Specialize Stek, Ward, ac Pracns

Stek prestuhn el kuh in ngihsre in specialize stek, ward, ac pracns in kuhlwacnsuhpuh mempucr oacna ke tahklac ke sapta se inge.

Stek prestuhn se kuh in ngihsre in oreklac mwet nuh ke language ward kuh pracns nuh sin mempucr ke stek sacn (1) nuh selos ma tiac kuh in sramsram ke kahs ke acn sacn kuh (2) elos suc ma sign language.

Kalmacn u pa mempucr ekahsr ahkkweyeyucklac karihngihnyuck sin pisap, pracns prestuhn, kuh misin prestuhn. Stek kuh misin prestuhn kuh in ngihsre in oreklac u se nuh ke srihpac ekahsr ten inge:

• Upac in forfor ohsun nuh sin mempucr ke ward kuh pracns se.

• Mempucr ekahsr kuh in sramsram ke kahs se ma ac siena liki mwet ke pracns kuh ward sacn.

• Mempucr ma wi solse uh pa wo emeet in kuhlwacnsuhpweyuck ekihn u se uh.

U se enenuh in oasr mwet luo yak kac. Sie enenuh in prist nwacsnwacs ke Aaronic Pristut kuh mwet nwacsnwacs se suc sruok Melchizedek Pristut.

Ke stek, prestuhn luhn stek srihsrngiyac pisap se kuh pracns prestuhn se in oraclah ac karihngihn u se inge. Ke misin, misin prestuhn srihsrngiyac pracns prestuhn se in oraclah ac karihngihn.

Stek prestuhn, misin prestuhn, pisap, kuh pracns prestuhn pahngon mwet kol se ke u se ac sulaclah nuh ke kunohkohn se. Mwet kol se ke u sacn oraclah ac kol toeni luhn u se inge, ma ahkfahsrye oruh kuhfa luhn Leum.

Mwet kol se ke u se inge tiac sruok pristut ki, ac el tiac lwelah in:

• Eis sie tahfuh singucul ac mwe sang.

• Sang kahsruh nuh sin mempucr ke ma koluk upac.

• Luti mwet uh ke ma wo ac ma tiac wo.

• Ahkfahsrye kunohkohn sahyac ma enenuh in oasr pristut ki kac.

Inkaiyen pacl uh, u inge orekmakihn Basic Unit Program.

Ma sihmlac luhn mempucr ke u in mempucr se fihliyucki ke ward kuh pracns se ma karihngihn u sacn.

Headquarters luhn Alu uh tiac na kunweyac nacmpuh se nuh sin u ke acn srihsrihk inge.