyuŋ etre esop oro ye mbemiso edi-nam udia-ɔbɔŋ. Ikwɔ udia-ɔbɔŋ ana ebehe udia-ɔbɔŋ ke ideme mme nwaidem eke Jesus Christ.
Esibre mme ebe-iso ikwɔ ke nte mbon ufɔk Abasi ebohode mbemiso etɔŋɔ esop. Ke ebɔŋde akam editre, nkukwak-ŋkpɔ ikwɔ eyebre nte mbon ufɔk Abasi ewɔrɔde ke esop.
Esop Udia-ɔbɔŋ nko ekeme edisine edikwɔ ndadian ikwɔ otuowo ke ufot nkaiso esop—nte uwutnkpo, ke ufuɔt eke mme eteting ikɔ-etop
19.3.3.
Ikwɔ ke mme Class ye mme Esop eke Ward Eken
Mme adasuŋ eteme mme andikpep ete ekwɔ ikwɔ ye mme nsasana ikwɔ efen man emenede ukpepŋkpɔ mmɔ.
19.3.6.
Mme Nkpɔ Ubre-ikwɔ
Esikama ata ŋkpɔ-ubre ikwɔ ke ebe-iso ikwɔ ye ekpe-edem ikwɔ ye ikwo andisaŋa ye nkukwak ke mme esop Ufɔk Abasi. Ke ebiete emi mmɔ edude ye ke ebiet emi mbon ufɔk Abasi ekemede edibre mmɔ, mme organ ye piano edi nti nkpɔ ubre-ikwɔ. Mme bishopric ekeme edinyime edikama mme nko ubre-ikwɔ efen ke edikwɔ ikwɔ otuowo, eke ebe-iso ye ekpe-edem ikwo, ye ke mme ememek ikwɔ efen.
Edieke piano, organ mme andibre miduhe, ekeme edibre mme ikwɔ emi ekewetde-enim (se 19.2).
19.3.7.
Mme Nkaikwɔ
19.3.7.1
Mme Nkaikwɔ ke Ward
K ebiet emi ediwak mbon ufɔk Abasi edude, mme ward ekeme edinyene mme nkaikwɔ emi ekwode ke ofuri-ini ke esop udia-ɔbɔŋ.
Ke edidian ke nkaikwɔ ke ward, ekeme edikot mme ufɔkemana ye eboho eke iban, irenowo, iwaad, mme nditɔ-ŋwɔŋ ete ekwɔ-ikwɔ ke mme esop eke Ufɔk Abasi.
19.4
Ndausuŋ Ikwɔ ke Ward
19.4.1.
Bishopric
Bishop akama-ubiɔŋ-utom ŋkpɔ ikwɔ ke ward. Enye ekeme ediyak ubiɔŋ-utom emi nnɔ kiet kotu mme ɔnɔitem esie.
19.4.2.
Akama-ndutum Ikwɔ ke Ward
Akama-ndutum ikwɔ ke ward anam-utom ke idak ndausuŋ eke bishopric. Enye enyene mme ubiɔŋ-utom emi:
-
Edi owo-item ɔnɔ bishopric ye mme adausuŋ ward eken ke mbubehe ŋkpɔ ikwɔ.
-
Anam-utom ye bishopric ke edibeŋe ikwɔ nnɔ mme esop udia-ɔbɔŋ (se 19.3.1 ye 19.3.2).
-
Nte bishopric eyomde, ɔnɔ enyiŋ eke mbon ufɔk Abasi emi edinamde-utom ke mme ikoot ikwɔ ke ward. Ekpep mbon emi enamde-utom ke mme ikoot emi, ɔnɔ unwam, item, ye ukpep ke nte eyomde.
19.4.3.
Mme Ndadian Ikoot
Bishopric ekeme edikot mbon ufɔk Abai ete enam-utom ke mme ikoot emi.
19.4.3.1
Adausuŋ-ikwɔ ke Ward
Adausuŋ-ikwɔ ke ward akama-ndutum eke mme ikwo otuowo ke esop udia-ɔbɔŋ ye ke mme esop efen ke nte eyomde.
19.4.3.2
Ebre-ndido ke Ward
Ebre-ndido ke ward ɔnɔ ebe-iso ye ekpe-edem ikwɔ ye nkukwak eke ikwɔ kini esop udia-ɔbɔŋ ye ke mme esop eke ward eken ke nte eyomde.
19.7
Mme Ndadian Mbet ye Item
19.7.2.
Edida mme Ŋkpɔ-utom eke Meetinghouse nam Ukpep, Ndidibe Item, ye Edifiak-nam
Kini eti ndaha efen miduhe, mme adausuŋ itie-oku ekeme edinyime eda mme piano ye organ emi edude ke ufɔk Abasi ekpep, ekpe edinɔ ukpep, ye edifiak-nam emi esinede mbon ufɔk Abasi eke nkɔk oro esidukde ebiet ufɔk Abasi oro.