Ma Suleyucklac ke General Handbook

Koano
Sifen Sra Puk
Orekmakihn Ma Suleyucklac ke General Handbook
Pwelucng ke Mwe Luti
- 0. Ma Oasr ke Puk
- 1. Plwacn luhn God ac Ma Kunohm ke Orekma in Molwelah ac Moul ma Pahtpaht
- 2. Kahsruh Kais Sie ac Sucu nuh ke Orekma in Molwelah ac Ma Pahtpaht
- 3. Mwe Luti ke Pristut
- 4. Mwet Kol ac Kaunsucl ke Alu luhn Jisus Kraist
Akwucki luhn Alu uh
- 5. Kol luhn General ac Eria
- 6. Kol luhn Stek
- 7. Pisaprik
- 8. U luhn Elder
- 9. Rilif Sosaiti
- 10. U ke Aaronic Pristut
- 11. Muhtwacn Fuhsr
- 12. Tuhlihk Srihsrihk
- 13. Sacnri Skul
- 14. Mempucr ma Tiac Pahyuck
- 15. Lutlut ke Seminary ac Institute
Orekma in Molwelah ac Moul ma Pahtpaht
- Moulkihn Wosasuc luhn Jisus Kraist
  - 16. Moulkihn Wosasuc luhn Jisus Kraist
  - 17. Luti Wosasuc
  - 18. Ahkfahsrye Akwuck ke Pristut ac Mwe Insewowo
  - 19. On
  - 20. Mukwikwi
- Karihngihn Elos suc Enenuh
  - 21. Luti, Muhtwacta
  - 22. Kahsruh ke Enenuh luhn Mahno ac Muhsahi In kuh in Sifacna
- Suli Nuh Kwewa in Eis Wosasuc
  - 23. Akacsruhi Wosasuc ac Ahkkweye Mempucr Sasuc ac Tuhfahna Fohlohk
  - 24. Mwet Ituckyang nuh sin Misineri ac Kuhlwacnsap
- Oracni Sucu Nuh tok ma Pahtpaht
  - 25. Tempuhl ac Orekma ke Tahk in Sucu ke Ward ac Stek
  - 26. Pwepuh in Lwelah nuh Tempuhl
  - 27. Akwuck Orek nuh sin Mwet Moul
  - 28. Akwuck ke Tempuhl nuh sin Mwet Misac
Kol luhn Alu
- 29. Miting ke Alu
- 30. Pahng ke Alu uh
- 31. Kihsensiyuck ac Miting Sahyac wi Mempucr
- 32. Auliyak ac Toeni luhn Mempucr ke Alu Uh
- 33. Ma Sihmihsyucklac ac Ripohrt
  - 33.0. Ikucslah
  - 33.1. Liye Kwewa Ma Sihmihsyucklac luhn Alu
  - 33.2. Mwe Luti Fohn nuh sin Mwet Karihngihn Ma Sihmlac
  - 33.4. Ma Sihmlac ac Ripohrt luhn Ward
  - 33.5. Ripohrt ke Oasr Wi luhn Mempucr
  - 33.6. Ma Sihmlac kacn Mempucr
  - 33.7. Ma Sihmlac ke Pacl Met ah
  - 33.8. Ma Sihmlac Ma Lukmac
  - 33.9. Ahkwoyelah Ma Sihmlac
- 34. Orekma ke Mani in Liye lah Wo ac Karuhnguhnwacng
- 35. Karihngihn ac Orekmakihnyen Iwen Toeni
- 36. Oraclah, Aholah, ac Sang Ine luhn Acn Sasuc
  - 36.0. Ikucslah
- 37. Stek, Ward, ac Pracns Ma Siena
- 38. Masap luhn Alu

33. Ma Sihmlac ac Ripohrt

“33. Ma Sihmlac ac Ripohrt,” Ma Suleyucklac ke General Handbook (2023).

“33. Ma Sihmlac ac Ripohrt,” Ma Suleyucklac ke General Handbook

Petsac

mukul ngwetwacng liye computer

33.

Ma Sihmlac ac Ripohrt

33.0

Ikucslah

Karihngihn ma sihmlac yohk srihpac nuh ke Alu luhn Leum. Kain ke:

Adam el oraclah “puk in esamyac se” (liye Moses 6:5).

Moroni el luti lah inen mwet ma pacptaislac nuh ke Alu uh sihmihsyucklac tuh “elos in kuh in esamyuck ac karihngihnyuckyang ke kahs wo luhn God” (Moroni 6:4).

Joseph Smith el luti lah ma sihmlac nuhkwewa enenuh in pahng nuh ke ward nuh kwewa in suhmuhslah ma pwacye ye muhtuhn Leum (liye Doctrine and Covenants 128:2).

33.1

Liye kwewa Ma sihmlac luhn Alu uh

Ma sihmlac luhn Alu uh muhtahl. Mwe ahkkahlwemye loac inge oa ac enenuh in karihngihnyuck. System in sihm ke Alu uh sang lwelah kuh nuh sin mempucr wiwina kunohkohn lalos.

Ma sihmlac inge kuh in kahsruh mwet kol:

Akihlen lah suc enenuh kahsruh na pwacye.
Akihlen lah piyac akwuck ke molwelah mwet se eis kuh enenuh.
Sokwack mempucr.

Ma sihmlac ten inge karihngihnyuck yurin u ke Alu uh:

Ripohrt ke mempucr ma muhta wi oruh ma orek uh (liye 33.5)
Ma sihmlac kacn mempucr (liye 33.6)
Ma mahtuh sihmlac (liye 33.7)
Ma sihmlac ke mani (liye sapta 34)

33.2

Mwe ahkuhtweyac fohn nuh sin Mwet karihngihn ma sihmlac ke ohfuhs

Enenuh in oasr selos pwepuh in lwelah nuh tempuhl.

Mwet karihngihn ma sihmlac tempuhl uh ukwe masap ingena ma sang karihngihn mani luhn Alu uh ac ahklohyac in liye lah ma sihmlac ke Alu uh pwacye. Mwet karihngihn ma sihmlac ohfuhs uh silahklahk pahngonwack mwet kol ke pristut fin oasr ma tiacna wo. Fin oasr elyah sikyak ke pacl se srihkeyuck in ahkwoyelah ma tiacna wo inge, mwet karihngihn ma sihmlac ke ohfuhs enenuh in pahngonwack Confidential Records Office [Ohfuhs luhn Ma Sihmlac Lukmac] ke ohfuhs luhlahp luhn Alu uh.

Telephone: 1-801-240-2053 kuh 1-800-453-3860, tahfweyac an 2-2053

Toll free (GSD phone): 855-537-4357

Email: ConfidentialRecords@ChurchofJesusChrist.org

Puhlan pacl se luhn mwet karihngihn ma sihmlac ke ohfuhs enenuh in fal nuh selos elos in lotwelah orekma lalos ac karihngihn in fahlacna orekma lalos. Ke srihpen elos tiacna mempucr ke stek prestuhnsi kuh pisaprik, elos tiac enenuh in fihliyucklac ke pacl se sifilpac ahksasucyeyuck prestuhnsi ke stek kuh pisaprik.

33.4

Ma Sihmlac ac Ripohrts ke Ward

33.4.1

Pisaprik

Pisap el liye kwewa ma sihmlac ke ward.

33.4.2

Mwet Karihngihn Ma Sihmlac luhn Ward

Ward nuhkwewa enenuh in oasr mwet se karihngihn ma sihmlac la uh. El eis lwelah sin pisaprik ac pahng ac ahkkweyeyucklac sin mempucr se ke stek prestuhnsi kuh kaunsucl fuhlwact se ma srihsrngiyucki. Enenuh elan sruok Melchizedek Pristut ac oasr pwepuh in lwelah lal nuh tempuhl. El mempucr se ke u in eis ac sang kahsruh ke ward. El wi miting ma ahkfahsryeyuck ke ward ma ahkuhtweyucki ke 29.2.

Mwet karihngihn ma sihmlac luhn ward el lutiyuck sin pisaprik ac mwet karihngihn ma sihmlac luhn stek. Mwet in kahsruh mwet se ma karihngihn ma sihmlac luhn ward inge kuh in pahng pac in kahsruh.

33.4.2.1

Orekma Luhn Mwet Se Ma Karihngihn Ma Sihmlac Inge

Mwet in karihngihn ma sihmlac luhn ward, kuh mwet in kahsruh se lal, pa inge orekma lalos uh:

Karihngihn ma sihmlac ke kunohkohn ac sulaclah ma oreklac ke miting luhn mwet kol ke ward sacn.
Liye lah ma sihmlac ac ripohrt inge pwacye ac suwohs.

Mwet in karihngihn ma sihmlac luhn ward enenuh in etuh kwewa kuhfa ke acn in karihngihn ma sihmlac ke Alu uh (liye 33.0). El orekmakihn kuhfa inge in kahsruh mwet kol in akihlen:

Enenuh luhn mempucr ac u.
Mwe kahsruh ma oasr, weacng pacna mani.

Mwet in karihngihn ma sihmlac luhn ward kwacfe mempucr in ripohrti oacna sie mwe ahkkahlwemye kaclos ma tahfonglac.

Kuhtuh kunohkohn sahyac in karihngihn ma sihmlac uh pa:

Liye lah akwuck uh oreklac pwacye ac sihmihsyucklac.
Ahkolah Officers Sustained form [Pwepuh in Ahkkweyucklac luhn Mwet sacn] nuh ke ward kanfracns.
Suhmuhslah ma enenuh in etweyuck nuh ke toeni in eis ac sang kahsruh luhn mempucr.
Karihngihn ma sihmlac ke mani (liye 34.2.2).

33.5

Ripohrt ke Oasr Wi luhn Mempucr

Ripohrt oasr wi luhn mempucr uh kahsruh mwet kol in siyac na kapkapwack ac enenuh luhn mempucr.

33.5.1

Kain in Ripohrt

33.5.1.1

Ripohrt ke Pihsen Mwet

Pihsen mwet wi sackramacn miting ac Sacnri pristut ac toeni luhn u srihsrihk inge sihmlac ke computer orekmakihn LCR Member Tools.

Sackramacn Miting. Pihsen mwet ke sackramacn miting sihmihsyucklac kais sie wik sin mwet in karihngihn suhmuhslah ma luhn ward kuh mwet in kahsruh se lal. Oacwac kac uh som nuh ke pihsen mwet ma tuhkuh wi kuh mwet muhta liye, kuh mwet muhtwacta.

U ke Sacnri ac Miting luhn U srihsrihk Pihsen mwet sihmlac ke kais sie wik sin mwet in sihm ac mwet in kahsruh luhn u ac u srihsrihk. Mwet kol luhn mwet fuhsr kahsruh pac sihmihs pihsen mwet inge. Oacwac kac uh som nuh ke pihsen mwet ma tuhkuh wi kuh mwet muhta liye, kuh mwet muhtwacta. Mempucr ma kuhlwacnsap yurin Tuhlihk Srihsrihk kuh mwet kol luhn mwet fuhsr ke ward sacn elos oacwac pac nuh kac.

Mwet karihngihn ma sihmlac luhn ward el kuh in sihmihs kwewa ahollah oacna sie u srihsrihk ingacn.

33.5.1.2

Karihngihn Ripohrt

Liye 21.3.

33.5.1.3

Ripohrt ke Kohtoh

Nacmpuh nuh kwewa ke ripohrt se el ahollah mwet se suc enenuh na pwacye kahsruh (liye Helaman 15:13).

Ripohrt ke Kohtoh nwacnwack mwe ahkkahlwemye yohk srihpac ma kuh in sang nuhnak nuh sin mwet kol ke elos suk moklweyuck ke orekma elos kampare nuh kac.

Mwet kol ke stek ac ward luhlahlfongi Ripohrt ke Kohtoh pacl nuhkwewa in sifil liye kapwack luhn kais sie.

Ward nuh kwewa ahksahfyelah ac suhpwaclah Ripohrt ke Kohtoh nuh ke ohfuhs luhlahp luhn Alu uh. Mwet karihngihn ma sihmlac luhn ward weluhl pisap sifil liye ripohrt inge ac suhpwaclah met liki lwen 15 ke mahlwem sacn tukun na sahflah luhn kais sie kohtoh.

33.5.2

List luhn Mempucr

Kuhfa in karihngihn ma sihmlac luhn Alu sang nuh sin mwet kol in kuh in liye list luhn mempucr. List se inge kuh in kahsruh mwet kol in akihlen:

Lah suc mempucr ma soenna eis akwuck suc elos kuh in eis.
Lah suc mukul fuhsr ac muhtwacn fuhsr kuh in kuhlwacnsap ke misin.
Lah suc tuhlihk fuhsr wacngihn pwepuh in lwelah la nuh tempuhl.
Lah suc tuhlihk fuhsr enenuh in oreklac pacl in ohsun la nuh sin pisaprik.

Mwet kol ke u ac u srihsrihk inge enenuh in oasr lwelah lalos nuh ke list se inge in liye mwet ma oasr ke u kuh u srihsrihk lalos.

33.6

Ma Sihmlac luhn Mempucr

Ma sihmlac luhn mempucr nwacnwack inen mempucr, mwe ahkkahlwemye ma ac kuh in sruokilyac, ip srihsrihk ke akwuck, ac mwe ahkkahlwemye yohk srihpac sahyac kacl.

Ma sihmlac luhn mempucr fihliyucki ke ward se ma mempucr sacn muhta kac. Nuh sin mwet ma tiacna ahkos masap ma, suc tiac kwacna sikyak, enenuh lwelah luhn pisap ac stek prestuhn nuh kac. In eis lwelah nuh sin kain mwet se, stek prestuhn el enenuh in orekmakihn LCR in suhpwaclah nguhsr se inge nuh ke Ohfuhs luhn Prestuhnsi Se Met.

Yohk srihpac in silahklahk oraclah ma ekahsr ten inge:

Suhmuhslah mwe ahkkahlwemye ke akwuck.
Uslah ma sihmlac luhn mempucr ma tuhkuh nuh ke kuh som liki ward sacn.
Oraclah ma sihmlac sasuc luhn mempucr ac tuhlihk sasuc nuhtin pahpah ninac ma mempucr ingacn.
Suhmuhslah lwen in misac luhn mempucr.
Suhmuhslah lwen in macruht ac mwe ahkkahlwemye ke lohm selos.

Pisap kuh stek prestuhn ahklohyac in liye lah ma sihmlac luhn mempucr inge oasr ke ward na pwacye sacn met liki mempucr sacn el ohsun oruh lohlngohk lal in eis:

Kunohkohn se ke Alu uh.
Pwepuh in lwelah nuh tempuhl.
Melchizedek Pristut kuh suc ma ac tuhfah akmuhsralah nuh ke ohfuhs luhn pristut.

El oacyacpac ahklohyac liye lah ma sihmlac inge tiac nwacnwack oacna sie ma ten inge:

Pwepuh in ahkuhtweyac se
Sihm se fahk ke sil kuh ma tulokihnyuck ke akwuck
Tulokihn kuh luhn mempucr

Tiac lwelah ke oacna sie ohiyac in sang kuh oruh in liyeyuck ma sihmlac luhn mempucr nuh sin oacna sie mwet sahyacl pisap kuh mwet in karihngihn ma sihmlac luhn ward .

Mempucr kuh in sifacna liye mwe ahkkahlwemye ma sihmlac kaclos ac tuhlihk elos karihngihn lohm selos ke app se pahngpahng Member Tools. Elos oacyacpac kuh in ngihsre in printiyucki kapi ke Individual Ordiance Summaries [Ahkuhtweyacn Akwuck Lalos Sifacna] yurun mwet karihngihn ma sihmlac. Fin oasr tahfonglac sukokyak, mwet karihngihn ma sihmlac inge liye lah ahkpwacyeiyucklac ke ma sihmlac luhn mempucr.

33.6.1

Ine Orekmakihnyuck ke Ma Sihmlac luhn Alu uh

Ine na fohn luhn mwet sacn, oacna ke akihlenyuck ke masap, enenuh in orekmakihnyuck ke ma sihmlac luhn mempucr certificate in akwuck.

33.6.2

Ma Sihmlac luhn Mempucr

Mwet ekahsr ten inge sihmlac na inelos tari elos mempucr ac enenuh in oasr ma sihmlac ke mempucr lalos.

Elos suc ma pacptaislac ac ahkkweyeyucklac
Elos suc matwac ten liki yac 9 suc ma ahkinsewowoyeyucklac tuhsruhktuh tiacna pacptais.
Elos suc ma koflah in sifacna ke srihpen muhnahs luhn sifac kuh suhkahpahs
Tuhlihk soenna ahkinsewowoyeyucklac matwac srihk liki yac 9 fin kwewana ma ten inge oasr selos:
- In kuh in sie pahpah ninac kuh pahpah mahtuh ninac mahtuh mempucr ke Alu uh.
- Kwewana pahpah ninac sang lwelah in sihmihsyucklac ma kaclos. (Fin siena sin pahpah kuh ninac sacn pa oasr kuh la in karihngihn tuhlihk sacn, lwelah luhn mwet sacn kuh in orekmakihnyuck.)

Tuhlihk matwac yac 9 kuh mahtuh liki ma oasr ine ke ma sihmlac ke mempucr tuhsruhk soenna pacptaislac kuh ahkkweyeyucklac el tiac na mempucr ke ma sihmlac. Tuhsruhktuh, ward se ma oasr inen mwet se ingacn kac uh sruokyac na ma sihmlac luhn mempucr sacn ne kena el yac 18. Ke pacl se ingacn, fin mwet se ngacn sulaclah in tiac pacptais, pisap el tulokihnyac ma sihmlac ke mempucr lal an. Lwelah luhn stek prestuhn enenweyuck.

Ma sihmlac inge tiac kuh in tiloki nuh selos suc ma soenna pacptais ke srihpen elyah in nuhnak kuh suhkahpahs lalos ne kena ngihsreyuck sin mwet sacn kuh mwet se karuhnguhnuhl uh, wi pacna pahpah ninac.

33.6.3

Ma Sihmlac luhn Mempucr Sasuc nuh ke Ward

Mwet karihngihn ma sihmlac luhn ohfuhs ac mwet in kahsruh se lal ohsun nuh sin mempucr sasuc ke ward an tukun na tuhkuh in sulpac liye lah pwacye Individual Ordinance Summary [Ahkuhtweyacn Akwuck Lalos Sifacna].

33.6.6

Ma Sihmlac luhn Mempucr ma Kuhlwacnsap lihkihn Ward Elos Muhta kac an

33.6.6.2

Ma Sihmlac luhn Misineris

Liye 24.6.2.8.

33.6.13

Ma sihmlac luhn Tuhlihk ma Pahpah Ninac Fahsrwelihk

Ma sihmlac luhn mempucr orekmakihn ine na pwacye luhn mwet se, ma tuhkuh ke masap kuh facsin. Ma se inge nwacnwack tuhlihk ma pahpah ninac fahsrwelihk.

Tuhlihk ma pahpah ninac tuhma kuh kiyac fahsrelihk kuh in wi kwewana miting ke ward luhn pahpah ninac tuhmwaclos kiyaclos. Ke acn sefanna karihngihn ac ahksasucye ma sihmlac luhn tuhlihk se ke mempucr lal an, acn se sahyac ma tuhlihk se ingacn wi fahsri uh kuh in oraclah pac sie kain sahyac pahngpahng ma sihmlac luhn mempucr out-of-unit. Ma se inge sang inen tuhlihk sacn ac mwe ahkkahlwemye kacl in an ke ward list ac ine ke kuhlahs an in muh kuh in sukokyak el kuh pahngonyuckyak el.

Tuhlihk ma oasr ine ke kain se inge kuh in eis pahng ke u se inge.

33.6.15

Molwelah Ma Tiac Lwelah Luhn Mempucr Se Ke Rackucrt

Fin mempucr se som liki acn sacn ma oasr tulokihnyac la ke mempucr lal an kuh oasr elyah upac se nuh sel, pisap kuh mwet se ma srihsrngiyucki in karihngihn ma sihmlac ohfuhs enenuh in fihliyac sie tulokihnyacn som sac ke ma sihmlac luhn mempucr sacn. El orekmakihn LCR in oraclah ma se inge.

Ma sihmlac ma oasr tulokihnyac som ingacn ac tiac kuh in som nuh ke acn sasuc se ne kena mwet kol se ke pristut ma fihliyac tulok se ngacn sang lwelah in itucklac.

33.6.16

Ma Sihmlac ke “Address Unknown [Adress ma Tiac Etweyuck]” File

Kuhtuh pacl uh mempucr inge elos fihliyucki tukun ma sihmlac lalos an ke “address unknown file” ke ohfuhs luhlahp luhn Alu uh. Ke srihpac se inge, mwet karihngihn ma sihmlac luhn ward ngihsre ma sihmlac inge orekmakihn LCR.

33.6.17

Suhmuhslah ac Ahkpwacyelah Mwe Ahkkahlwemye ke Akwuck

Liye sapta 18.

33.6.19

Ahkpwacyeiyucklac Ma sihmlac luhn Mempucr se

Kais sie yac mwet karihngihn ma sihmlac ke ohfuhs luhn stek kuh mwet in kahsruh se lal liye lah pwacye ma sihmlac luhn mempucr liyeyuck ke kais sie ward inge orekmakihn LCR. Ahkpwacye inge enenuh in sahflah met liki Jun 30 ke kais sie yac.

33.7

Ma Mahtuh Sihmlac

33.7.1

Ma Mahtuh ke Ward ac Stek

Leum El sapkihn lah ma mahtuh ke ma yohk srihpac nuh kwewa ke Alu Lal enenuh in sihmlac ac karihngihnyuckyang (liye Doctrine and Covenants 69:3; liye pac verse 5; Alma 37:2).

Kais sie u ke Alu uh enenuh in suhmuhslah ma yohk srihpac ke u inge.

Karihngihn ma mahtuh el sie orekma ke nguhn ma ac ahkkweye luhlahlfongi lalos suc suhmuhslah ac riti.

Mwet in karihngihn ma ke ohfuhs luhn stek ac mwet in kahsruh se lal ahkolah sramsram mahtuh luhn stek. Pisaprik elos ukwe pacna atac se inge nuh sin ward. Ahkuhtweyucki kac an kuh in sukokyak ke Stake, District, and Mission Annual Histories [Stek, Tistrik, ac Ma Mahtuh ke Kais sie Yac ke Misin] ke ChurchofJesusChrist.org.

33.8

Lukmac luhn Ma Sihmlac

Ma sihmlac luhn Alu uh lukmac, lah elos sihmlac ke pwepuh kuh ke computer. Ma inge pa:

Ma sihmlac luhn mempucr.
Ma sihmlac ke mani.
Ma sihmlac ke miting.
Pwepuh sainiyucki (suc pa nuh ke ma sihmlac ke council luhn mempucr).

Mwet kol inge ahklohye in liye lah mwe ahkkahlwemye orekeni kacn mempucr inge:

Oreklac luhpah fal se nuh ke ma Alu uh enenuh.
Orekmakihn muhkwena nuh ke srihpac ahkkweyeyucklac luhn Alu uh.
Ituckyang nuh selos muhkwena suc oasr kuh la in orekmakihn.

Mwe ahkkahlwemye ma sihmlac ke computer enenuh in karihngihnyuck ac liyeyuckyang in wo (liye 33.9.1).

33.9

Orekma ke Ma Sihmlac

33.9.1

Karihngihn

Ma sihmlac nuh kwewa luhn Alu uh, ripohrt, ac data enenuh in karihngihnyuckyang liki mwet ma wacngihn kuh la in liye, ekuhllah, kuhnahoslah, kuh in fahkwelihk. Mwe ahkkahlwemye inge enenuh in an ke sie acn ma safe ah.

Devices kuh kuhfa tuhlac kuh pihsrapasrlah nuhtin Alu uh enenuh in silahklahk ahkkahlwemyeyuck nuh sin incidents.ChurchofJesusChrist.org. Tiac orekmakihn wo mwe ahkkahlwemye luhn Alu uh enenuh pac in ripohrtiyuck.

33.9.1.1

Username ac Password

Stek prestuhn, pisap, ac mwet kol sahyac tiac enenuh in akacsruhi username ac password lalos ke Alu uh nuh sin mwet in kahsruh lalos, mwet in karihngihn ma sihmlac ke ohfuhs, mwet in sihm, kuh mwet sahyac.

33.9.1.3

Wihklac luhn Data

Acn luhlahp puhs oraclah masap se in karihngihn data ma lalos sifacna. Ma inge nwacnwack mwe ahkkahlwemye ke ma sihmlac luhn mempucr ac ma sihmlac sahyac ke Alu uh ma fahkwack sie mwet. Mwet kol ma oasr kihsensiyuck la ke masap in karihngihn data nuh ke oreyac an ke ma sihmlac luhn Alu uh kuh in pahngonwack ohfuhs luhn data ke Alu uh ke DataPrivacyOfficer@ChurchofJesusChrist.org.