జీవించియున్న వారి కొరకు దేవాలయ విధులు

యోగ్యమైన క్రొత్త వయోజన సభ్యులు వారి నిర్ధారణ తేదీ నుండి కనీసం ఒక పూర్తి సంవత్సరం తరువాత వారి వరమును పొందవచ్చు.

ఈ క్రింది షరతులు నెరవేర్చబడినప్పుడు, యోగ్యులైయుండి వరము పొందని జీవిత భాగస్వామిని కలిగియున్న సభ్యుడు అతని లేదా ఆమె స్వంత వరమును పొందవచ్చు:

• వరము పొందని జీవిత భాగస్వామి అతని లేదా ఆమె సమ్మతిని తెలియజేసినప్పుడు.

• దేవాలయ నిబంధనలతో వచ్చే బాధ్యతలు వివాహానికి అంతరాయం కలిగించవని సభ్యుడు, బిషప్పు మరియు స్టేకు అధ్యక్షుడు నమ్మకంగా ఉన్నప్పుడు.

జీవిత భాగస్వామి సంఘములో సభ్యులైనా కాకపోయినా ఈ షరతులు వర్తిస్తాయి.

మేధోపరమైన వైకల్యాలు ఉన్న సభ్యులు వారి స్వంత వరమును ఈ క్రింది విధంగా పొందవచ్చు:

• వారు అన్ని ముందస్తు విధులను స్వీకరించియుంటే (26.3.1 చూడండి).

• సంబంధిత నిబంధనలను అర్థం చేసుకోవడానికి, చేయడానికి మరియు పాటించడానికి వారికి మేధో సామర్థ్యం ఉండాలి.

బిషప్పు సభ్యునితో మరియు వర్తించే చోట అతని లేదా ఆమె తల్లిదండ్రులతో చర్చిస్తారు. అతను ఆత్మ యొక్క నిర్దేశాన్ని కూడా కోరుకుంటాడు. అతను స్టేకు అధ్యక్షుడితో చర్చించవచ్చు.

ఒక సభ్యుడు దేవాలయంలోకి ప్రవేశించడానికి మరియు వరమును పొందడానికి జీవించియున్న వారి విధుల కోసం తప్పనిసరిగా సిఫారసును అందుకోవాలి. ఈ సిఫారసుల గురించి సమాచారం కోసం, 26.5.1 చూడండి.

వరమును పొందాలనుకునే సభ్యులు విధులను షెడ్యూల్ చేయడానికి ముందుగానే దేవాలయాన్ని సంప్రదించాలి.

వారి స్వంత వరమును స్వీకరించే సభ్యులు అదే లింగానికి చెందియుండి వరము పొందిన ఒక సభ్యుడిని తోడుండేవారి‌గా వ్యవహరించడానికి మరియు వరము సభలో వారికి సహాయం చేయడానికి ఆహ్వానించవచ్చు. తోడుండేవారు తప్పనిసరిగా ప్రస్తుత దేవాలయ సిఫారసు కలిగియుండాలి. అవసరమైతే దేవాలయం తోడుండేవారిని ఏర్పాటు చేస్తుంది.

మేధోపరమైన వైకల్యాలు ఉన్న సభ్యులు వారి జీవిత భాగస్వామి, కాబోయే భర్త లేదా కాబోయే భార్యతో ముద్ర వేయబడవచ్చు, అయితే:

• వారు వరముతో సహా అన్ని ముందస్తు విధులను పొందియుండాలి (27.2.1.3 చూడండి).

• సంబంధిత నిబంధనలను అర్థం చేసుకోవడానికి, చేయడానికి మరియు పాటించడానికి వారికి మేధో సామర్థ్యం ఉండాలి.

సభ్యునితో మరియు అతని లేదా ఆమె జీవిత భాగస్వామి, కాబోయే భర్త లేదా కాబోయే భార్యతో బిషప్పు చర్చిస్తారు. అతను ఆత్మ యొక్క నిర్దేశాన్ని కూడా కోరుకుంటాడు. అతను స్టేకు అధ్యక్షుడితో చర్చించవచ్చు.

ఒక సభ్యుడు అతని లేదా ఆమె జీవిత భాగస్వామితో ముద్ర వేయబడడానికి తప్పనిసరిగా జీవించియున్న వారి విధుల కోసం సిఫారసును పొందియుండాలి. ఈ సిఫారసుల గురించి సమాచారం కోసం, 26.3 చూడండి.

వివాహం చేసుకోవాలని లేదా జీవిత భాగస్వామితో ముద్ర వేయబడాలని అనుకుంటున్న సభ్యులు విధులను షెడ్యూల్ చేయడానికి ముందుగానే దేవాలయాన్ని సంప్రదించాలి.

వివాహం చేసుకునే ముందు, ఒక జంట తప్పనిసరిగా చట్టబద్ధమైన వివాహ అనుమతిని పొందాలి, అది వివాహం జరిగే చోట చెల్లుతుంది. ఒకే వేడుకలో ఒక జంట వివాహమాడాలని మరియు ముద్ర వేయబడాలని ప్రణాళిక చేస్తే, వారు చెల్లుబాటు అయ్యే వివాహ అనుమతిని దేవాలయానికి తీసుకురావాలి.

పౌర వివాహం తర్వాత ముద్ర వేయబడిన జంటలు దేవాలయానికి వివాహ అనుమతిని తీసుకురావాల్సిన అవసరం లేదు. బదులుగా, వారు రికార్డు ధృవీకరణ ప్రక్రియలో భాగంగా వారి పౌర వివాహం యొక్క తేదీ మరియు స్థానాన్ని అందిస్తారు.

వధువు అలంకారమందిరములో ఆమెకు సహాయం చేయడానికి వరము పొందిన సోదరి ఆమెతో పాటు రావచ్చు. వరుడి కోసం వరము పొందిన సోదరుడు అదే చేయవచ్చు. తోడుండేవారు తప్పనిసరిగా ప్రస్తుత దేవాలయ సిఫారసు కలిగియుండాలి. అవసరమైతే దేవాలయం తోడుండేవారిని ఏర్పాటు చేస్తుంది.

దేవాలయ వివాహం లేదా ముద్ర సాధారణంగా ఒక ముద్రవేయువ్యక్తి చేత నిర్వహించబడుతుంది, అతను ఆ జంట వివాహమాడే లేదా ముద్ర వేయబడే దేవాలయానికి నియమించబడియుంటాడు. కుటుంబ సభ్యుడు లేదా పరిచయస్తులు ముద్రవేయు అధికారాన్ని కలిగియుంటే మరియు ఆ జంట వివాహమాడే లేదా ముద్ర వేయబడే దేవాలయానికి నియమించబడియుంటే, వివాహం చేయడానికి లేదా ముద్ర వేయడానికి వారు అతన్ని ఆహ్వానించవచ్చు.

వధువు దుస్తులు. దేవాలయంలో ధరించే వధువు దుస్తులు తెల్లగా ఉండాలి, అల్లిక మరియు నేతలో నిరాడంబరంగా ఉండాలి మరియు విస్తృతమైన ఆభరణాలు లేకుండా ఉండాలి. అది దేవాలయ వస్త్రాన్ని కూడా కప్పి ఉంచాలి. పల్చని వస్త్రం అస్తరు వేయబడియుండాలి.

దేవాలయంలో ధరించే ఇతర దుస్తులకు అనుగుణంగా ఉండటానికి, వధువు దుస్తులు పొడవాటి లేదా మూడొంతుల చేతులను కలిగి ఉండాలి. ముద్ర వేడుక కోసం దుస్తులు పిన్ను పెట్టుకొనేలా లేదా తీసివేయబడేలా ఉండాలి తప్ప వాటి వెనుక వ్రేలాడే వస్త్రము ఉండకూడదు.

అవసరమైతే లేదా కావాలంటే దేవాలయం దుస్తులు సమకూర్చగలదు.

వరుడి దుస్తులు. వివాహం లేదా ముద్ర వేడుకలో వరుడు సాధారణ దేవాలయ దుస్తులను ధరిస్తాడు (38.5.1 మరియు 38.5.2 చూడండి).

అతిథుల దుస్తులు. వివాహం లేదా ముద్ర వేడుకకు హాజరయ్యే వారు సంస్కార సమావేశానికి ధరించే దుస్తులను ధరించాలి. వరము సభ నుండి నేరుగా ముద్రకు వచ్చే సభ్యులు దేవాలయ వేడుక దుస్తులను ధరించవచ్చు.

పువ్వులు. వివాహం లేదా ముద్ర వేడుక సమయంలో జంట మరియు వారి అతిథులు పువ్వులు ధరించకూడదు.

ఉంగరాలు మార్చుకోవడం దేవాలయ ముద్ర వేడుకలో భాగం కాదు. అయితే, ముద్రవేయు గదిలో వేడుక తర్వాత జంటలు ఉంగరాలు మార్చుకోవచ్చు. జంటలు దేవాలయంలో మరే ఇతర సమయంలో లేదా ప్రదేశంలో లేదా దేవాలయ మైదానంలో ఉంగరాలు మార్చుకోకూడదు.

ఒకే వేడుకలో వివాహం చేసుకొని, ముద్ర వేయబడిన జంటలు దేవాలయ వివాహానికి హాజరుకాలేని కుటుంబ సభ్యులకు వసతి కల్పించడానికి తరువాత సమయంలో ఉంగరాలు మార్చుకోవచ్చు. మార్పిడి దేవాలయ వివాహం లేదా ముద్ర వేడుకలో ఏదైనా భాగాన్ని పునరావృతం చేయకూడదు. దేవాలయంలో వివాహం చేసుకున్న తర్వాత లేదా ముద్ర వేయబడిన తర్వాత జంట ప్రమాణాలు మార్చుకోకూడదు.

దేవాలయంలో ముద్రకు ముందు పౌర వివాహం చేసుకున్న జంటలు వారి పౌర వేడుకలో, వారి దేవాలయ ముద్రలో లేదా రెండు వేడుకలలో ఉంగరాలను మార్చుకోవచ్చు.