“24. Pepa in Mijen Ko im Jerbal in Jipan̄ Ko,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2020).
“24. Pepa in Mijen Ko im Jerbal in Jipan̄ Ko,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armj ro Rekwojarjar ilo Raan Ko Āliktata.
Pija
mijinede ro rej etal laļļo̧k
24.
Pepa in Mijen Ko im Jerbal in Jipan̄ Ko
24.0
Kadkad in
Ilo tōre ko etto, Irooj ekar leļo̧k kakien eo n̄an aintok bwiijin Israel ilubwilijin “ri aelōn̄ ko otemjej, peptaij er ilo etan Jema im Nejin im Jetōb Kwōjarjar” (Mat 28:19; lale barāinwōt eoon 20). Irooj ekar bar kōkāāl kakien jab in ilo raan kein āliktata (lale Katak im Bujen Ko 39:11; 68:6–8; 112:28–30). Aolep ro uwaan Kabun̄ in rej kōm̧m̧ane kallim̧ur ilo iien peptaij eo n̄an erom̧ rikam̧ool ro an Anij im n̄an jerbal in karejar n̄an ro jet (lale Mosaia 18:8–10).
N̄an jerbal n̄an Irooj āinwōt juon mijenede ej juon jeraam̧m̧an ekwojarjar. Ej bōktok kōjeraam̧m̧an ko ejeļo̧k jemļo̧kier n̄an armej eo im ro ej jerbal n̄an er m̧aan ak kōrā (lale Katak im Bujen Ko 18:14–16).
Kūr ko n̄an mijen ekoba juon ijjitōn̄ n̄an katakin gospel eo, rie jerbal eo an ra ko an Kabun̄ in ak iunit ko, ak jerbal ilo jukjuk in pād eo ijo jokwe ie.
Irooj ej kajjitōk ippān aoelp likao ro rerreeo, ļaddik ro rōkeke n̄an jerbale juon mijen. N̄an ļaddik ro Rekwojarjar ilo Raan ko Āliktata, jerbal in mijinede ej eddo eo an juon priesthood (lale Katak im Bujen Ko 36:1, 4–7).
Irooj ej bar karuwaineneik jiron̄ ro rerreeo, n̄an jerbale juon mijen n̄e rekōņaan. N̄an jiron̄ ro, juon mijen ej juon kajoor, ak ej jokālet, iien em̧m̧an. Kōppopo n̄an juon mijen enaaj kōjeraam̧m̧an juon jiron̄ men̄e ej kāālet n̄an jerbal āinwōt juon mijenede ak jaab.
Mijenede ro rōrūtto eļap bar aikuji er im rej kōketak n̄an kōppopo n̄an jerbal.
24.1
Kūr n̄an Jerbal eo
Kajjojo mijenede ej kūr n̄an jipan̄ Jemedwōj Ilan̄ im Jisōs Kraist im jerbal eo Aer. Mijenede ro rej jutak ilo etan Jisōs Kraist im Kabun̄ eo An kar kōjepļaaktok. Rejjab ļōmņak wōt kōn er make ilo aer jerbal n̄an Irooj ilo juon jerbal in iakwe ilubwiljin ajri eo Nejin. Katakin im jerbali mijen ko ej kōjeraam̧m̧an jim̧or mijenede eo im ro jet. (Lale Matu 16:25; 22:36–40.)
Kūr ko an mijen rej liļo̧k n̄an membōr ro me rej ikdeelel n̄an jerbal, rej erreo, im rej maron̄. Membōr rein rej kajjieon̄ jerbal n̄an Irooj kōn aolepān an “būruōer, maron̄, ļōmņak im kajoor.” Rej ejake “tōmak, kōjatdikdik, wūjlepļo̧k, im iakwe.” Rej dāpij wōt “n̄an kalimjōkļo̧k wōt aiboojoj eo an Anij.” Ilo aer kōm̧m̧ane men kein, Irooj enaaj kōkarbōb er n̄an jerbal eo. (Katak im Bujen Ko 4:2, 5; lale eoon 1–7.)
Mijenede ro rej jutak ilo etan Irooj im aikuj kūr jān mālim eo ejetjet (lale Katak im Bujen Ko 42:11; Laajraj in Tōmak ko 1:5). Kūr eo n̄an jerbale juon mijen ekkā an letok jān Būreejtōn eo an Kabun̄ in. N̄an senior service mijenede ro, kūr eo ej letok jān stake būreejtōn eo.
24.2
Ijjitōn̄ ko an Mijenede
Kūr eo ej n̄an jerbal āinwōt juon mijenede ekoba juon ijjitōn̄ ejeņoļo̧k. Ijjitōn̄ kein rokkotaktak im redepakpaklo̧k jān doon. Ekkā aer kobaik:
Juon wāween jerbal in jipan̄.
Jikin.
Aitokan jerbal eo.
Kajjojo ijjitōn̄ ej tōl kōn revelesōn bwe ejetjet n̄an mijenede eo im aikuj ko an ro ajri ro nejin Anij.
Juon ijjitōn̄ emaron̄ oktak ilo an wōnm̧aanļo̧k wōt revelesōn ilo an jekjek ko okoktak. Juon ijjitōn̄ ejenolo̧k eaorōk. Ijo wōt ke, ej kein karuo jān kūr eo am̧ āinwōt juon mijenede. (Lale Katak im Bujen Ko 80:30).
24.2.1
Mijenede Rūm̧m̧an Ded ro rej Katakin
Elōn̄ wōt mijenede rūm̧m̧an ded ro rej jitōn̄ er n̄an katakin gospel eo ettoļo̧k jān jukjuk in bed eo aer. Ijjitōn̄ kein rej liļo̧k itok jān revelesōn n̄an Rijilōk ro. Mijenede rein rej jerbal ium̧win tōl eo an juon mijen būreejtōn.
Jet mijenede rūm̧m̧an ded rej jitōn̄ er n̄an jerbal ilo Kabun̄ in im jukjuk in pād eo ilo aer jokwe ilo m̧weo im̧weer. Ijjitōn̄ kein rej litok itok jān revelesōn n̄an Rijilōk ro im rej litok n̄an ro rej tin jerbal me jekjek ko aer rejetjet tata n̄an juon service mijen (lale 24.3.3).
Rein kajjojo rej bōk ejja jon̄ak ko wōt n̄an kōppopo im erreo āinwōt ro me rej kappeik er n̄an juon mijen in katakin. Mijenede rūm̧m̧an ded ro me rej kōppopo n̄an mijen rej leļo̧k etaer ilo ejja wāween ak jekjek in.
Service missionaries ro rej jerbal ilo jikin ko rej pād ie ium̧win tōl eo an stake būreejtōn eo. Kajjojo iaer rej bōk ijjitōn̄ ko me rej ejaki n̄an jekjek ko rejenolo̧k n̄an jekjek ko aer im pedped ioon iien ko rejeja im rem̧m̧an n̄an jerbal in jipan̄ (lale 24.7.1). Rej jerbal ilo aolep wāween ko redpakpaklo̧k rej maron̄ jerbal ie.
Service mijen ko n̄an mijenede rūm̧m̧an ded ro ejjan̄in de wōr ilo aolep eria ko an laļ in. Kōn juon laajrak in eria ko ijo ewōr service mijen ko rej pād ie, lale ChurchofJesusChrist.org/service-missionary. Website in ej barāinwōt letok eļapļo̧k meļeļe kōn service mijen ko. Ijōko ejjeļo̧k service mijen ie, membōr ro rūm̧m̧an ded remaron̄ jerbal ilo būrookraam̧ eo an service mijenede (lale 24.2.4).
24.2.3
Mijenede Rūtto Ro
Rim̧are membōr ro dettaer 40 im rūttoļo̧k remaron̄ kūr er āinwōt mijenede ro rerūtto āinwōt juon pea in ripālele eļan̄n̄e ejjeļo̧k nejier rej pād ippāer.
Mijenede rūtto ro rejjab kajjitōk ippāer n̄an jerbal ejja awa ko wōt, kōm̧m̧ane aolep ejja m̧akūtkūt ko wōt, ak tōpar ejja kōtmene ko wōt āinwōt mijenede rūmman ded. Aaet wōt, jerbal in jipan̄ eo aer ej aikuji wōt. Kōn un in, ej aikuj em̧m̧an ajmour eo aer n̄an jerbal. Rej aikuj barāinwōt tōpar jekjek ko ikkijien jāān (lale 24.3.4.2).
Bisop ro, stake būreejtōn ro, im ritōl ro jet rej jar n̄an ļōmņak wōn eo ej aikuj jerbal. Bisop ro ak stake būreejtōn ro remaron̄ intōrpiuk membōr rein n̄an kōmlet aer pojak im kajjitōk ippāer n̄an kōppopo n̄an jerbal.
N̄an eddeikiļo̧k kūr ko ilo ward im stake eo aer ilo ijo jikier, membōr ro remaron̄ jerbal āinwōt service mijenede rūtto ro. Mijenede rein rej kōm̧m̧ani jerbal in jipan̄ eo aorōk ilo department ko, facility ko an Kabun̄ in, im mijen ko (lale 24.7.1) Rej jokwe ilo m̧weo im̧weer.
Em̧m̧aan ro im kōrā ro dettaer 26 im rūttoļo̧k remaron̄ kūr āinwōt service mijenede rūtto ro.
N̄an eddeikiļo̧k, likao ro dettaer 18–25 im jiron̄ ro dettaer 19–25 remaron̄ jerbal ilo būrookraam̧ eo an service mijenede rūtto ro eļan̄n̄e rej jokwe ijoko service mijen ko me ejjeļo̧k mijenede rūm̧m̧an ded ro rej jerbal ie. Rej maron̄ barāinwōt jerbal eļan̄n̄e raar m̧are ak ededeļo̧k aer kar jerbal āinwōt juon mijenede rūm̧m̧an ded ej katakin ak service mijenede.
Service mijenede ro rerūtto kar kūr er jān stake būreejtōn eo. Rej jerbal ium̧win tōl eo an. Dettan iien eo rej jerbal kajjojo wiik ej pedped ioon maron̄ eo aer, iien ko rem̧m̧an an jerbal in jipan̄ ilo eria eo aer, im tōl eo jān Eria Būreejtōnji eo.
Ijjitōn̄ ko an service mijenede ro rūtto rej liļo̧ki jān stake būreejtōn eo aer. E ej ko̧o̧njeļ ippān mijenede eo im ro jet im jar ilo kappukōt revelesōn kōn kajjojo ijjitōn̄. E emaron̄ etale SeniorMissionary.ChurchofJesusChrist.org n̄e kōmelet ijjitōn̄ ko.
N̄an meļeļe ko reļļapļo̧k kōn service mijenede rūtto ro, lale 24.7.
24.2.5
Tukadu in Laajrak eo kōn Ijjitōn̄ ko an Mijenede
Tebōļ in ej tukadu in laajrak eo kōn kain ijjitōn̄ ko an mijenede.
Mijen, tampeļ, ak historic site būreejtōn eo; Eria Būreejtōn eo; director eo an visitor center eo; ak juon mānija an department ak facilitiy an Kabun̄ in.
Bōk koņaad ilo jemenere im institute (n̄an jodikdik ro im rūm̧m̧an ded ro ejjeļo̧k rejtaer).
24.3.2
Tōpar Jon̄ak ko an Erreo
Ro rej pojān mijenede rej kajjieon̄ in erreo n̄an jemjerā eo an Jetōb eo. Menin ej aikuj n̄an jerbal in mijenede eo ewejepedik (lale Katak im Bujen Ko 42:13–14). Karbōb n̄an jemjerā eo an Jetōb ej koba erreo jān jerawiwi (lale Hilamon 4:24; Katak im Bujen Ko 38:42).
24.3.2.1
Ukweļo̧k
Ukweļo̧k im jeorļo̧k bōd jān jerawiwi rej menin letok ko rej pād n̄an aolep ajri ro nejin Anij. Menin letok kein rekar kapidodoik kōn kajoor in pinmuur eo an Jisōs Kraist. Ukweļo̧k ej aikuj in kōjerbal tōmak ilo Jisōs Kraist, wōr juon lukkuun kōttōpar, im kōjparok kien ko. Ekoba kwaļo̧k ruōd im meļo̧kļo̧k jerawiwi ko. Kōn jerawiwi ko reļļap, ukweļo̧k emenin aikuj kwaļo̧k ruōd n̄an bisop eo ak stake būreejtōn eo.
Membōr ro me rej kōņaan pād ilo mijen rej aikuj oktakļo̧k n̄an Rilo̧mo̧o̧r ilo aer ukweļo̧k im m̧aanjabpopo n̄an jerbal. Remaron̄ barāinwōt kappukot jipan̄ eo ejouj an ro uwaan baam̧le eo im ritōl ro an Kabun̄ in ijo rej jokwe ie.
Eo ej pojān mijen ej aikuj kar ukweļo̧k jān jerawiwi eo eļap ekar kōm̧m̧ane m̧okta jān an stake būreejtōn maron̄ jilkinļo̧k peba in mijen eo an (lale 32.6–32.8; lale barāinwōt 24.4.4). Wāween eo an ukweļo̧k ekoba ebwe iien n̄an an armej eo kwaļo̧k kōn mour jim̧we bwe e ekar bōk jetōb eo an Kraist n̄an jeorļo̧k in jewaiwiw ko.
24.3.2.2
Rūm̧ūj ilo Kwaļo̧k Bōro
Armej eo me ej bōk juon mijen kūr ak jino jerbal in mijenede eo ilo an jab ukweļo̧k jān jerawiwi eo eļap ekar kōm̧m̧ane emaron̄ aikuj in pād wōt ilo jikin eo ej pād ie ak ro̧o̧l n̄an jo jikin. Pedped ioon jekjek ko, e emaron̄ jerbal ālkin an ukweļo̧k (lale 24.6.3.2).
24.3.3
Ājmour ilo Ānbwin, Kōļmenļo̧kjeņ, im En̄jake
Jerbal in mijenede eidajon̄jon̄. Aikuj ko ikkijien ānbwin, kōļmenļo̧kjeņ, im en̄jake remaron̄ in eppen. Mijenede ro ekkā aer jerbal ilo jekjek ko jab iminene kaki. Maron̄ jelet ājmour kōn juon oktak ilo jekjek in m̧ōn̄ā, mejatoto, ak jekjek ko ilo wāween mour. Jikejuuļ eo an mijenede ej barāinwōt aikuj bwe ren jerbal aolepān raan. (Lale Alma 17:5; 26:27–28, 30.) Mijenede rūm̧m̧an ded ro rej aikuj wujlepļo̧k im ekeke ilo ānbwin, kōļmenļo̧kjeņ, im en̄jake n̄an maron̄ jerbal ekkar n̄an jikejuuļ eo an full-time mijenede. (Lale Missionary Standards for Disciples of Jesus Christ [2019], 2.4.)
Ro rej pojān mijenede rej m̧aanjabpopo n̄an jerbal kōn kōkajoorļo̧k ājmour eo aer ilo ānbwin, kōļmenļo̧kjeņ, im en̄jake. Rej barāinwōt jerbal n̄an ejake m̧ōkaj in ro̧o̧l n̄an m̧okta im un̄are peid-make.
Ritōl remaron̄ kōkm̧anm̧an wōt ilo aer ko̧o̧njeļ ippān juon eo ej pojān mijen kōn nan̄inmej ko an m̧okta jān an jilkinļo̧k pepa in mijen ko an. Jet iaan ro rej pojān mijenede remaron̄ aikuj in bōk kōjparok etiljek jān taktō ikkijeen nan̄inmej ko aer (lale 31.3.6). Juon eo ej pojān mijenede me kar kōm̧ālim uno ko nimen ej aikuj in kallim̧ur n̄an idaki ilo aolepān iien jerbal eo an āinwōt kar kōmeļeļeik jān juon eo etijem̧ļo̧k ilo kōjparok ājmour.
Pija
mijenede ro rej katakin baam̧le eo
24.3.4
Jāān ko
Wūjlepļo̧k ko ikkijien jāān ej m̧ōttanļo̧k jerbal in mijenede (lale Mark 1:17–18; Alma 15:16). Mijenede ro im baam̧le ko aer ewōr aer eddo im̧aan tata n̄an leļo̧k jāān in jipan̄ n̄an jerbal in mijenede. Rej aikuj kōm̧m̧ane kōppopo eo im wūjlepļo̧k ko. Rej aikuj in un̄are peier make ikkijien jāān n̄an jon̄an eo me remaron̄ in tōpar kallim̧ur ko ikkijien jipan̄ļo̧k.
Rūm̧m̧an ded ro me rej pojān mijen me raar m̧aanjabpopo ekkar n̄an ekeke eo aer rejjab aikuj karum̧wijļo̧k aer mijen kōn un ko ikkijien jāān. Ro me rej aikuj jipan̄ ikkijien jāān n̄an tōpar kallim̧ur eo kōn jon̄an jāān eo aikuj leļo̧k emaron̄ bōk jān ro nukun baam̧le eo im ro m̧ōttaer.
Eļan̄n̄e rej aikuj wōt, bisop eo ak stake būreejtōn eo emaron̄ kajjitōk ippān membōr ro ilo ward eo ak stake eo n̄an jipan̄ļo̧k ward missionary fund eo.
Local unit bajet ko im jāān in joortak in jitļo̧k ko rejjab aikuj jerbal.
Kallim̧ur eo kōn Jon̄an Jāān eo Aikuj Leļo̧k Kajjojo Allōn̄ Mijenede jiddik ro rej katakin im baam̧le ko aer rej jipan̄ļo̧k kōn juon jon̄an eo ejenolo̧k kajjo allōn̄ n̄an jipan̄ kōļļāik wōņāā ko an būrookraam̧ in mijenede eo. Jon̄an jāān eo em̧ōj karōke ilo juon ak ruo wāween ko:
Mijenede ro jān jet laļ ko bōk koņaer ilo būrokūraam̧ ej dettan wōt jipan̄ļo̧k būrookraam̧ eo. Menin ej meļeļein jon̄an eo kar leļo̧k n̄an jāān in jipan̄ eo n̄an kajjojo mijenede jekdo̧o̧n ia eo ej mijen ie. Jon̄an jāān eo rej loi ilo headquarters eo an Kabun̄ in. Ritōl ro remaron̄ kepaak Missionary Department eo (lale 24.93) ak eria opiij eo kōn juon laajrak in laļ ko me rej pād ilo būrookraam̧ in im jon̄an eo em̧ōj karōk bwe ren leļo̧k.
Ilo laļ ko jet, bisop eo, stake būreejtōn eo, mijenede eo, im baam̧le eo rej kapilōk ippān doon kōn jon̄an jipan̄ļo̧k eo kōm̧m̧ane aolep allōn̄. Bisop eo im stake būreejtōn eo rej ļōmņak kōn unin tōl eo jān Eria Būreejtōnji eo. Rej kōketak kaarmejete ikkijien jāān im un̄n̄are peid make pedped ioon jekjek ko an mijenede eo im baam̧le eo an. Rej errā kōn juon dettan jipan̄ļo̧k eo im rekoote ilo peba in mijen eo an mijenede eo. Mijenede eo im baam̧le eo an rej kallim̧ur n̄an kōm̧m̧ane. Ro jet remaron̄ barāinwōt jipan̄ļo̧k kōn dettan in wōt eļan̄n̄e rej jokwe ilo laļ eo an mijenede eo (lale “Jāān in Jipan̄ an Mijenede in Ward eo” tokālik ilo jekjōn in).
Jipan̄ļo̧k ko rej kōm̧m̧ani n̄an jāān in jipan̄ an mijenede an ward eo. Bisop ro rej kam̧oole bwe jāān ko rej jipan̄ļo̧k kajjojo allōn̄. Jāān ko reļļapļo̧k jān dettan eo allōn̄ otemjeļo̧k rej aikuj jab jipan̄ļo̧k kaki im̧aanļo̧k. Jāān ko kar jipan̄ļo̧k im̧aanļo̧k rejjab maron̄ bar kōro̧o̧li eļan̄n̄e juon mijenede ej m̧ōkaj an jepļaak n̄an ijo jikin.
Wōņāān ko ilo jikin mijen. Kajjojo allōn̄, mijenede rūm̧m̧an ded ro rej bōk jāān in jipan̄ ko jān mijen eo n̄an wia m̧ōn̄ā, iaļ in ito itak im wōn̄āān ko jet n̄an mour. Jāān in jipan̄ kein rekwojarjar. Mijenede ro rej kōjerbali wōt n̄an un ko me rej iookļo̧k mijen eo. Rej aikuj jab kōjerbali n̄an aikuj ko aer make, kakuni, ak jilkinļo̧k n̄an ro uwaan baam̧le ko aer ak ro jet. Mijenede ro rej bar kōro̧o̧lļo̧k n̄an mijen eo jabdewōt jāān ko rejjab aikuji.
Mijenede ro rej kōjerbal jāān ko aer make n̄an kōļļāik wōņaan aikuj ko jet. Wōņāān ko rej juļo̧k n̄an er make rej aikuj in jab eļļap. (Lale Missionary Standards for Disciples of Jesus Christ, 4.8.)
24.3.4.2
Jipan̄ Mijenede Rūtto me Rettoļo̧k jān Ijoko Jikier ikkijeen Jāān
Kallim̧ur eo kōn Jon̄an Jāān eo Aikuj Leļo̧k Kajjojo Allōn̄ Mijenede rūtto ro rej jerbal ettoļo̧k jān kapijuknen rej leļo̧k jāān in jipan̄ ko n̄an jipan̄ mijenede eo ilo ward eo aer kajjojo allōn̄. Jāān kein liļo̧k ej jipan̄ kōļļāik jikin jokwe im wōņāān wawa (lale barāinwōt “Dam̧oļo̧k in men ko kōļļāiki” tokālik ilo jekjōn in). Jāān ko liļo̧k remaron̄ ļapļo̧k jān aorōk eo an jikin jokwe ak wa ko liļo̧k jān Kabun̄ in.
Mijenede rūtto ro jān laļ ko me rej pād ilo būrookraam̧ in etan equalized contribution rej leļo̧k jon̄an eo em̧ōj karōk im ej pād ilo pepa in kūr eo aer.
Ilo laļ ko jet, bisop eo, stake būreejtōn eo, im mijenede eo rej kapilōk ippān doon kōn jon̄an eo enej jipan̄ļo̧k kajjojo allōn̄. Ritōl ro rej rōjan̄ wūjlepļo̧k ko ikkijeen jāān pedped ioon jekjek ko an mijenede eo. Rej errā kōn jon̄an eo im rekoote ilo peba in mijen eo an mijenede eo. Jon̄an in ej aikuj ejaak n̄an mijenede rūtto ro jān Eria Būreejtōnji (n̄an bōk kapilōk ippān Missionary Department eo). Ro jet rej jokwe ilo laļ eo me mijenede eo ej itok jān e remaron̄ bar jipan̄ļo̧k kanne akkaun in.
Bisop ro rej lukkuun lale bwe jāān ko rej lukkuun jipan̄ļo̧k kajjojo allōn̄. Jāān in jipan̄ ko reļļapļo̧k jān jon̄an eo kajjojo allōn̄ rejjab aikuj leļo̧k m̧okta jān lukkuun iien ko kar karōke.
Wōņeen Ko Jet N̄an eddeikiļo̧k wōt n̄an jāān eo kar kallim̧ur kake n̄an leļo̧k kajjojo allōn̄, eo me jipan̄ ko rej kabare jikin jokwe, iaļan ito itak, mijenede ro rerūtto rej aikuj lukkun kabare aolep wōneen ko jet, ekoba m̧ōn̄ā.
24.3.4.3
Kōļļāik Mijenede ro rej Jerbal ilo Jo Jikier Make
Mijenede ro rej jerbal ilo joko jikier rej eddoik aolepān aikuj ko aer ikkijien jāān. Ro me rej aikuj jipan̄ ikkijien jāān remaron̄ bōke jān ro uwaan baam̧le ko im ro m̧ōttaer. Jāān ko an ward eo ak stake eo rejjab maron̄ jerbal n̄an aikuj ko reiookļo̧k mijen.
24.3.4.4
Injurōn in Taktōk im Wōņāān ko
Rej lukkuun rōjan̄ mijenede ro jet n̄an dāpij wōt injurōn in taktō eo aer eļan̄n̄e emaron̄, ekoba mijenede rūm̧m̧an ro me rej katakin.
Mijenede ro rej jerbal ilo ijo jikier rej aikuj kōpooj injurōn in taktō eo aer im injurōn ko jet. Mijenede rūtto ro rej jerbal ettoļo̧k jān ijo jikier rej aikuj barāinwōt kōpooj menin in. Mijenede rūtto ro me rej jerbal itulikin laļ eo aer remaron̄ in bōk injurōn eo jān Senior Service Medical Plan eo.
24.3.5
Jerbal eo an Ro uwaan Baam̧le eo im Ritōl ro ilo Kōpooj Mijenede ro
Ro uwaan baam̧ļe eo im ritōl ro rej jipan̄ aolep ro rej pojān kallim̧ur n̄an ļoor jon̄an ko an mijenede. Rej rōjan̄ ro rej pojān mijenede n̄an ekkatak bōk in bōk meļeļe eo ikkijeen jon̄an an mijenede me ej iookļo̧k ijjitōn̄ eo me emaron̄ aer:
N̄an service mijenede rūm̧m̧an ded ro: Missionary Standards for Disciples of Jesus Christ—Service Mission
24.4
Elmakoti Mijenede ro
Jet ro rej pojān mijenede rejjan̄in kar de kar jokwe ilo ward eo diktata juon iiō. Ilo jekjek kein, bisop eo ej bwebwenato ilo iien eo em̧ōkaj ilo iien kōm̧m̧ane elamkote eo ippān bisop eo eo an armej eo ilo ward kar an m̧okta.
Etale ko ikkijien ājmour rej lali jān eria opij eo im Department eo an Missionary. Jet iien, inepata ko ikkijien ājmour emaron̄ jelet maron̄ eo an juon armej n̄an jerbal ettoļo̧k jān ijo jikin. Ilo jet jekjek, peba in mijen eo emaron̄ bar ro̧o̧l kōn naan in kōmeļeļe ko kōn wāween an armej eo maron̄ kōkm̧anm̧anļo̧k an ekkeke ilo ājmour.
24.4.2
Intōrpiu ko im Boom̧ in Peba in Mijen eo
Bisop eo im stake būreejtōn eo rej kōm̧m̧ane aolepān intōpiu eo ko n̄an etale mour in jetōb, im kōketak kajjojo ro rej pojān mijenede. Rej kōjerbal missionary recommendation interview questionseo. Rej ekōnono kōn men ko wōjān eo ej pojān mijen:
Naan in kam̧ool eo kōn Jisōs Kraist im gospel eo An em̧ōj an bar jepļaaktok (lale 24.3.1).
Tōpar jon̄an ko ikkijeen mour erreo (lale 24.3.2).
Ekkeke in ājmour ilo ānbwin, kōļmenļo̧kjeņ, im en̄jake(lale 24.3.3).
Bisop eo im stake būreejtōn eo rej barāinwōt etale meļeļe ko kōn jon̄ak ko ikkijeen mour erreo im ekkeke ilo ājmour ilo Missionary Oline Recommendation Systemeo. Eļan̄n̄e juon stake būreejtōn ilo United States ak Canada ewōr an kajjitōk, en kepaak Department eo an Missionary (lale 24.9.3). Ijōko jet, en kepaak eria opiij eo. Bisop eo im stake būreejtōn eo rejjab kakobabaik jabdewōt jon̄ak ko n̄an maron̄ kōkarbōb e juon mijenede n̄an mijen. Rejjab bar ukōt kajjitōk in intōrpiu ko .
Meļeļe eo ilo boom̧ in peba in mijen eo rej m̧ōttan ļo̧k jerbal in revelesōn an mijen kūr ko. Ritōl ro rej lukkuun lale bwe aolep meļeļe ko kar kajjitōk kaki ren lukkuun kwaļo̧k ilo m̧ool.
Eļan̄n̄e bisop eo ak stake būreejtōn eo ewōr aer n̄ūrbōktak kōn eo ej pojān mijenede ikkijeen jon̄an ko an mour erreo ak kōn jon̄an an ekkeke ilo ājmour eo an, rej kapilōk ippān doon im ippān armej eo. Kōn mālim eo an mijenede rūm̧m̧an ded eo e ej pojān mijen, er remaron̄ barāinwōt kapilōk ippān jinen im jemān mijenede eo. Bisop eo im stake būreejtōn eo rejjab jilkinļo̧k juon peba in mijen m̧ae armej eo em̧ōj an ukweļo̧k (lale 24.3.2.1). Pedped wōt ioon ājmour eo an armej eo ilo ānbwin, kōļmenļo̧kjeņ, ak en̄jake, remaron̄ ekōnono kōn maron̄ eo n̄an jitōn̄e āinwōt juon service mijenede.
Ilo jekjek ko rej menin ekairir n̄e bisop eo ak stake būreejtōn eo rejako, emaron̄ kōmālim juon iaan rikakpilōklōk ro an n̄an kōm̧m̧ane intōrpiu kein.
Ilo district ko, mijen būreejtōn ak juon rikakpilōklōk kar jitōn̄ e ej intōrpiuik im leļo̧k etan mijenede eo ej pojān mijen. District būreejtōn eo ejjab kōm̧m̧ane intōrpiu kein.
Pija
mijenede ro rej kōnono n̄an em̧m̧aan eo
24.4.3
Jilkinļo̧k Peba in Mijen Eo
Stake būreejtōn eo emaron̄ jilkinļo̧k juon peba in elmakot n̄an juon eo ej pojān juon mijenede edik ļo̧k n̄an 120 raan ko m̧okta jān raaan, allōn̄, iiō eo enaaj pojak. Stake Būreejtōn eo emaron̄ jilkinļo̧k pepa in mijen eo an juon mijenede erūtto me ej pojen mijen lōn̄ļo̧k n̄an ruwatimjuon allōn̄ ko m̧okta jān raan, allōn̄, iiō eo enaaj pojak. Raan, allōn̄, iiō eo enej pojak n̄e aolep jekjek kein rej tōpari:
Armej eo ekar tōpar dettan eo ej maron̄ in jerbal.
Armej eo em̧ōj kar kapene āinwōt juon membōr in Kabun̄ in diktata juon iiō.
Armej eo ekar kadedeļo̧k ak ejako an etal n̄an high school, secondary school eo, ak eo ejja dettan eo. (Menin ej jerbal n̄an mijenede rūm̧m̧an ded ro me rej pojān mijen me rej 18 iiō rūtto).
Mijenede rūm̧m̧an ded me rej pojān mijen im stake būreejtōn eo aer rej karōk n̄āāt eo stake būreejtōn eo ej aikuj jilkinļo̧k peba in mijen eo. Rej maron̄ kōjerbale Submission Planning Tool eo im Mission Release Date Planning Tool eo n̄an jipan̄.
Peba in mijen ko ekkā aer jilkinļo̧ki jān ward eo ak stake eo an. Bisop ro me rej jokwe ettoļo̧k jān ward ko ilo juon jikin, āinwōt juon ward an rūm̧m̧an ded ro ejjeļo̧k pāleer, remaron̄ kōm̧m̧ane pepa in mijen ko aer. Rej aikuj m̧okta kōnono ippān bisop eo jān ward eo ilo kapijuknen eo an. Ward eo ilo kapijuknen eo an mijenede eo ej aikuj āinwōt juon ward eo ej kōļļāiki mijen eo an mijenede eo.
Jet iien juon membōr eo ej ikdeelel n̄an jerbal emaron̄ jab kūr āinwōt juon full-time mijenede. Menin emaron̄ in itok wōt jān apan̄ ko ikkijien ājmour, ak jab tōpar jon̄ak ko an mour erreo, apan̄ ko ikkijeen legal, ak jekjek ko jet. Bisop eo im stake būreejtōn eo rej kwaļo̧k iakwe im kam̧m̧oolol kōn itok limo eo an membōr eo n̄an jerbal. Stake būreejtōn eo emaron̄ kōbōjrake jān an kōm̧m̧ane full-time mijen eo an.
Stake būreejtōn eo im bisop eo rej kōketak membōr eo n̄an bun̄ m̧aanļo̧k ilo iaļ in bujen eo āinwōt juon rikaļoor an Jisōs Kraist to̧o̧n wōt an mour. Rej barāinwōt kōketak n̄an pukōt jibadbad ko jet raorōk, āinwōt jeļāļo̧kjeņ ak jerbal n̄an membōr rūm̧m̧an ded ro.
24.5
Ālkin Bōk juon Kūr n̄an Mijen
Rej rōjan̄ mijenede ro rekāāl me rej kab kūr er n̄an mijen n̄an bar riiti Bok in Mormon m̧okta jān aer jino mijen ko aer. Rej ļoor kapilōk eo an Kiin̄ Benjamin n̄an “lale kom̧ make, im ļōmņak ko ami, im naan ko ami, im kōm̧m̧an ko” (Mosaia 4:30).
Rej uwaak ilo iien eo em̧ōkaj n̄an naan in kōmeļeļe ko kar litok ilo kūr eo. Rej aikuj barāinwōt etale bok jidikdik eo Adjusting to Missionary Life] ak Adjusting to Service Missionary Life: Resource Booklet. Er im ro uwaan baam̧le eo raikuj barāinwōt ekkatak wāween mour ko renaaj jerbal ie.
Ro uwaan baam̧le eo im ritōl ro rej rie mijenede ro ilo kijejeto kein. Rej barāinwōt kōmejajaik aorōk in kōm̧m̧an em̧m̧an im pād wōt ilo erreo kōn Jetōb eo.
24.5.1
Menin Letok Kwojarjar an Tampeļ im Jerbal ko ilo Tampeļ
Eļan̄n̄e mijenede ro rekāāl me rej kab kūr er n̄an mijen rejjan̄in bōk kain̄i eo an menin letok kwojarjar eo, rej aikuj kōm̧m̧ane m̧okta jān aer jino jerbal in mijenede n̄e ekkar Katak im Bujen Ko 43:15–16; 105:33). Menin ekoba service mijenede ro n̄e ekkar kōn jekjek ko aer. N̄an meļeļe ko kōn bōk menin letok kwojarjar, lale 27.2.
Mijenede ro me rej kab kūr er n̄an mijen ro em̧ōj aer bōk menin letok kwojarjar remaron̄ jerbal āinwōt rijerbal in kain̄i an tampeļ m̧okta jān aer jino jerbal in mijenede eo aer n̄e ekkar (lale 25.5).
24.5.2
Kweilo̧k in Kwojkwoj ko
Bisoprik eo ej kūr mijenede ro me rej kab bōk kūr ko aer n̄an mijen n̄an kōnono ilo kweilo̧k in kwojkwoj eo m̧okta jān aer jino mijen eo aer. Menin ej juon kweilo̧k in kwojkwoj me jeminene kake. Jibadbad eo ej aikuj n̄an mije kwojkwoj eo im Rilo̧mo̧o̧r. Rej aikuj kajjitōk ippān mijenede eo n̄an kōnono kōn Jisōs Kraist, gospel eo An me em̧ōj an jepļaaktok, im lan̄lōn̄ eo kōn kwaļo̧k gospel eo im jerbal n̄an ro jet.
Ro uwaan baaam̧le eo an mijende eo im ro m̧ōttaer ekka jab kajjitōk ippāer n̄an kōnono. Awa in kweilo̧k ko eban aitokļo̧k.
Membōr ro im ritōl ro rej aikuj joļo̧k jabdewōt men me emaron̄ kakkure paaktok ko rekwojarjar an juon mijen kūr ak ejaake wōņeen ko reļļap im rejjab aorōk. N̄an waanjon̄ak, rej aikuj jab:
Būrini būrookraam̧ ko kōn juon kweilo̧k in kwojkwoj ejenolo̧k.
Ejake ļain in iak-iakwe ko ālkin kweilo̧k in kwojkwoj eo.
Kōm̧m̧ane kōpeļļo̧k ko an m̧ōko, ijjeļo̧kin ippān doon ko an baam̧le. Eļan̄n̄e juon iien koba an baam̧le ej kōm̧m̧an, kar kajjitōk bwe en jab idaptōk ippān kweilo̧k ko an Jabōt.
24.5.3
Kōjenolo̧k Mijenede ro
Stake būreejtōn eo ilo ijo jikin ej kōjenolo̧k kajjojo mijenede ilo iien eo epaak tata ekkar n̄an raan eo ej jino mijen eo an. Ilo jekjek ko remenin ekairir n̄e stake būreejtōn eo ejjab pād, e emaron̄ kōmālim juon iaan rikakpilōklōk ro an n̄an kōjenolo̧k mijenede ro. E emaron̄ barāinwōt leļo̧k eddo eo kōn kōjenolo̧k service mijenede rūtto ro n̄an juon rikakpilōklōk.
Mijen būreejtōn eo ak juon iaan rikakpilōklōk ro an rej kōjenolo̧k mijenede ro rej kūr jān district ko ilo mijen eo an. District būreejtōn eo ejjab kōjenolo̧k mijenede ro.
Juon būratōr eo enaaj jerbal ettoļo̧k jān ijo jikin ej aikuj kar bōk Melkesidek Priesthood eo m̧okta jān aer kōjenolo̧ke āinwōt juon mijenede. Juon būratōr eo enaaj jerbal āinwōt juon service mijenede ej aikuj kabwijer Melkesidek Priesthood eo eļan̄n̄e ekkar n̄an jekjek ko an. N̄an kōmeļeļe ko kōn ekkapit n̄an juon opij ilo Melkesidek Priesthood eo, lale 18.10.
M̧okta wōt jān aer kōjeņoļo̧k juon mijenede, stake būreejtōn eo ak juon rikakpilōklōk kar jitōn̄ e ej intōrpiuiki mijenede eo. Eļan̄n̄e mijenede eo ejjab tōpar jon̄ak ko ikkijeen mour erreo ak eļan̄n̄e elōn̄ kajjitōk ko kōn ājmour, rejjab kōjeņoļo̧k e. Stake būreejtōn eo ej kepaak Missionary Department eo (lale 24.9.3) ak eria opiij eo n̄an bōk tōl.
Kōjenolo̧k eo ej aikuj in juon en̄jake ejeņoļo̧k. Ro uwaan baam̧le eo im ro m̧ōtttaer repaake er remaron̄ pād. Stake būreejtōn eo ej jipan̄ er meļeļe im en̄jake ekwojarjar eo im aorōk eo an kūr eo n̄an jerbal āinwōt ribōk jikin Jisōs Kraist im Kabun̄ eo An kar kōjepļaaktok.
Kōjenolo̧k eo im kōjeraam̧m̧an eo ej itok ippān rejjab aikuj lōlō ilo rekoot. Ijo wōt ke, rej rōjan̄ mijenede eo n̄an jeje ilo jōnōļ eo an kōn en̄jake eo im n̄an je kakeememej eo kōn m̧ōttan ko an kōjeraam̧m̧an eo me ekar makeļo̧k an ļap meļeļe in.
Stake būreejtōn eo ej kōmeļeļeik bwe armej eo ej aikuj ļoor jon̄ak ko an mijenede ālkin kōjenolo̧k e.
Kōjenolo̧k eo an juon mijenede kōn kūr eo n̄an mijen, ejjab kōn juon ijjitōn̄ emakeļo̧k an mijenede eo. Eļan̄n̄e ijjitōn̄ eo an juon mijenede ej oktak, e ejjab bar kōjenolo̧ke. Eļan̄n̄e juon mijenede ej kōtļo̧ke im ej tok ālik mālim n̄an bar ro̧o̧l n̄an jerbal in jipan̄ (lale 24.6.3.2), e ejjjab bar kōjenolo̧ke āinwōt juon mijenede.
24.6
Jerbal in Jipan̄ Ettoļo̧k jān Kapijuknen
24.6.1
Em̧m̧akūtļo̧k n̄an Jikin Mijen eo
Kabun̄ in ej kōļļāik wōņāān em̧m̧akūt eo an mijenede rūm̧m̧an ded ro rej katakin n̄an im jān jikin kaminene an mijenede (MTC) im mijen eo kar jitōn̄e er n̄ane. Kabun̄ in ej barāinwōt kōļļāik wōņāān kein n̄an mijenede rūtto ro me rej jerbal ettoļo̧k jān kapijuknen eļapļo̧k jān juon iiō.
Kōn airport security im un ko jet, baam̧le ko im ro jet rejjab kōketak er n̄an ioon mijenede ro ilo airport ko n̄e mijenede ro rej em̧m̧akūt jān MTC n̄an mijen ko aer.
Pija
mijenede ripālele eo ej katakin kōrā eo
24.6.2
Ilo Jikin Mijen
24.6.2.1
Bōk Jikin Mijenede ro
Stake im mijen būreejtōn ro rej kapilōk kōn aikuj eo n̄an mijenede ro ilo ward ko im branch ko. Ejjab menin aikuj bwe ren jitōn̄ mijenede ro n̄an aolep iunit ko. Jet iunit emaron̄ wōr elōn̄ļo̧k jān juon kōmpānien ie. Mijen būreejtōn eo ej kālet ia eo ej likūt mijenede ro ie.
24.6.2.2
Jerbal in Jipan̄ n̄an Membōr im Jukjuk in Pād eo
Stake im mijen būreejtōn ro rej kapilōk kōn wāween an mijenede ro maron̄ kōm̧m̧an jerbal in jipan̄ n̄an membōr im jukjuk in pād eo. Remaron̄ kōjerbale JustServe.org n̄e elōn̄.
24.6.2.3
Jikin Jokwe, Iien M̧ōn̄ā ko, im Iaļ in Ito Itak
Stake im mijen būreejtōn eo ej kālet eļan̄n̄e ak n̄an kōtļo̧k an membōr ro ilo jikin eo leļo̧k jikin jokwe ak m̧ōn̄ā n̄an mijenede ro. Leļo̧k jikin jokwe ak m̧ōn̄ā ko n̄an mijenede rejjab aikuj kaddoik membōr ro ilo jikin eo.
Membōr ro rejjab kōtmene er n̄an aolep iien kake iaļ in ito itak n̄an mijenede ro, ro rej katakin er, ak ro me rej kab peptaij.
Eria Būreejtōnji eo emaron̄ leļo̧k unin tōl kōn ļeļo̧k jikin jokwe, m̧ōn̄ā ko, im iaļ in ito itak n̄an mijenede ro ilo eria eo.
Ilo jekjek ko rejeja, mijenede ro rej jerbal ettoļo̧k jān kapijuknen maron̄ jitōn̄ er n̄an bōk kūr ko ilo branch eo. Eļan̄n̄e juon branch epād ilo juon stake, rej kōjeņoļo̧ke mijenede eo ium̧win tōl eo an stake būreejtōnji, kōn mālim eo jān mijen būreejtōn eo.
Eļan̄n̄e branch eo ej pād ilo district eo, mijenede eo ejjab kōjenolo̧k. Mālim eo n̄an jerbal ilo juon iunit kar jitōn̄e n̄an mijen eo ekoba ilo iien kōjenolo̧k eo āinwōt juon mijenede. Eļan̄n̄e elder ro rej kōm̧m̧ane juon jerbal me ej aikuji priesthood ki ko, rej kōm̧m̧ane kōn mālim in kappe eo jān mijen būreejtōn eo.
24.6.2.5
Kajjitōk ko n̄an Jipan̄ ro Jet Ikkijien Jāān ak kōn Jikuuļ ak Em̧m̧akūt n̄an bar Juon Laļ
Mijenede ro im baam̧le ko aer rej aikuj jab leļo̧k jipan̄ ikkijien jāān n̄an ro me rej jokwe ijo mijenede ro rej jerbal ie, ekoba jipan̄ ikkijen jāān n̄an jikuuļ. Mijenede ro im baam̧le ko aer rejjab aikuj bōk eddo in armej ro me rej kōņaan em̧m̧akūt n̄an laļ ko jet (lale 38.8.19).
24.6.2.6
Uno
Mijenede ro rej eddo kōn jabdewōt uno ko me remaron̄ aikuji. Ro uwaan baam̧le eo ak ro jet rejjab aikuj jilkinļo̧k ak būkilo̧k uno ko n̄an mijenede ro. Eļan̄n̄e ejjeļo̧k uno ko iilo mijen eo, mijenede eo ej kapilōk ippān mijen būreejtōn eo.
24.6.2.7
Mej an Uwaan Baam̧le eo
Eļan̄n̄e juon uwaan baam̧le eo an mijenede eo emej, mijenede emaron̄ kāālet n̄an ro̧o̧l n̄an kapijuknen ilo jidik wōt iien n̄an ilomej eo wōt. Ijo wōt ke, ekkā kapilōk mijenede ro n̄an pād wōt ilo mijen. N̄e emaron̄, e emaron̄ lale iien m̧akūtkūt ko an ilomej eo ilo an kōjerbal internet streaming.
Eļan̄n̄e juon mijenede ej kāālet n̄an ro̧o̧l n̄an kapijuknen n̄an ilomej, mijen būreejtōn eo ej kepaake Missionary Department eo.
24.6.2.8
Rekoot in Membōr ko im Juon M̧ōttan Jon̄oul
Ward eo ijo kapijuknen eo an mijenede eo epād ie ej dāpij wōt rekoot in membōr eo. Ward eo ijo kapijuknen eo an epād ie rej barāinwōt rekoote status in juon m̧ōttan jon̄oul eo an. Mijenede ro rejjab kōļļā juon m̧ōttan jon̄oul kōn jāān in jipan̄ ko rej būki jān mijen eo. Ijo wōt ke, rej kōļļā juon m̧ōttan jon̄oul eļan̄n̄e ewōr aer jabdewōt make jāān.
24.6.3
Ro̧o̧l n̄an Kapijuknen jān juon Mijen
24.6.3.1
Ro̧o̧l n̄an Kapijuknen n̄an Jikejuuļ eo Jinoin tata
Mijenede ro im membōr in baam̧le ko aer rejjab aikuj kajjitōk n̄an kōm̧ōkajļo̧k aer kōtļo̧k ak kaitokļo̧k iien mijen an mijenede eo ekkar n̄an kōņaan im em̧m̧an eo aer make.
Mijenede rūm̧m̧an ded ro rej aikuj ito itak kajju jān kapijuknen n̄an mijen ko aer. Jabdewōt em̧m̧akūt ak ekkāke ko jet maron̄ kōmālimi wōt n̄e mijenede eo ej etal ippān jinen ak jemān ak eo ej eddoiki.
Rejjab kōtļo̧k mijenede ro m̧ae rej riboot n̄an stake būreejtōn eo aer. Rej ļoor jon̄ak ko an mijenede m̧ae iien eo.
24.6.3.2
M̧ōkaj in Ro̧o̧l n̄an Kapijuknen
Jet mijenede ej m̧ōkaj kōro̧o̧l er kōn un ko ikkijeen ājmour, erreo, ak un ko jet. Bisop ro im stake būreejtōn ro rej leļo̧k rie ejenolo̧k n̄an mijenede rein me rej kab ro̧o̧ltok jān mijen. Ritōl ro rej jipan̄ er jerbal n̄an bar bōk ājmouir ak bar ro̧o̧l n̄an mijen n̄e emaron̄.
N̄an mijenede ro me repojak n̄an bar ro̧o̧l n̄an mijen, stake būreejtōn eo ej kepaake Missionary Department eo n̄an leļo̧k etan mijenede eo (lale 24.9.3). Jet mijenede ro me rej bar ro̧o̧l n̄an mijen remaron̄ bar jitōn̄ er n̄an juon mijen in katakin eoktak ak n̄an juon service mijen.
N̄e rejjab maron̄ bar ro̧o̧l n̄an mijen, ritōl ro rej kōketak membōr eo n̄an bun̄ m̧aanļo̧k ioon iaļ in bujen eo āinwōt juon rikaļoor an Jisōs Kraist to̧o̧n wōt an mour. Ritōl ro rej barāinwōt kōketak n̄an kappukōt kōttōpar ko jet raorōk, ko āinwōt jikuuļ ak jerbal n̄an mijenede rūm̧m̧an ded ro.
24.7
Service Mijen Ko
24.7.1
Kile Iien ko Rem̧m̧an n̄an Service Mijenede ro
Bisop eo, stake būreejtōn eo, im service mijenede eo ej kapilōk ippān doon n̄an kile iien ko rem̧m̧an ilo jikin eo n̄an jerbal. N̄an service mijenede rūm̧m̧an ded ro, juon service mijen ritōl im pāāren ro an mijenede eo ak rilale mijenede eo rej bōk koņaer ilo arto artak ko ak kōmeļeļe ko.
Iien ko rem̧m̧an n̄an service mijenede ro rej kili ālkin aer kūr n̄an jerbal. Iien ko rem̧m̧an n̄an service mijenede rūtto ro remaron̄ kile m̧okta ak ālkin aer kūr.
Jerbal in jipan̄ maron̄ leļo̧k ilo lukkuun jelm̧ae armej ak jikin ko rettoļo̧k ilo aer kōjerbal technology. Ritōl ro remaron̄ kōjerbal kein jipan̄ kein n̄an pukōt meļeļe ko kōn iien ko rem̧m̧an n̄an jerbal in jipan̄:
Service Mijiede ro rej jokwe ilo m̧ōko m̧weer make ak ippān ro nukuer aikuj mālim jān Service Mijen Opij eo. Rej leļo̧k ak karōk iaļ in ito itak eo aer make n̄an jikin jerbal ko aer n̄e emenin aikuj.
24.7.3
Kamminene im Tōl
Service mijenede ro rej kaminene im bōk tōl ilo jikin eo me rej jerbal ie. Rej maron̄ barāinwōt kaminene im bōk tōl jān service mijen ritōl eo. Rej bōk tōl raan-n̄an-raan kōn jerbal ko aer jān service mijen ritōl eo (n̄an service mijenede rūm̧m̧an ded ro) ak mānija an ijjitōn̄ ko aer (n̄an service mijenede rūtto ro).
Stake būreejtōn eo ej ritōl in kabun̄ eo an mijenede eo. E ej barāinwōt jipan̄ mijenede eo meļeļe im ļoor jon̄ak ko an service mijenede ro (lale Jon̄ak ko an Mijenede n̄an Erom̧ Rikaļoor ro an Jisōs Kraist—Service Mijen Ko).
24.7.4
Service Mijenede ro ilo Ward ak Stake Kūr Ko
Bisop eo ak stake būreejtōn eo emaron̄ leļo̧k kūr ko ilo ward eo ak stake n̄an service mijenede ro eļan̄n̄e kūr ko rejjab idaptōk ippān ijjitōn̄ ko an mijen ak jikejuuļ. N̄an mijenede rūm̧m̧an ded ro, ritōl rein rej loloorjake ippān service mijen ritōl eo.
24.7.5
Kōjem̧ļo̧k juon Service Mijen
Stake būreejtōn eo, service mijen ritōl eo (n̄an mijenede rūm̧m̧an ded ro), im service mijenede eo rej kapilōk ippān doon n̄an kālet n̄aat eo mijenede eo enaaj kadedeikļo̧k jerbal eo an.
Service mijen ko n̄an mijenede rūm̧m̧an ded ro rejjab aitokļo̧k jān 24 allōn̄ ko n̄an em̧m̧aan ro. Mijen kein rejjab aitokļo̧k jān 18 allōn̄ ko n̄an kōrā ro.
Service Mijenede rūtto ro remaron̄ kaitokļo̧k mijen ko aer n̄an juon iien eo rej errā kake jān ippān stake būreejtōn eo im mijenede eo.
N̄an kōmeļeļe ko kōn mālim ko n̄an deļon̄e tampeļ n̄an mijenede rūm̧m̧an ded ro em̧ōj aer mijen, lale 26.5.3.
24.8.1.2
Mijenede Rūtto ro rej Jerbal Ettoļo̧k jān Kapijuknen ko Aer
Mijen būreejtōn eo emaron̄ kōm̧m̧ane juon intōrpiu n̄an leļo̧k mālim n̄an deļo̧n̄e tampeļ n̄e emenin aikuj. Eļan̄n̄e mijenede eo erreo, mijen būreejtōn eo ej leļo̧k juon mālim kāāl me ej jem̧ļo̧k kitien ilo ruo iiō.
24.8.1.3
Service Mijenede ro
Service Mijenede ro rej aikuj kōm̧m̧an karōk ippān ritōl ro ilo ijo jokwe ie n̄an kōm̧m̧ani intōrpiu ko n̄an kōkāāl peba in mālim n̄an deļo̧n̄e tampeļ ko (lale 26.3.1).
24.8.2
Intōrpiu in Kōtļo̧k Mijenede
Stake būreejtōn eo ej kōtļo̧k mijenede ro im kōm̧m̧ane juon intōrpiu in kōtļo̧k. Juon iaan rikakpilōklōk ro an remaron̄ kōtļo̧k service mijnede ro rerūtto. Ilo district ko, ekkā an mijen būreejtōn eo ak juon rikakpilōklōk me kar jitōn̄e kōtļo̧k mijenede ro. Kōn men ko kōtļo̧k (exception), lale 6.3.
Unin tōl kein rej ellaajrak n̄an intōrpiu in emaron̄ in jipan̄.
Nōbar er kōn aer mijen.
Karuwaineneik er n̄an kwaļo̧k en̄jake ko aer ilo mijen.
Rōjan̄ er n̄an wōnm̧aanļo̧k wōt āinwōt juon rikaļoor an Jisōs Kraist to̧o̧n wōt aer mour.
Kapilōk er n̄an ekkal ioon imminene ko rem̧m̧an me rekar ejaaki āinwōt juon mijenede.
Rōjan̄ er n̄an ļoor Jetōb raan otemjej im mour jim̧we.
Rōjan̄ er n̄an ļōmņak kōn im m̧aanjabpopo n̄an ilju im jekļaj, ekoba jeļāļo̧kjeņ im jerbal n̄an mijenede rūm̧m̧an ded ro. Jipan̄ er kōm̧m̧ani kōttōpar ko im kōm̧m̧ani karōk ko n̄e emenin aikuj. Etale eddōkļo̧k eo ilo My Plan ippān mijenede rūm̧m̧an ded ro.
Kōjekdo̧o̧n kōjeraam̧m̧an ko ralikkar ko em̧ōj kar kallim̧ur kaki āinwōt juon nōbar n̄an jerbal in mijenede.
Riboot ko an Mijenede ro im Kōnono ilo Kweilo̧k in Kwojkwoj eo
Stake im district būreejtōn ro rej kajjitōk ippān mijenede ro me ej kab m̧ōj kōtļo̧k er n̄an riboot kōn jerbal ko aer ilo juon kweilo̧k an ko̧o̧njeļ eo eutiej an stake ak district. Menin ekoba service mijenede ro. Bisop ro remaron̄ barāinwōt kajjitōk ippān mijenede ro me ej kab m̧ōj kōtļo̧k er n̄an riboot ilo juon kweilo̧k in ko̧o̧njeļ an ward eo.
Ijo ekkar kōn ettoļo̧k in ak jekjek ko jet, mijenede ro me ej kab m̧ōj kōtļo̧k er remaron̄ kwaļo̧k riboot ko aer kōjerbal tōknaļiji ak ilo wōt juon kweilo̧k an ward ko̧o̧njeļ eo.
Bisoprik eo ej jikejuuļi iien eo n̄an mijenede ro me ej kab m̧ōj kōtļo̧k er n̄an kōnono ilo juon kweilo̧k in kwojkwoj. Menin ekoba service mijenede ro. Kweilo̧k eo ej juon kweilo̧k in kwojkwoj ejjab oktak. Bisoprik eo ej kanooj lale bwe pedped in katak ko kar kallaajraki ilo 24.5.2 rej ļoori.
Mijenede ro me ej kab m̧ōj kōtļo̧k er remaron̄ kōnono ilo kweilo̧k in kwojkwoj ko ilo ward ko jet n̄e kar kajjitōk jān juon membōr in stake ak district būreejtōnji eo. Remaron̄ barāinwōt kajjitōk jān juon membōr in ko̧o̧njeļ eo eutiej ak district ko̧o̧njeļ eo.
24.8.4
Kūr ko
Ritōl ro ilo iien eo em̧ōkaj rej leļo̧k ijjitōn̄ ko an jerbal in karejar im kūr ko n̄an mijenede ro me ej kab m̧ōj kōtļo̧k er. Menin ekoba ļōmņak kake āinwōt rijerbal ro an kain̄i in tampeļ n̄e ekkar (lale 25.2).
24.9
Kein Jipan̄ ko n̄an Pepa in Mijen Ko im Jerbal Ko
24.9.1
Bok in Katakin ko im Boom̧ ko
Kwaļo̧k Gospel Eo Aō: Juon Unin Tōl n̄an Jerbal in Mijenede