Mme Nwed Ndutum ye mme Ikoot
21. Edinɔ-unwam

.“21. Edinɔ-unwam,” Mme ŋkpɔ se Emekde eto Ofuri Ŋwed Ndutum (2023).

.“21. Edinɔ-unwam,” Mme ŋkpɔ se Emekde eto Ofuri Ŋwed Ndutum

Ndise
irenowo emenede itiat

21.

21. Edinɔ-unwam

21.0

Ntɔŋɔ

Edinɔ-unwam oworo edinam-ŋkpɔ nnɔ mbon efen ke nte Andinyanŋa akanamde (se Matthew 20:26–28).

Jehovah oyom ofuri mbon Ufɔk Abasi Esie ebɔ oruk ukpeme oro. Ke ntak emi, edoŋ mme akama itie-oku nte ɔnɔ-unwam nditɔ-eka irenowo esɔk ufɔkiduŋ eke owo ufɔk Abasi kiet-kiet. Edong mme ɔnɔ-unwam nditɔ-eka iban esɔk ikpɔ nditɔ-eka iban kiet-kiet.

21.1

Mme Ubiɔŋutom eke mme Ono-unwam Nditɔ-eka Iban ye Iren

Mme ɔnɔ-unwam ndito-eka iban ye irenowo enyene mme ubiɔnŋ-utom emi enɔ owo kiet-kiet ye mme ufɔkemana emi edɔŋde mmɔ ete eka:

  • Anwam ɔsɔŋɔ mbuɔtidem mmɔ ke Ete Heaven ye ke Jesus Christ.

  • Anwam mmɔ ebenŋe-idem man enam enyuŋ enim ndisana ediomi ye Abasi ke nte mmɔ ebɔde edinam ikɔ Abasi.

  • Ediɔŋɔ unana enyuŋ enɔ mbiet ima, ukpeme ye utom-unwam eke Christ.

  • Anwam mmɔ ndikabare nda-ke-idem ke ŋkpɔ-spirit ye ŋkpɔ-ikpɔkidem.

21.2

Editum Unɔ-unwam

21.2.1.

Edi-nam mme Ubiɔŋ unɔ-unwam

Mme presidency eke Eboho Elders ye Relief Society eda akam ekere-ebaŋa mme ubiɔŋ eke ɔnɔ-unwam ndito-eka irenowo ye iban. Mmo esiwak ndidɔŋ nditɔ-eka irenowo iba ye nditɔ-eka iban iba nte mme nsaŋa. Mmɔ eyom unyime eke bsihop enɔ mme nsaŋa ye ubiɔŋ unɔ-unwam.

Ekeme edidɔŋ ebe ye nwan ndɔ ete enwam ɔtɔkiet enɔ owo mme ufɔkemana.

Owo ikotke, inyimeke, mme imekke mme ɔnɔ-unwam nditɔ-eka irenowo ye iban.

21.2.2.

Ubiɔŋ unɔ-unwam eke Iwaad

Nkaiferi ŋwan ekeme edidi nsaŋa ɔnɔ-unwam ye eyeneka nwan eke Relief Society kini nkaiferi nwan oro enyenede-udɔŋ onyuŋ ekemede. Enye ekeme editɔŋɔ ke isua emi enye esimde isua Duopenaŋ.

Akparawa eren anam-utom nte nsaŋa ɔnɔ-unwam ye akama Itie-oku Melchizedek kini emekde enye esin ke itie-utom nte teacher mme priest.

21.3

Edisobo Nduŋɔre Unɔ-unwam

President eke eboho elders ye mme ɔnɔitem esie eduŋɔre mme ɔnɔ-unwam nditɔ-eka irenowo. President eke Relief Society ye mme ɔnɔitem esie eduŋɔre mme ɔnɔ-unwam nditɔ-eka iban.

Enim mme nduŋɔre emi ekpedi inikiet ke ɔfiɔŋ ita.

Ntak mmo edi:

  • Ndinɔ-item mbaŋa ɔsɔŋɔ, unana, ye mme mfina eke mme owo ye ufɔkemana emi enɔde ubiɔŋ.

  • Eneme mme usuŋ man enwam mme owo ebeŋe-idem man ebɔ mme edinam ikɔ Abasi edieke eyomde.

  • Ekere-ebaŋa nte eboho elders, Relief Society, mbono-esop eke ward, ye mbon efen ekpenwamde.

  • Ekpep enyuŋ eteme mme ɔnɔ-unwam ndito-eka irenowo ye iban.

21.4

Editum Utom Unɔ-unwam

Mme presidency eke Relief Society ye eboho Elders esobo ɔtɔkiet ekpedi inikiet ke ɔfiɔŋ ita. Mmɔ efiak-ese se mmɔ ekekpede ke mme nduŋɔre unɔ-unwam (se 21.3). Mmɔ nko enehede mme ubiɔŋ edinɔ-unwam.

Ke mme ebiet emi esisit ɔsɔŋidem mbon ufɔk Abasi edude, mme presidency eke Relief Society ye eboho elders ekeme edibiere editre edinɔ mme ɔnɔ-unwam nditɔ-eka iban ye ɔnɔ-unwam ndito-eka irenowo mbiba esɔk usuk mbon ufɔk Abasi.