ከአባላት ጋር የሚደረጉ ቃለ መጠይቆች እና ሌሎች ስብሰባዎች

በጸሎት፣ በቅዱሳት መጻህፍት ጥናት እና በቅድስና በመኖር ራሳችሁን በመንፈስ አዘጋጁ። የመንፈስ ቅዱስን ሹክሹክታ አድምጡ።

አባላት ለቃለ መጠይቅ ወይም ለግል ችግራቸው እርዳታ ለማግኘት ወደ እናንተ ሲመጡ፣ ብዙ ጊዜ ከሁሉም በላይ የሚፈልጉት የሰማይ አባት እንደሚወዳቸው ማወቅን ነው።

ቅዱሳት መጻህፍት እና የኋለኛው ቀን ነቢያት ቃል መንፈስን ይጋብዛሉ እንዲሁም ንጹህ ትምህርትን ያስተምራሉ። ለመውቀስ፣ ለማስገደድ ወይም ለማስፈራራት ሳይሆን ለማነሳሳት ተጠቀሙባቸው (ሉቃስ 9፥56 ይመልከቱ)።

አበላት ወደእርሱ እንዲመለሱ አበረታቱ። ኃይሉን ለማጠናከር፣ ለማፅናናት እና ለማዳን መጠቀም እንዲችሉ እርዷቸው።

በቃለ መጠይቅ ወይም በስብሰባ ወቅት ሁልጊዜ ሌላ ሰው እንዲገኝ ለአባሉ ምርጫ ስጡ። የተቃራኒ ጾታ ካለው ሰው፣ ከልጅ ወይም ከወጣት ጋር ስትሰበሰቡ ወላጅ ወይም ሌላ ትልቅ ሰው መኖሩን አረጋግጡ። ስብሰባውን በሚካፈለው አባል ምርጫዎች ላይ በመመስረት እርሱ ወይም እርሷ ስብሰባውን መቀላቀል ወይም ከክፍል ውጭ መጠበቅ ይችላል/ትችላለች።

የትዳር አጋራችሁን ወይም ሌሎች የቤተክርስቲያን መሪዎችን ጨምሮ፣ አባሉ ካልፈቀደ በስተቀር ሚስጥራዊ መረጃን ለማንም ጋር አታካፍሉ።

ከአንድ አባል ጋር ስትሰበሰቡ የእርሱን ወይም የእርሷን ሁኔታ ለመገንዘብ የሚረዷችሁን ጥያቄዎች ጠይቁ።

አባሉ በሚናገርበት ጊዜ በጥንቃቄ እንዲሁም በትኩረት አዳምጡ።

ለአባላቶቻችሁ ካላችሁ ፍቅር የተነሳ ለችግሮቻቸው ወዲያውኑ መፍትሄ ለመስጠት ትፈልጋላችሁ። ሆኖም የራሳቸውን መፍትሄ እንዲፈልጉ እና የራሳቸውን ውሳኔ እንዲወስኑ በመርዳት የበለጠ ትባርኳችኋላችሁ (ትምህርት እና ቃል ኪዳኖች 9፥8ን ይመልከቱ)።

አንድ ሰው ከባድ ኃጢአቶችን እንዲፈታ የሚረዳው ኤጲስ ቆጶሱ ወይም የካስማ ፕሬዚዳንቱ ብቻ ነው። ከእነዚህ አንዳንዶቹ በ32.6 ውስጥ ተዘርዝረዋል። አባሉ/ሏ ከእነዚህ ኃጢአቶች አንዱን የሰራ/ች ከሆነ/ች፣ እርሱ ወይም እርሷ ኤጲስ ቆጶሱን ወይም የካስማ ፕሬዚዳንቱን በአፋጣኝ ማግኘት አለባቸው።

በማንኛውም ዓይነት መልክ ያለ ጥቃትን መታገስ አይቻልም። የጥቃት ሪፖርቶችን በቁም ነገር ያዙ። አንድ ሰው ጥቃት እንደደረሰበት ካወቃችሁ፣ ጥቃቱን ለመንግስት ባለሥልጣናት አሳውቁ እንዲሁም ኤጲስ ቆጶሱን አማክሩ። ጥቃትን ሪፖርት ማድረጊያ እና ለጥቃት ምላሽ መስጫ መመሪያዎች በ 38.6.2ውስጥ ቀርበዋል።

በአጠቃላይ የቤተክርስቲያን መሪዎች አባላትን ቃለ መጠይቅ የሚያደርጉት የሚከተሉትን ለመወሰን ነው፦

• አንድን ሥርዓት ለመቀበል ወይም በዚያ ሥርዓት ላይ ለመሳተፍ ዝግጁ ስለመሆናቸው።

• በቤተክርስቲያን ውስጥ በአንድ የሥራ መደብ ላይ መጠራት ካለባቸው።

ለተጨማሪ መረጃ፣ 18.10.2ን ይመልከቱ።

ቤተመቅደስ የጌታ ቤት ነው። ቤተመቅደስ መግባት እና በዚያም በሥርዓቶች መሳተፍ የተቀደሰ ዕድል ነው። ይህ እድል ስልጣን የተሰጣቸው የክህነት መሪዎች በሚወሰኑት መሠረት በመንፈስ ለተዘጋጁ እና በጌታ መሥፈርቶች ለመኖር ለሚጥሩ የተሰጠ ነው።

ይህንን ውሳኔ ለማድረግ፣ የክህነት መሪዎች በLCR [በመሪ እና በጸሀፊ ምንጭ] ውስጥ ያሉትን ጥያቄዎች በመጠቀም አባሉን ቃለ መጠይቅ ያደርጋሉ (በ26.3 ውስጥ ያሉትን መመሪያዎች ይመልከቱ)።

የካስማ ፕሬዚዳንቱ የመልከ ጼዴቅ ክህነትን የመስጠት የክህነት ቁልፎች አሉት። በተጨማሪም በሽማግሌ እና በሊቀ ካህን ክፍሎች ለመሾም የሚያስችል የክህነት ቁልፎች አሉት።

በካስማ አመራሩ ፈቃድ፣ ኤጲስ ቆጶሱ በMelchizedek Priesthood Ordination Record [መልከ ጼዴቅ ክህነት ሹመት መዝገብ] ውስጥ የተቀመጡትን ጥያቄዎች በመጠቀም አባሉን ቃለ መጠይቅ ያደርገዋል።

ኤጲስ ቆጶሱ ወይም ከአማካሪዎቹ አንዱ ከእያንዳንዱ ወጣት ጋር በዓመት ሁለቴ ይገናኛል። በእያንዳንዱ ዓመት ከሚደረጉት ከእነዚህ ስብሰባዎች ቢያንስ አንዱ ከኤጲስ ቆጶሱ ጋር መሆን አለበት። ወጣቱ 16 ዓመት ከሚሞላው ዓመት ጀምሮ፣ በዓመቱ የሚደረጉት ሁለቱም ስብሰባዎች የሚቻል ከሆነ ከኤጲስ ቆጶሱ ጋር መደረግ አለባቸው።

በተጨማሪም የወጣት ሴቶች ፕሬዚዳንቷ እያንዳንዷን ወጣት ሴት የማገልገል ኃላፊነት አለባት። ይህንንም ከወጣት ሴቶች ጋር አንድ ለአንድ በመገናኘት (ወይም ሌላ ጎልማሳ ባለበት) ማድረግ ትችላለች።

ኤጲስ ቆጶሱ በአጥቢያው ላሉ ያላገቡ ወጣት ጎልማሶች መንፈሳዊ እድገት ትልቅ ቦታ ይሰጣል። እርሱ ወይም የተመደበው አንድ አማካሪ ከእያንዳንዱ ያላገባ ወጣት ጎልማሳ ጋር ቢያንስ በዓመት አንዴ ይገናኛል።

የካስማ አመራሮች፣ የኤጲስ ቆጶስ አመራሮች እና ሌሎች መሪዎች ስለጥሪያቸው ለእነርሱ ሪፖርት ከሚያደርጉ አባላት ጋር በግል ይገናኛሉ።

መሪው አባላቱ ለሚሰጡት አገልግሎት ምስጋናውን ይገልጻል እንዲሁም ማበረታቻ ይሰጣል።

የቤተክርስቲያን መሪዎች የተጠሩት በሙያው የሰለጠኑ አማካሪዎች እንዲሆኑ ወይም ህክምና እንዲሰጡ አይደለም። የሚሰጡት በኢየሱስ ክርስቶስ የሚያጠነክር፣ የሚያፅናና እና የሚያድን ኃይል ላይ የሚያተኩር መንፈሳዊ ድጋፍ ነው። ከዚህ አስፈላጊ እና በመንፈስ የተነሳሳ እርዳታ በተጨማሪ፣ የሚገኝ ሲሆን አንዳንድ አባላት ከሙያዊ ምክር ሊጠቀሙ ይችላሉ።