“31. Mme Nduŋɔre ye mme Esop Efen ye Mbon Ufɔk Abasi,” Mme ŋkpɔ se Emekde eto Ofuri Ŋwed Ndutum (2023).
“31. Mme Nduŋɔre ye mme Esop Efen ye Mbon Ufɔk Abasi,” Mme ŋkpɔ se Emekde eto Ofuri Ŋwed Ndutum
31.
Mme Nduŋɔre ye mme Esop Efen ye Mbon Ufɔk Abasi
31.0
Ntɔŋɔ
Jesus Christ ama esiwak edinwam mbon efen ke idem owo kiet-kiet (se, nte uwutnkpo, John 4:5–26; 3 Nephi 17:21). Enye ama-ma nditɔ Abasi kiet-kiet. Enye anwam mmɔ owo kiet-kiet.
Ibuot nwed emi ekeme edinwam kpukpru me adausuŋ emi enyenede nti-ifet edisobo ye mbon ufɔk Abasi owo kiet-kiet.
31.1
Item Ido-mbet
31.1.1
Beŋe-idem ke Spirit
Benge-idem mbufo ke spirit oto ke akam, edikot ikɔ Abasi, ye edidu edinen uwem. Ekpaŋ-utɔŋ enɔ suŋ-suŋ uyo eke Edisana Spirit.
31.1.2
Nwam Mbon Ufɔk Abasi Edikop Ima Abasi
Ini emi mbon ufɔk Abasi ebinede fi eyom nduŋɔre mme unwam ke mfina mmɔ, se mmɔ ewak edinehede nyom edi ndidiɔŋɔ ke Ete Heave ama mmɔ.
Ŋwed Abasi ye mme ikɔ eke mme prophet eke ekpere edem usen ada Spirit edi onyuŋ ekpep nsasana ukpep-ŋkpɔ. Ekama mmo man enɔ-ɔsɔŋɔ ye item, idihe edisua-nnɔ, mfiik, mme edinam okop ndik (seke Luke 9:56).
31.1.3
Nwam Mbon Ufɔk Abasi Edikut Odudu Andiyaŋa
Eteme mbon ufɔk Abasi ete ewɔŋɔre etiene Enye. Enwam mmɔ edidudri nto odudu Esie man esɔŋɔ-eda, edɔŋ-esit, enyuŋ enɔ-erifak.
31.1.4
Nwam Mbon Ufɔk Abasi Edikop Ndɔŋesit ye Ubɔhɔ
Kpukpru ini enɔ mbon ufɔk Abasi ufaŋ edinyene owo efen odu do kini nduŋɔre mme esop. Kini osobode ye owo ufɔk Abasi eke nsak-iso oruk, eyen-ɔwɔŋ, mme iwaad, ekut ete ke ete mme eka mme akamba owo efen odu do. Enye ekeme edibuana ke esop oro mme edibet ke ubet efen, ɔkɔŋɔde ke nte owo ufɔk Abasi oro oyomde ye owo emi afo osobode.
Ku-buana ndedibe etop ye owo ekededi—esinede ebe mme nwan fo mme adausung efen ke Ufɔk Abasi—ibɔhɔke owo oro ɔnɔ unyme.
31.1.5
Bup Nti Mbume yuŋ Nehede nnɔ Mkpaŋ-utɔŋ
Kini osobode ye owo ufɔk Abasi, bup mme mbume emi edinwamde afo edidiɔŋɔ enye ye ndaha-itie esie.
Kini owo emi etiŋde-ikɔ, nehede nnɔ kpaŋ-utɔŋ ata eti-eti.
31.1.6
Teme Edida-ke-idem
Ke ntak ima emi afo enyenede ɔnɔ mbon ufɔk Abasi, afo emekeme edisɔsɔp nnɔ mme ibɔrɔ ke mme mfina mmɔ. Nte ededi, afo eyediɔŋ mmo awak ke edinwam mmɔ edikut mme ibɔrɔ ke idem mmoɔ nyuŋ nam mme ubiere eke idem mmɔ (se Doctrine ye Covenants 9:8).
31.1.7
Sɔŋɔ Ukeme man Ekabare-esit
Bishop ye stake president kpɔt ekeme edinwam owo akan-ebiere ke mme ikpɔ idiɔk-ŋkpɔ. Ebat usuk mmɔ emi ke 32.6. Edieke owo ufɔk Abasi ama akanam kiet kotu mme idiɔk-ŋkpɔ emi, enye ke usɔp enyene edisobo ye bishop mme stake president.
31.1.8
Nehede nnɔ Eti-ibɔrɔ kabaŋa Edibiat
Owo ikemeke ediyɔ ndubiara ke ndaha ekededi. Da mme etop ndubiara nte akpan-ŋkpɔ. Edieke afo edifiɔkde ete ke ema ebiat owo, tiŋ ndubiara oro nnɔ ukara obio yuŋ nneme ye bishop. Enɔ mme item ke editiŋ nyuŋ nnɔ-ibɔrɔ ke ndubiara ke 38.6.2.
31.2
Mme Nduŋɔre
31.2.1
Ntak enamde Nduŋɔre
Ke ofuri-ofuri, mme adausuŋ ufɔk Abasi esiduŋɔre mbon ufɔk Abasi man ebiere mme mmɔ:
-
Ebeŋe-idem edibɔ mme edibuana ke edinam-ikɔ Abasi.
-
Edot edikot nsin ke itie-utom ke Ufɔk Abasi.
31.2.2
Mme Oruk Nduŋɔre
|
Anie ekeme edi-nam nduŋɔre oro |
Ufɔn nduŋɔre oro |
|---|---|
Anie ekeme edi-nam nduŋɔre oro Bishop kpɔt | Ufɔn nduŋɔre oro
|
Anie ekeme edi-nam nduŋɔre oro Bishop mme ɔnɔitem emi enye ɔdɔŋde | Ufɔn nduŋɔre oro
|
31.2.3
Mme Nduŋɔre eke Baptism ye Ndori-ubɔk
31.2.3.1
Ndito-ŋwɔŋ Emi Edide Mbon Ufɔk Abasi eke Ŋwed
Bishop akama mme ukpɔhɔde edinim baptism nnɔ mbon ufɔk Abasi ke ŋwed emi edide isua Itiaita ke ward esie. Ke ntak emi, enye mme ɔnɔitem edɔŋde eyeduŋɔre mme owo emi man enim mmɔ baptism:
-
Nditɔ-ŋwɔŋ isua Itiaita emi edide mbon Ufɔk Abasi ke ŋwed.
-
Nditɔ-ŋwɔŋ isua Itiaita eke midihe mbon ufɔk Abasi ke ŋwed edi enyene ete mme eka mme andikpeme emi edide owo ufɔk Abasi.
-
Mbon Ufɔk Abasi eke ŋwed-enyiŋ edide isua Usukkiet mme akande oro emi eketrede baptism oto ke mme unɔmɔ ke mfre.
Ke nduŋɔre emi, owo bishopric oro okut ete eyen-ŋwɔŋ oro ɔfiɔk mme ufɔn eke baptism (se 2 Nephi 31:5–20). Enye nko okut ete ke eyen-ŋwɔŋ oro ɔfiɔk ediomi eke baptism onyuŋ ebiere edidu uwem ntiene ediomi oro (se Mosiah 18:8–10). Inaha nte enye akama asaŋa-asaŋa ibat mbume. Emi idihe nduŋɔre edibire edidot, sia “mkpri nditɔ-ŋwɔŋ iyomke edikabare-esit” (Moroni 8:11).
31.2.3.2
Mme Andikabade-esit
Mission president akama ukpɔhɔde itie-oku eke edinim baptisn nnɔ mme andikabade-esit. Ke ntak emi, full-time missionary kiet eyeduŋɔre:
-
Mme owo isua Usukkiet ye akande oro emi akananam minaha baptism inyuŋ ibɔhɔ ndori-ubɔk. Se 31.2.3.1 nnɔ se-efepde enɔ mbon emi enyenede unɔmɔ ke mfre.
-
Nditɔ-ŋwɔŋ isua Itiaitaye akande oro emi ete ye eka midihe mbon ufɔk Abasi.
-
Nditɔ-ŋwɔŋ isua Itiaita ye akande oro emi enyenede ete ye eka emi edinade baptism onyuŋ ɔbɔ ndori-ubɔk nko.
31.2.4
Mme Nduŋɔre nnɔ Edimek nsin ke Itie-utom ke Itie-oku Aaron
Ke oyomde ediwak etop, se 18.10.2.
31.2.5
Mme Nduŋɔre eke Temple Recommend
Temple edi ufɔk Jehovah. Ediduk temple nyuŋ mbuana ke edinam do edi edisana unen. Enim unen emi enɔ mbon emi ebeŋede-idem ke ŋkpɔ-spirit enyuŋ edomo edi-nam mme ido Abasi, ke nte mme akama-odudu adausuŋ itie-oku ebierede.
Man enam ubiere emi, mme adausuŋ itie-oku eduŋɔre owo ufɔk Abasi oro ke edibup mme mbume ke LCR (se nko mme item ke 26.3).
31.2.6
Mme Nduŋɔre nnɔ Edimek nsin ke Itie-utom ke Itie-oku Melchizedek
Stake president akama mme ukpɔhɔde eke edinɔ Itie-oku Melchizedek. Enye nko akama mme ukpɔhɔde eke edimek nsin ke mme itie-utom eke elder ye akwa oku.
Ke unyime eke stake presidency, bishop oduŋɔre owo ufɔk Abasi oro ke akamade mme mbume emi enɔde ke Ŋwed Edimek-nim ke Itie-oku Melchizedek.
31.3
Mme Nti-ifet Efen eke mme Adausuŋ Esobode ye Mbon Ufɔk Abasi
-
Mbon ufɔk Abasi ekeme edibup man esobo ye adausuŋ ufɔk Abasi kini mmɔ eyomde ndausuŋ spirit mme ndodobi mfina eke idem mmɔ.
-
Bisop mme owo kiet emi enye ɔdɔŋde eyesobo ye owo oro emi enyenede mme unana ke ŋkpɔ-ikpɔkidem (se 22.6).
-
Owo eke bishopric eyesobo ye mbon edide isua Duopekiet ke nte mmo ewɔrɔde ekpɔŋ Primary eka eboho mme deacon mme class eke Nkaiferi Iban.
31.3.1
Edisobo ye Iwaad
Bishop mme kiet kotu ɔnɔitem esie eyesobo ye iwaad kiet akaŋ iba ke isua kiet. Ekpedi nte ededi kiet kotu mme edisobo emi ke isua kiet edi-di ye bishop. Ↄtɔŋɔde ke isua emi iwaad esimde isua Efurekiet, edisobo mbiba oro ana edi ye bishop edieke ekemede.
President eke Nkaiferi Iban nko enyene ubiɔŋ-utom ke edisin-unwam nnɔ nkaiferi ŋwan kiet-kiet. Enye ekeme edi-nam emi ke edisobo ye nkaiferi iban ke-owo ke-owo (mme ye akamba owo efen edidu do).
31.3.1.2
Mme Ibuot-ikɔ se Edinemede
Ata akpan ntak eke edisobo emi ye iwaad edi edisɔŋɔ mbuɔtidem ke Ete Heaven ye Jesus Christ nyuŋ nwam mme iwaad editiene Mmɔ. Mme edisobo emi akpana edi edimenede ifiɔk-ukpep eke spirit.
31.3.2
Edisobo ye Mkpri Single Adult
Bishop ɔnɔ akwa ntiŋ-enyin ke nkɔri spirit eke mkpri single adult ke ward esie. Enye mme ɔnɔitem kiet emi edɔŋde eyesobo ye owo mkpri single adult kiet-kiet ekpedi ini-kiet ke isua kiet.
31.3.3
Edisobo ye Mbon Ufɔk Abasi man Eneme mme Ikoot ye Ubiɔŋ-utom Mmɔ
Mme stake presidency, mme bishopric, ye mme adausuŋ efen esobo ye mbon ufɔk Abasi kiet-kiet emi edinɔde mmɔ etop kabaŋa mme ikoot mmɔ.
Adausuŋ oro eyewut esit-ekɔm ke utom-uwam eke owo oro onyuŋ ɔnɔ nsɔŋɔ-nda.
31.3.6
Ata edinɔ Item ye edinɔ Ukɔk
Owo ikotke mme adausuŋ ke ufɔk Abasi ete edi mme ntaifiɔk ɔnɔitem mme man edinɔ ukɔk. Unwam emi mmɔ enɔde edi eke Abasi, esede ke edinɔ-ɔsɔŋɔ, ndɔŋesit, odudu erifak eke Jesus Christ. Ke edidian ke akpan ye eti unwam emi, usuk mbon ufɔk Abasi ekeme edidia-ufɔn oto mme nta-ifiɔk ɔnɔitem ke ebiet emi oro odudde.
31.4
Edisobo ye Mbon Ufɔk Abasi ke Intanet
Ke ntre, mme adausuŋ esisobo ye mbon ufɔk Abasi ke idem enɔ nduŋɔre ye edinwam ke nkpɔ-spirit ye edinɔ-unwam. Nte ededi, ke esiode efep, mmɔ ekeme edisobo ke ŋkpɔ-ofim kini edisobo ke idem owo miduhe.