Mme Nwed Ndutum ye mme Ikoot
20. Mme Edinam-mbre

.“20. 20. Mme Edinam-mbre,” Mme ŋkpɔ se Emekde eto Ofuri Ŋwed Ndutum (2023).

.“20. 20. Mme Edinam-mbre,” Mme ŋkpɔ se Emekde eto Ofuri Ŋwed Ndutum

Ndise
nkaiferi ŋwan ye obomo-ŋkpɔ mmɔŋ

20.

20. Mme Edinam-mbre

20.1

Mme Ntak

Mme edinam-mbre eke Ufɔk Abasi ada mbon Ufɔk Abasiye mbon efen enim ɔtɔkiet nte “mbio-obio kiet ye ikɔt Abasi” (Nwed Mbon Ephesus 2:19). Mme ntak enamde mme edinam-mbre ekeme ediine mmɔ emi:

  • Ↄsɔŋɔ mbuɔtidem ke Jesus Christ.

  • Ↄnɔ inem onyuŋ enim edidiana-kiet.

  • Ↄnɔ nti-ifet eke nkori idem owo.

  • Ↄsɔŋɔ mme owo ye ufɔkemana idem.

  • Anwam mbon ufɔk Abasi edibuana ke utom erinyaŋa-ukpɔŋ ye edimenede (se 1.2).

20.2

Ediduak nam Edinam-mbre

Mbemiso enam-uduak edinam-mbre, mme adausuŋ ekere-ebanga se inanade mbon ufɔk Abasi ke spirit ye ikpɔkidem. Mme adasuŋ eyom ndausuŋ eke Spiri kini ebierede ewe oruk edinam-mbre edikem ye mme unana oro.

20.2.1.

Ubiɔŋutom ke Ediduak nam Edinam-mbre

Ekeme ediduak nam mme edinam-mbre eke ward ke kiet kotu mme usuŋ emi, ke esede mme unana eke mbonowo:

  • Mbono ward ekeme edise ediduak nam oro.

  • Mbono ward ekeme edidiɔŋ mme asaŋa-asaŋa nka man enwam ke ediduak nam edinam-mbre kiet mme awakde.

  • Kini eyomde ye ke ebiet emi ediwak mbon ufɔk Abai edude, bishopric ekeme edinim esop edinam-mbre ke ward.

Eke etop abaŋade ediduak nam edinam-mbre iwaad ke ward, se 10.2.1.3 ye 11.2.1.3.

20.2.2.

Edikot Kpukpru owo ete Edibuana

Mbon emi eduakde edinam-mbre ana esim kpukpru owo, akpan-akpan mbufa mbon ufɔk Abasi, mbon mfiak-edem, iwaad, mme single adult, mbon enyenede unɔmɔ-ke-idem, ye mbon edu-ukpono efen.

Edinam-mbre inaha nte edi mbiomo ɔnɔ mme adausuŋ ye mbon ufɔk Abasi.

20.2.3.

Mme Ido

Edinam-mbre eke Ufɔk Abasi ana enem onyuŋ eyire ke ŋkpɔ se idi “eti-ibuot, emade, mme eke eti etop mme itoro” (Mme Ikɔ Mbuɔtidem). Edinam-mbre ikemeke edisine ŋkpɔ kiet eke misaŋake ye mme ukpepŋkpɔ Ufɔk Abasi.

20.2.6.

Edinɔ-okuk ke mme Edinam-mbre

Ediwak edinam-mbre ana edi mmem-mmem onyuŋ oyom ekpri okuk mme iyomke-yom. Ana bishopric mme stake presidency enyime okuk emi edibiatde kiso.

Mbon ufɔk Abasi inaha nte enehede ekpe-okuk man ebuana ke edinam-mbre. Kabaŋa mmme mbet ye item ke edinɔ-okuk edinam-mbre, se 20.6.

20.4

Mbono eke Iwaad

Tɔŋɔde ke Januanry eke isua mmɔ esimde isua Doupenaŋ, ekot mkparawa iren ye nkaiferi iban man ebuana ɔtɔkiet ke mbono eke iwaad. Esinim mbono eke iwaad ini kiet ke isua ke ndaha ward ye eke stake. Ekeme edinim mmɔ nko ke ediande ediwak-stake mme ke ndaha eke area. Ke isua eke edɔŋde iwaad ete eka mbono FSY, mme atake ye ward inaha nte enim mbono eke iwaad.

Ediomo mbono eke iwaad ke ward enyuŋ enam ke esop iwaad ke ward, ke idak ndausuŋ eke bishopric (se 29.2.6). Bishopric ebɔ unyime eto stake presidency kabaŋa uduak edinim mbono iwaad eke ward.

Nte mme adausuŋ ye iwaad eduakde mbono eke iwaad, mmɔ ana enam mme mbet esinede ke ibuot-nwed emi ye mme item emi:

  • Ekeme edikama Ibuot-ikɔ eke iwaad ufɔk Abasi ke isua oro nte ibuot-ikɔ eke mbono oro.

  • Enam edinam-mbre emi asaŋade ye ibuot-ikɔ oro.

  • Ebo unyime eke bishopric mme stake presidency enɔ kpukpru mme etiŋ-ikɔ ye edinam-mbre.

  • Ekut ete ɔyɔhɔ ukpeme eke ikpɔ-owo odu ke kpukpru ini (se 20.7.1).

20.5

Mme Ido ye Ndausuŋ ke Edimek nyuŋ Nduak nam mme Edinam-mbre

20.5.1.

Mme Edinam-mbre Unyam-urua mme eke Mbre-ukara

Owo inyimeke edinam-mbre enimde enɔ unyam-urua mme ke ntak mbre-ukara ekededi (se 35.5.2).

20.5.2.

Mme Unek ye Ikwɔ

Ke kpukpru ikwɔ, ɔfɔŋ, mbana-idem, unwana-ikaŋ, ukot-unek, ikɔ-ikwɔ, ye ikwɔ ana esin ufɔn ke eti ebiet emi Spirit Abasi ekemede edidu.

20.5.3.

Okoneyo eke Monday

Eteme mbon ufɔk Abasi ete enim mme edinam-mbre eke ufɔkemana ke Monday mme ke mme ini efen. Inaha nte enim edinam-mbre, esop ufɔk Abasi, mme mbono baptism ke ebede nkanika Itiokiet mbubreyo ke mme Monday.

20.5.5.

Mme Nsiere-eyo Edinam-mbre

Bishop ye stake president ana enyime nsiere-eyo edinam-mbre eke ebuaha ebɔhɔ mkparawa irenowo ye nkaiferi iban. Ukem oro edi ntre ɔnɔ edinam-mbre eke iren ye iban mbon Ufɔk Abasi emi edide single.

Owo inyimeke enim nsiere-eyo edinam-mbre ke esit mme ke anwa-esien eke Ufɔk Abasi.

20.5.8.

Edinim eke Usen-Sabbath

Iduhe nna-ekɔŋ, edinam usiŋe-idem, mme edinam mduɔk-odudu emi ekpenimde ke Sunday. Nko iduhe eboho iwaad ye mbon efen ekpekade mme enyongde isaŋ eto mme nna-ekɔŋ mme mbono iwaad ke Sunday.

20.5.10.

Edika ke Temple

Enam Edika temple ke ndaha ward mme stake ke temple district emi enimde te eka.

20.6

Mme Ido ye Ndausuŋ ke Edinɔ-okuk ke mme Edinam

20.6.1.

Mme Edinam emi Ward mme Stake edade Okuk Budget Enam

Ana eda okuk budget eke ward mme stake ekpe enɔ kppukpru mme edinam-mbre—ye eke efepde emi ebatde ke 20.6.2.

20.6.2.

Edikpe-okuk nnɔ Nna-ekong eke Iwaad

Edieke budget eke ward mme stake minyeneke okuk ikikem inɔ edinam-mbre emi ebatde ke idak emi, mme adasusng ekeme edidɔhɔ mme andibuana ete ekpe ubak okuk mme ofuri ibat okuk oro:

  • Nna-ekɔŋ eke Itie-oku Aaron eke isua kiet mme mbiet edinam-mbre ntre.

  • Nna-ekɔŋ eke Nkaiferi Iban eke isua kiet mme mbiet edinam-mbre ntre.

  • Nna-ekɔnŋ eke usen kiet mme mbiet edinam ntre nno nditɔ-ŋwɔŋ Primary eke isua Itiaita kesim Duopekiet.

Inaha nte okuk ebiatde mme edika-isaŋ eke nna-ekɔŋ ke isua kiet enehede okpon. Owo edinana okuk inaha nte akpan owo ufɔk Abasi ke abuana.

20.6.3.

Edikpe-okuk nnɔ mme Mbono eke FSY

Ekeme edidɔhɔ iwaad ete etip ekpri-okuk man eka mme mbono eke Kabaŋa Nsɔŋidem eke Iwaad (FSY). Edieke udua-okuk edinamde iwaad man okubuana, bishop ekeme edida okuk budget ward ekpe ofuri mme ubak ekpri-okuk emi. Seke FSY.ChurchofJesusChrist.org.

20.6.5.

Mme Edinam eke Utip-okuk

Esida okuk budget ekpe se ebiatde ke edinam-mbre eke stake mme eke ward. Nte ededi, stake president mme bishop ekeme edinyime edinam editip-okuk ke isua kiet-kiet ɔnɔ mme ntak emi kpot;

  • Man anwam ekpe okuk ɔnɔ mme edinam-mbre emi ebatde ke 20.6.2.

  • Man anwam edep ŋkpɔ-utom emi nkɔk oro eyomde enɔ mme nna-ekɔŋ eke isua kiet.

20.7

Mme Ido Ukpeme ye Item nnɔ Edinam-mbre

20.7.1.

Ukpeme eke Ikpɔ-owo

Ekpedi ana ikpɔ-owo iba edu ke kpukpru edinam-mbre Ufɔk Abasi emi nditɔ-ŋwɔŋ ye iwaad edukde. Ekeme ediyom ikpɔ-owo efen ke esede ndaha eboho, ikikke emi eyomde enɔ edinam-mbre oro, mme ŋkpɔ efen. Eteme mme mme ete ye eka ete enwam.

Kpukpru mbon emi enamde utom ye nditɔ-ŋwɔŋ ye iwaad ana ekure ukpepŋkpɔ edikpep nditɔ-ŋwɔŋ ye iwaad. Seke ProtectingChildren.ChurchofJesusChrist.org.

20.7.2.

Ndaha Isua-eyomde ke Edibuana ke mme Edinam-mbre eke Iwaad

Ye uynime eke ete ye eka mmɔ, iwaad ekeme edika nsiere-eyo nna-ekɔŋ tɔŋɔde ke Januanry eke isua mmɔ esimde isua Duopeba. Mmɔ ekeme edika unek, mbono eke iwaad, ye mme mbono FSY tɔŋɔde ke January eke isua emi mmɔ esimde isua Duopenaŋ.

20.7.4.

Unyime eke Ete ye Eka

Nditɔ-ŋwɔŋ ye iwaad ekeme edibuana ke edinam-mbre eke Ufɔk Abasi ke mibɔhɔ unyime eke ete ye eka mme andikpeme mmɔ. Eke edinam-mbre Ufɔk Abasi emi esinede edidaŋ nsiere-eyo, anyan usuŋ-isaŋ, mme okponde akan ekpri ndik, odot edibɔ ewewet unyime.

Mme ete ye eka mme andikpeme enɔ unyime emi ke ediwet idiŋɔ-enyiŋ ke Ŋwed Unyime ye Edinɔ Usɔbɔ-idem.

20.7.5.

Edibuk mbaŋa Ndubiara

Ana etiŋ ndubiara ekededi emi etibede kini edinam-mbre eke ufɔk Abasi eno mbon-mbet ukara. Ana ekoot bishop ke ndo-ndo oro. Mme item eke mbon ufɔk Abasi edu ke 38.6.2.7. Mme item eke mme bishop edu ke 38.6.2.1.

20.7.6.

Mme Item Ukpeme, Edinwam ke Unɔmɔ, ye Edibuk mbaŋa Unɔmɔ

20.7.6.1

Mme Item Ukpeme

Mme adausuŋ ye andibuana enehede ese man ekut ke esisit mfina eke unan mme udɔŋɔ edidu. Mme edinam-mbre nko esine esisit mfina eke edibiat inyene. Kini edinam-mbre, mme adausuŋ enam ofuri ukeme man edibɔhɔ odu.

20.7.6.2

Edinwam ke Unɔmɔ

Edieke unɔmɔ mme unan etibede ke ebiet Ufɔk Abasi mme kini edinm-mbre ke Ufɔk Abasi, mme adadusuŋ ese mme item emi, nte edinamde:

  • Enɔ ebe-iso unwam. Edieke owo oro oyomde usɔbɔ-idem efen, ekut mbon nduari utom usɔbɔ-idem. Nko ekut ete ye eka, andikpeme, mme adia-akpan eken ye bishop mme stake president.

  • Edieke owo osopde mme akpade, esɔsɔp enɔ mbon mbet eke obio etop.

  • Enɔ unwam eke ekikere.

  • Ekudɔŋ mme editre edidɔŋ edinam eke mbet. Ekunam ubiere-edinyime ke ibuot Ufɔk Abasi.

  • Eboho enyuŋ enim enyiŋ mme ntiense, etop edikut mmɔ, ibat ke se iketibe, ye mme ndise.

  • Enɔ etop kabaŋa unɔmɔ oro (se 20.7.6.3).

20.7.6.3

Edibuk Unɔmɔ

Ana enɔ mbuk ke ndaha emi ke nkpo-ofim ke incidents.ChurchofJesusChrist.org.

  • Unɔmɔ mme unan etibe ke ebiet Ufɔk Abasi mme kini edinam-mbre eke Ufɔk Abasi.

  • Owo emi akabuanade ke edinam-mbre eke Ufɔk Abasi osopde.

  • Ebiat inyene Ufɔk Abasi ke ndibe, anwa-anwa kini edinam-mbre eke Ufɔk Abasi.

  • Edibiat mme ediyom edinam ikpe-esop.

Edieke edinam ɔwɔrɔde ke akamba unan, nkpɔ-mkpa, mme owo osopde, stake president, bishop, mme owo ufɔk Abasi emi ɔdɔŋde eyesɔsɔp etɔt area office.

20.7.6.4

Edinwaŋ ye Mbume

Edieke unan etibede kini edinam eke Ufɔk Abasi, mme adausuŋ edibiere mme eyeyom ŋkpɔ Unwam Edinam Usɔbɔ-idem eke Ufɔk Abasi.

Ke usuk ndaha, stake president mme bishop ekeme edinyene mbume kabaŋa ŋkpɔ edibɔhɔ mme edibɔ Ufɔk Abasi unen-usiene. Stake president (bishop ke idak ndausuŋ esie) ayak oruk mbume oro ɔnɔ Ikpehe Ediyɔ Afanikɔŋ mme esɔk area office.

20.7.7.

Uka-isaŋ

Ana bishop mme stake president enyime edika-isaŋ ke mme edinam-mbre eke Ufɔk Abasi. Uka-isaŋ inaha nte edi mbiomo ɔnɔ mbon ufɔk Abasi. Owo inyimeke eka anyan-isaŋ enɔ mme edinam-mbre.

Ke ekemede, mme eboho ke Ufɔk Abasi ana eda ukpe-ukpe ŋkpɔ-isaŋ ke edika anyan-isaŋ. Ŋkpɔ-isaŋ oro ana enyene ŋwed ye ukpeme eke mbet edinwaŋ.

Ini emi mme eboho Ufɔk Abasi ekade-isaŋ ye ŋkpɔ-isaŋ eke owo, ŋkpɔ-isaŋ kiet-kiet enyene edidu ke eti ndaha. Owo kiet-kiet ana eyire mkpaha ŋkpɔ-isaŋ. Awat ŋkpɔ-isaŋ kiet-kiet ana enyene ŋwed, edi eti akamba owo.